Асуулт
Библи гомосексийн талаар юу гэдэг вэ? Ижил хүйстэнтэйгээ явалдах гэм нүгэл үү?
Хариулт
Библи гомосексийн үйлдлийг гэм нүгэл хэмээн хэлдэг(Эхлэл 19:1-13; Левит 18:22; Ром 1:26-27; 1Коринт 6:9). Ром 1:26-27-д гомосекс үйлдэл бол Бурханыг эсэргүүцэж, дуулгавартай байгаагүйн үр дүн гэж тодорхой заадаг. Хүн гэм нүгэл, итгэлгүй байдлаа үргэлжлүүлсээр байх юм бол Бурханаас салсан амьдрал ямар найдваргүй, аймшигтай болохыг харуулахын тулд Бурхан тэднийг илүү хорон муу, завхарсан гэм нүгэл дотор “зөнд нь орхидог” гэж Библи дээр бичигдсэн. 1Коринт 6:9-д ижил хүйстэнтэйгээ “нөхцөгчид” Бурханы хаанчлалыг өвлөхгүй гэсэн.
Бурхан хүнийг ижил хүйстнээ хүсэх хүсэлтэйгээр бүтээгээгүй. Хүн гэм нүглийнхээ улмаас (Ром 1:24-27), тухайлбал өөрсдийн туйлын сонголтынхоо дагуу ижил хүйстэнтэйгээ явалдагчид болсон гэж Библи хэлдэг. Хүмүүс хүчирхийлэл болон бусад гэм нүглүүдийг үйлдэх хүсэл хандлагатай төрдөг шигээ л ижил хүйстэнтэйгээ явалдах илүү мэдрэмжтэй төрдөг байж болох юм. Тэглээ гээд гэм нүгэл үйлдэх хүслийнхээ дагуу сонголтоо хийж гэм үйлдсэн болохоор ямар нэг шалтаг байхгүй. Хэрвээ хэн нэгэн уурлан бухимдах илүү мэдрэмжтэй төрсөн болохоор уурлан хилэгнэх хүсэлдээ дийлдсэн гэж тэднийг зөвтгөнө гэсэн үг үү? Мэдээж үгүй! Энэ нь гомосекс үйлдэлд ч адилхан.
Гэвч Библи гомосекс гэдэг бол бусад гэм нүглээс илүү “илүү аймшигтай” гэж дүрсэлдэггүй. Бүхий л гэм нүгэл Бурханд тэрсэлдэг. Гомосекс гэдэг бол 1Коринт 6:9-10д дурьдагдсан олон зүйлсийн зөвхөн нэг нь бөгөөд Бурханы хаанчлалаас хүнийг холдуулдаг. Библийн дагуу алуурчин, хулгайч, худал шүтээн шүтэгч, завхайрагсад Бурханы уучлалыг хүртдэг шиг гомосекс үйлдэлтэй хүн ч түүнээс хүртэх боломжтой. Түүнчлэн Бурхан ижил хүйстэнтэйгээ явалддаг хүн байсан ч Есүс Христэд итгэн аврагдсан хүмүүст гэм нүглээ ялан дийлэх хүчийг өгнө гэж амласан(1Коринт 6:11; 2Коринт 5:17).
English
Библи гомосексийн талаар юу гэдэг вэ? Ижил хүйстэнтэйгээ явалдах гэм нүгэл үү?
