Nikoho
Ephiro ya nivuluxo ti Xeni?
Wakhula
Mòvoliwa etala? Khahiyene ovoliwa wowoneya, nto mòkhala ni etala va okumini vanyu? Yokhalavo ethu yoxupa mpuwa mwa nywo ehinòvahani murettele? Sari siso, Yesu ti ephiro! Yesu àwakhula: "Ti yomi mukatthe wa okumi ole onarwa wa miyo, kharwa avoliwa tho etala: ni yole onakiwelela miyo, kharwa avoliwa tho nthona (Yohani 6:36)
Morukurera muru? Nyuwo khamunawera ophwanya ephiro nari yothuneya ya okumi? Ennonihera ntoko okhala owo otxipihale warya ni khamunawera okhariha? Sari siso, Yesu ti ephiro ya nivuluxo! Yesu ànùluma èraka: "Miyo kiri warya wa elapo. Ole onakithara miyo, kharwa ètta mwepiphini, koma onakhaleno warya wa ekumi" (Yohani 8:12).
Nyuwo munona ntoko mowaleliwa vokumini? Moherera milako sintxene wera mphwanye yeyo eri mpuwa mwaya ni kheyavo mphwanyanyu? Munaxa mulako wokwanihera sa ekumi? Sari siso, Yesu ti ephiro ya nivuluxo! Yesu ahèra: "Miyo ti mulako. Yowo onavolowe aviraka mwa miyo, anavuluxiwe ni anavolowe i anakhume ni anaphwanye sotxa" (Yohani 10:9).
Athu akina ennokitiherani vathi? Onthamwene wa nyuwo wohantaka winteya? Enoneya ntoko òkhala onthuna woxupihani? Sari siso, Yesu ti nivuluxo, Yesu ahèra: "Miyo ka Mukukhuli òrera murima. Mukukhuli órera murima onnavelela okum'awe nthowa na iputtiputthi. Miyo ka mukukhuli òrera murima sinnakisuwela miyo (Yohani 10:11,14).
Mòkhala ni otikhina ethu Xeni enereya mutthu akhwa? Movela okhala ni ekumi mwa ithu sihinakhavihera? Mòkhala ni otikhina wera ekumi yokhala ni ekhavihero? Nyuwo mothuna okhala ni ekumi muwakhwà? Sari siso, Yesu ti nivuluxo! Yesu ahèra: "Miyo kiri evinyerero ni ekumi. Ole onakiwelela, namwi akhwiyene, anakhale n'okumi. Ni othene ale enakhala n'okumi ni onakiwelela, kharwa akhwa wa mahiku othene" (Yohani 11:25:26).
Ephiro ti xeni? Ekhavihero ti xeni? Ekumi ti xeni? Yesu onnakhula: "Miyo kiri ephiro ni ekhaikhai ni ekumi. Khavo onarwa wa atithi, ehikhanle ekhavihero aka (Yohani 14:6).
Etala ya nyuwo ti ya minepa. Yesu pahi onnarowa onikhaviha. Yesu pahi onnavinhiha muthu mwepiphini. Yesu ti mulako wa ekhavihero ni ekumi Yohimala. Yesu ti nthamwene ni mukukhuli yole mwamwaxan'anyu. Yesu ti ekumi-mwekumini ya vathi ni eyo enarwa oholo. Yesu ti ephiro ya nivuluxo.
Nthowa nyuwo munavoliwanyu etala, nthowa nyuwo munakhalanyu mwepiphini, nthowa nyuwo khamumphwanya othuneya wa okumi, ti vowi momwalana ni Muluku. Biblya onahima wera othene nòtheka ni momwalana ni Muluku (Cohelet 7:20, Aroma 3:23). Nyuwo munavoliwa etala nthowa na omwalana ni Muluku. Nyuwo mpankiwe wera mpanke onthamwene ni Muluku. Nthowa na sotheka momwalana ni Muluku. Nari eyo erene ethu yowopiha, yòtheka eni yomwalanyiheni ni ekumi Yohimala, ekumi ya vathi ni eyo Yohimala (Aroma 6:23, Yohani 3:36).
Mota xeni mwaha yola onrowaya werusiwa? Yesu ti ephiro ya nivuluxo! Yesu okuxa sotheka sanyu ìkeliha wa mekhaye (2Acorinto 5:21). Yesu òkhwa nipuro na nyuwo (Aroma 5:8), akuxaka nttarixoni nenle mwaphwalenlanyu. Evinrene mahiku mararu, àvinyerera mwa alipa òkhwa, anivahaka owerya mwa sòtheka ni okhwa. Nthowa na xeni opankaye seyo? Yesu ohàkhula mekhaye: "Khavo orino othuna otokotoko opwaha otthuna wa yole onvelela ekum'awe niwoko na asinthamwen'awe. Yesu okhwile wera hiyo nikhale ni ekumi. Namwiwelela Yesu, nroromelaka okhwa waye ntoko nlivo na sotheka, sotheka sahu sinnaleveleliwa ni sinnavinxiwa. Mwa yeyo, onnakhala wopoliwa mwa etala ele. Warya onahala onimwalele. Munahala okhalà ni ekumi yaphama. Munahala omusuwela nthamwen'anyu a ekhaikhai ni mukukhuli anyu. Munahala musuwele wi munòkhala ni ekumi muwakwà-okumi wovinhererihiwa ni wohimala ni Yesu!
"Khweli Muluku òtthuna vantxipale elapo ya vathi ophiyera onvaha Mwan'awe mmosaru, wera yeyo eri yothene enamwiwelela, ehiriheye, nto ekhaleno ekumi Yohimala (Yohani 3:16).
Mohantaka wùpuela omuthanla Yesu nthowa na ithu mwerenkanyu va? Sari siso, murowe mwaphinye va malepani : "Miyo komwàkhela Kristu olelo" nibatani na vathi.
English
Ephiro ya nivuluxo ti Xeni?