Zawhna
Eng nge Christian chu?
Chhanna
Kristian tih hi dictionary ah chuan “Isua hi Krista a ni tih pawmtu emaw Isua Krista zirtirna behchhana sakhuana,” hi a kawk thei awm e. Hei hi a bul \anna \ha tak chu a ni, dictionary-ten an hrilhfiahna tam tak ang deuh hian, Kristian kan tih chuan Bible thu zirtirna lam hi a hawi thei awm e. “Kristian” tih thumal hi Thuthlung Tharah hian vawi thum hman a ni a (Tirhkohte 11:26; 26:28; 1 Petera 4:16). Isua Krista hnungzuitute hi Antiokei khuaah “Kristiante” ti a koh hmasak ber an ni (Tirhkohte 11:26), a chhan chu an nundan te, an thiltih te, an \awng dante chu Krista nen a in an vang a ni. “Kristian” tih thumal hi a awmzia dik takah chuan “Krista mi ni tura ama ta” emaw “Krista zuitu” emaw tihna a ni.
Hun kal tawh a\anga thil vanduaithlak tak chu, “Kristian” tih thumal hian a awmzia dik tak a hloh ta zel a, Isua Krista hnungzuitu \ha tak ni lem lote pawh Kristian ti a sawi an ni ta zel a ni. Mi tam tak chu Krista ring chuang lo, a hnung pawh zui chuang si lovin Kristian an in ti ve ringawt a, a chhan chu an inkhawm \hin vang leh “Kristian” ram a an awm vang mai in. Mahse Biak ina inkhawm te, mi harsa puihte leh fel taka nun hian Kristian-ah a siam lo che a. Biak ina inkhawm ringawt hian Kristian a nih tir thei hek lo che a, motor dahna hmuna i kal avang ringawtin Motor i ni lo ang chiah hian. Kohhran member nih ringawt a, inkhawm \ha taka kal a, kohhran tana hna \ha tak thawh ringawt hian Kristian a nih tir thei bawk hek lo che a ni.
Bible chuan thil \ha kan tihna avang hian Pathian hian min pawm ngawt thei lo a ti a. Tita 3:5 ah chuan, “Thil fel taka tih, keimahni ngeia tih te chu, chu mi avang ni lovin, siamtharna, silna leh Thlarau Thianghlim siam thar lehna chuanin a khawngaihna ang zel zawkin min chhandam ta,” a ti a. Chuvang chuan Kristian chu Pathian a\anga mi piangthar ngei zawk hi a lo ni a (Johana 3:3,7; 1 Petera 1:23), Isua Krista a rinna nghattu ngei chu. Ephesi 2:8 ah ti hian min hrilh a, “Khawngaihna avanga rinna a chhandam in ni a- nangmahni thawh chhuah a ni lo, Pathian thilthlawnpek a ni” tiin.
Lal Isua Krista hnathawh, a thihna leh thawlehna te chu kan sual tlan nan a tawk zo a ni tih ringtu leh pawmtu hi Kristian dik tak chu a ni. Johana 1:12 chuan ti hian min hrilh, “Nimahsela amah lawm apiang chu, an hnenah Pathian fate nih theihna tur a pe, a hming ringtute chu.” Kristian dik tak chhinchhiahna chu midangte hmangaihna leh Pathian thuawihna hi a ni (1 Johana 2:4,10). Kristian dik tak chu Pathian fa a ni a, Pathian chhungkuaa mi, Krista avanga chatuana nunna neitu chu.
Heng thu i chhiar a\ang hian Krista tan thuthlukna i siam tawh em? I siam a nih chuan “Vawiinah hian Lal Isua Krista hi Lal leh chhandamtu a tan ka pawm ta” tih hi hmet rawh.
English
Eng nge Christian chu?