Nikoho
Mkristu tani?
Wakhula
Malepa ènnataphulela sa mkristu yahala ekhale òlikana ni "Muthu onalaleya sa Yesu ntoko Kristu nari olapela onatthariha nsomiho na Yesu". Nenlo nrène nivalo nòpatxeriha, ntoko malepa òtaphulela, sinnathikiha muttuli ohima ekhaikhai sa ethu enaphwanaphwanihaya awi "Mkristu" ni ehimmwe oraru mmalepani a nanano (Miteko da Arummwa 11:26; 26:28; 1Pedru 4:16). Vano ti w'Antiyokiya weiwo òhusera yapatxenraya'awo witthaniwa Akristu (Miteko sa Arummwa 11:26) nthowanene murimaya, miteko saya ni mùlumo aya wari wòlikana ni ole wa Kristu. Nsu nowi "Kristu" nnahima "okhala a Kristu" nari "athu enamuthara Kristu".
Ntoko otakhaliwa mpuwa mwa ehuhu, nsu nowi "Mkristu" nahotxela okhala ni niphwanaphwaniho nòsuwanyeya ni nnètteliwa ni athu òmulapela Muluku nari yawo enetta sana, koma ehikhanle athu omuthara Yesu ni ekhaikhai. Athu antxene ehinamwiwelela ni ehinamuroromela Yesu Kristu enìsona ntoko Akristu nthowa norowa okereja nari nthowa nòkhala velaponi ya Akristu. Koma orowa okereja, atxelela ithu savakhani opwaha nyuwo, nari okhala muthu òrera khonapankiha okhala mkristu. Orowa okereja khonapankiha okhala mkristu orowa onikathiwa ekaro khonòkhaliha ekaro. Okhala muthu a Ekereja ekinene, ovekela nihiku ti nihiku, nari ovaha muteko wa Ekereja khonapankiha okhala mkristu.
Biblya onnasomiha wera Muluku khanòwema nthowa na mitteko sa sana. Tito 3:5 onnahima wera "Muluku ònivuluxa ni orapa wa oyariwa veli ni wa sovaha sinyowani sa Munepa Wottela". Vano, mkristu ti muthu ayariwe veli (Yohani 3:3; Yohani 3:7; 1Pedru 1:23) ni ahenle wiwelela wawe ni nroromelo wa Yesu Kristu. Aefeso 2:8-9 onnèra wera ".... mòvuluxiwa ni mahal'awe mwa wiwelela, ni etthu ela Khayèrenñye ni ikuru sanyu, hoye, mene ti yovaha ya Muluku, anyi, ele khekhumme wa sopanka, wera ahikhale muthu onìsunnuwiha.
Mkristu a ekhaikhai ti muthu yole onakiwelela ni onamuroromela Yesu Kristu, opwexerera okhwa wawe vamuttandani ntoko nlivo na sòtheka sahu ni ovinyerera wawe nihiku namararu.Yohani 1:12 onnanihimera, "koma yowo othene yàkhenle Nsu nenlo, àvahiwa owerya wokhalihiwa anamwane a Muluku: ti yale anìwelela nenlo". Maparima a mkristu èkhaikhai ti watthuna athu akina ni othariha malamulo a Muluku (1 Yohani 2:4, 10). Mkristu èkhaikhai ti mwana a Muluku, ari empari ya amusi a Muluku ni muthu ovahiwe ekumi mwa Yesu Kristu.
Mohantaka wùpuela omuthanla Yesu nthowa na ithu mwerenkanyu va? Sari siso, murowe mwaphinye va malepani : "Miyo komwàkhela Kristu olelo" nibatani na vathi.
English
Mkristu tani?