Sokre
A Kirist ned yaa bõe?
Leokre
Gom-biisã-bilgr sebr bilgame t’a Kirist ned yaa “ned sen yaagd-a nor n togsdẽ tɩ yẽ tẽeda a Zezi wa Kristã wala Wẽnd-tũudm nĩng sen tĩk a Zezi goamã n tũud-a wã.” Hal baa bilgrã sãn n yaa soamã, wa gom-biis-bilgr sɛb wʋsg mẽ sen bilgi, a zulmã ka ta Wẽnnaam sebrã sen yaa sɩd goamã bilgrã zulm sen ta zĩig ningã n wilgid a Kirist tẽed sen yaa soab ye. Yaa nõor a tab la b pʋd “Kirist ned” gom-bilã yʋʋr Kãab Paalgã pʋga. (Tʋʋmã 11:26; 26:28; 1 Pɩyɛɛr 4:16). Yaa Ãntiyos tẽng la b bool a Zezi Kirist tũudbã pipi tɩ Kirist neba (Tʋʋmã 11:26) tɩ bõe b na-kẽndrã, b tʋʋmã neb koe-mõonegã ra yaa wa Kirist meng rẽndã. Gom-bil ning sen boond tɩ “Kirist Nedã” võorã nana nana yaa, “a Kirist tũudmã neba” wala “a Kirist tũudba.”
La zu-bʋko wakatã sen wa n loogdẽ “Kirist Ned” võorã meng meng wa n tekame n lebg wa ned sen be tũudm bɩ minung pʋga wala ned sen tar yĩn-sidg kasengã n yaa a Zezi tẽed hakɩka wal a ka tũud a Zezi sõama ye. Neb wʋsg sen ka tẽed b la b ka tɛɛg a Zezi Kirist boonda b mẽnsã tɩ Kirist Neba bala b kẽnda Wẽnd-doogẽ wala b vɩya “Kirist Neb” soolem pʋga. La tɩ kẽng Wẽnd-doogẽ, wal tɩ sõng neb nins sen ka são yãmbã, wal tɩ yɩ nĩn-sõng ka kɩtid tɩ ned yɩ a Kirist Ned ye. Tɩ kẽnd Wẽnd-doogẽ ka kɩted tɩ fo yɩ a Kirist Tẽeda wa mubils manegr-zĩigẽ kẽnd mẽ sen ka kɩted tɩ fo lebg mubillã. Tɩ yɩ Wẽnd-doog neda, tɩ kẽnd pʋʋsg daar fãa, wala kõt ligd Wẽnd-doogã tʋʋmdã yĩng ka wiligd tɩ ned yaa Kirist Ned ye.
Wẽnnãm sebrã wiligame tɩ tʋm-sõmyã nins tõnd sen mãandã ka kɩted tɩ tõnd yɩ tɩrs Wẽnnaam taoor ye. A Tite 3:5 yelame tɩ, “b fãaga tõndo, La ka tõnd sen maan tʋʋm-sõma yĩng ye, yaa bãmb nimbãan-zoeerã yĩng la b pek tõnd n kõ tõnd dogem paalg n maneg tõnd ne Sɩɩg-sõngo.”. Woto yĩnga, Kirist Ned yaa a soab ning sen paama rogem-paalgã nẽ Wẽnnaam Pãngã (Zã 3:3; Zã 3:7; 1 Pɩyɛɛr 1:23) la a rɩk-a tẽebã ne a teegrã fãa n del a Zezi Kirist. Efɛɛz rãmba 2:8 yetame tɩ yaa “ne bark la yãmb paam fãagr tẽeb yĩnga—la ka ne yãmb mens pãng ye, yaa Wẽnnaam kũuni.”
Tẽed hakik yaa a soab ning sen dɩk-a tẽebã ne a teegrã fãa n del a Zezi Kirist sen maan tʋʋmd ningã, ne a kũumã kũum-dapikã zugã yelwẽnã yaobã yĩnga ne a vʋʋgrã rasmã tãab daarã. Zã 1:12 yeela tõnd tɩ, “La neb nins fãa sen den deeg bãmbã la sen tẽ bãmb yʋʋrã, b kõ bãmb nõor tɩ lebg Wẽnnaam kamba.” Bãnd sen wilgd tẽed hakik yaa yaa nõnglm neb a taabã yĩnga la Wẽnnaam goamã sakre (1 Zã 2:4, 10). Tẽed hakik yaa Wẽnnaam biiga meng menga, n yaa zakã neda, la ned sen paam ɩɩvm paalg a Zezi Kirist sabab yĩnga.
Fo sen karm bũmb nĩng ka wã kɩtame tɩ yãk yam n dat n deeg a Zezi bɩ? Sãn n yaa woto, bɩ f tõk “Mam deega a Kirist rũnda” wã butõ tẽngr ka.
English
A Kirist ned yaa bõe?