Zawhna
Lal Isua Krista Lal leh Chhandamtu a pawmna hi eng nge a awmzia?
Chhanna
Lal Isua Krista hi Lal leh chhandamtu ah i pawm tawh em? He zawhna chiang taka hre fiah tur chuan “Isua Krista,” “Mimal,” leh “Chhandamtu,” tih awmziate hi i hriat fiah hmasak a ngai a ni.
Tu nge Lal Isua Krista chu? Mi tam tak chuan Lal Isua Krista chu mi \ha tak, zirtirtu \ha tak, emaw Pathian zawlnei-ah emaw an ngai mai \hin. Hengte hi a dik em em vek a, nimahsela tu nge a nih hi chiang takin a sawifiah pha lo a ni. Bible chuan Isua Krista chu Pathian, tisa a lo chang a ni a ti a, Pathian mihring anga lo awm a ti bawk (Johana 1:1, 14). Pathian chu min zirtir tur te, min tidam tur te, min siam \ha tur te, min ngaidam tur leh kan tana thi turte in khawvelah a lo kal a! Lal Isua Krista hi Pathian dik tak a ni, engkim siamtu leh Lalber chu a ni. Chu Lal Isua Krista chu i chhandamtu atan i pawm tawh em?
Eng nge Chhandamtu tih chu a awmzia, engvangin nge chhandamtu chu kan mamawh? Bible chuan mi zawng zawngin thil kan tihsual thu min hrilh a; thil \ha lo tak chu kan ti vek a (Rom 3:10-18). Chu kan sual avang chuan Pathian thinurna leh hremna chu kan chan tur a ni a. Pathian engkim ti thei, chatuan mi chunga kan thil tihsual hremna tur chu chatuana tih hrehawma awm hi a ni (Rom 6:23; Thupuan 20:11-15). Chuvang tak chuan a ni chhandamtu chu kan mamawh ni!
Lal Isua Krista chu khawvelah lokal in kan aiah a rawn thi a. Chu a thihna chu kan sual man batte tlak nan a tawk a ni (2 Korinth 5:21). Lal Isua hi kan sual man batte tlak nan a thi a (Rom 5:8). Keinin kan pekve ngai tawh lo tur in Lal Isuan a pe zo vek tawh a ni. Lal Isua thawhlehna chuan kan sual man bat tlak nan a thihna chu a tawk zo a ni tih a tifiah a. Chu mi avang chuan Lal Isua Krista chauh hi chhandamtu chu a ni (Johana 14:6; Tirhkohte 4:12)! Lal Isua Krista chu i chhandamtu atan i ring tawh em?
Lal Isua Krista chu i “mimal” chhandamtu a ni em? Mi tam tak chuan Kristianna hi biak in a inkhawm te, serh leh sang khawihte leh sual tih loh ringawt emaw hi an ti \hin. Chu chu Kristianna a ni lo. Kristianna dik tak chu Lal Isua Krista nena inlaichinna dik tak neih hi a ni zawk. Lal leh chhandamtua Lal Isua Krista pawm tih awmzia chu, nangma rinna amaha nghah kha a ni. Tumah hi midang te rinna avanga chhandam an awm ngai lo a. Tumah hi thil \ha tih avanga chhandam an awm ngai hek lo. Mahnia Lal Isua Krista Lal leh Chhandamtua pawm a, rinna chauh hi chhandamna chu a ni a, a thihna leh thawhlehna chu kan kan sualk ngaihdamna leh chatuan nun kan neih nan a tawk a ni (Johana 3:16). Lal Isua Krista chu i tan, namgma tan ngei khan Chhandamtu a ni ve em le?
Lal Isua Krista hi mimal chhandamtu a i pawm duh a nih chuan he thu hi Pathian hnenah thlen rawh. Mahse heng \awng\ainate leh \awng\aina dang reng rengte hian a chhandam thei lo che a ni tih hre reng la. Lal Isua Krista Kross-a a thihna leh hnathawh zawhna rin chauh hi chhandamna chu a ni. He \awng\aina hi chu Pathian hnena chhandamna a buatsaihsak che avanga lawmthu sawina a ni. “Lalpa, i lakah thil ka tisual a, hrem tlak ka ni tih hi ka inhria a. Mahse Lal Isua Krista'n chu ka sualnate chu min hnehsak tawh a, amah ka rin chuan ngaihdam ka ni dawn tih ka ring a. I ngaihdamna chu ka chang a, chhandam ka nihna turin nangmahah chuan ka rinna ka nghat e. Lal Isua Krista chu Lal leh chhandamtuah ka pawm a! I khawngaihna leh i ngaihdamna ropui tak avangin lawmthu ka hrilh a che- chatuan nunna min pek avangin! Amen!”
Heng thu i chhiar a\ang hian Krista tan thuthlukna i siam tawh em? I siam a nih chuan “Vawiinah hian Lal Isua Krista hi Lal leh chhandamtu a tan ka pawm ta” tih hi hmet rawh.
English
Lal Isua Krista Lal leh Chhandamtu a pawmna hi eng nge a awmzia?