Penjo
Tiend warruok mar ja-Kristo en ang’o?
Duoko
Tiend warruok mar ja-Kristo en ang’o? Wach moa e Muma ma duoko penjoni ma ber en Johana 3:1-21. Ruoth Yeas Kristo wuoyo gi Nikodemo ma en Ja-Farisayo mong’ere kendo ja-kanyo mar Sanhedrin (ma en e chokruok ma otelo ni jo-Yahudi). Nikodemo ne obiro ir Yesu gotieno ka ne en gi penjo ma ne thage.
Ka Yesu ne wuoyo gi Nikodemo, ne owacho ni, ”’Adier, adier, awachoni ni ka ok onywol ng’ato nywol manyien, to ok onyal neno Loch Nyasaye.’ Nikodemo nopenje ni, ‘Ere kaka dichak nywol ng’ato kosedoko ng’ama duong’?’ To Yesu nodwoke niya, ‘Adier, adier, awachoni ni ka ng’ato ok onywol gi pi kendo gi Roho, to ok onyal donjo e Piny Ruoth Nyasaye. Gima ringruok onywolo en mar ringruok, kendo gima Roho onywolo en mar Roho. Omiyo kik bwogi ka awacho ni nyaka nywoli nywol manyien’” (Johana 3:3-7).
“Warruok” tiende en “monywol koa malo.” Nikodemo ne nigi dwaro mar adier. Ne odwaro lokruok mar chunye–lokruok mar roho. Nywol manyien, bedo ni onywoli kendo, en tim mar Nyasaye ma ema chiwo ngima ma nyaka chieng’ ni ng’ama oyie (2 Jo-Korintho 5:17; Tito 3:5; 1 Petro 1:3; 1 Johana 2:29; 3:9; 4:7; 5:1-4, 18). Johana 1:12, 13 nyiso ni “warruok” bende kelo paro mar “bedo nyithind Nyasaye” ka luwore gi geno e nying Yesu Kristo.
Penjo ma luwore kode en, ”Ang’o momiyo onego owari?” E Jo-Efeso 2:1 jaote Paulo wacho niya, ”Chon ne un joma otho nikech kethou kod richou.” Ir Jo-Rumi ne ondiko niya, ”Ji duto oseketho kendo girem kuom duong’ mar Nyasaye” (Jo-Rumi 3:23). Joricho gin joma “otho” ei roho; ka giyudo ngima mar roho kokaloe yie margi ei Kristo, Muma pime gi nywol manyien. Mana jok ma owar ema owenigi richogi kendo nigi wat gi Nyasaye.
Mano timore nadi? Jo-Efeso 2:8-9 wacho ni, ”Ne uyie kuome, mi oresou. Adier, ne oresou mana kuom ng’wonone, to ok kuom gik ma ne utimo un uwegi. En mana mich mar Nyasaye. Ne ok owaru nikech gimoro amora ma usetimo, omiyo kik ng’ato pakre.” Ka ng’ato owar, osenywole nywol manyien, roho mare onyien, kendo koro en Nyathi Nyasaye nikech ratiche mar nywol manyien. Geno kuom Yesu Kristo, ma ne ochuloni gop richo ka ne otho e musalaba e yor “warruok.” Ka ng’ato obedo kuom Kristo, to ochueye ng’ama nyien. Gik moko duto machon osekadho, kendo gik manyien osechopo!”(2 Jo-Korintho 5:17).
Ka pok ne iketo genoni kuom Ruoth Yesu Kristo kaka Jawarni, be ibiro keto pachi kuom, gima Roho Maler wacho ni chunyi? Onego iyud nywol manyien. Inyalo lamo lemo mar yie ni in jaricho mondo ibed ng’ama nyien ei Kristo kawuono? “To ji duto ma ne orwake, mi oyie kuome, nomiyo teko mar doko nyithind Nyasaye. Ne onywolgi kuom Nyasaye, to ok kuom anywola, kata kuom gombo mar ringruok, kata kuom dwaro mar dhano.” (Johana 1: 12-13).
Ka idwaro kawo Yesu Kristo kaka Jawarni mondo onywoli manyien, ma e en ranyisi mar lamo. Kik wiyi wil ni, lamo lemoni kata lamo moro amora ok bi wari. En mana geno kuom Kristo ema biro wari kuom richo. Lemoni en mana yor nyiso Nyasaye yieni kuome kendo gi gone erokamano kuom timo gik momiyi warruok. “Nyasaye, ang’eyo ni asetimo richo e nyimi kendo aromo gi kum. To Yesu Kristo ne okawo kum ma ne onego obed mara mondo kuom yie kuome inyalo wena richona. Aketo genona mar warruok kuomi. Erokamano kuom ng’wononi miwuoro gi weyona richona. – mich mar ngima ma nyaka chieng’! Amina!”
Bende isetimo yiero mar Kristo kaluwore gi gik ma isomo kae? Ka en kamano, yie idi kar "Aseyie Kristo kawuono".
English
Tiend warruok mar ja-Kristo en ang’o?