မေးခွန်း
ယနေ့ဘုရားသခင်သည် ကျွနု်ပ်တို့အားစကားပြောသလား။
အဖြေ
ဘုရားသခင်လူများကို အသံအားဖြင့် အကြိမ်များစွာ စကားပြောကြောင်း သမ္မာကျမ်းစာထဲတွင် မှတ်တမ်းတင်ထားပါသည် (ထွက်၊ ၃း၁၄၊ ယောရှု ၁း၁၊ တရား ၆း၁၈၊ ၁ဓမ္မ ၃း၁၁၊ ၂ဓမ္မ ၂း၁၊ ယောဘ ၄ဝး၁၊ ဟေရှာယ ရး၃၊ ယေဇမိ ၁းရ၊ တမန် ၈း၂၆၊ ၉း၁၅၊ ဤကျမ်းပိုဒ်များသည် နမူနာပြထားသောကျမ်းပိုဒ် များသာဖြစ်သည်)။ ယနေ့ဘုရားသခင်က လူသားများအား အသံအားဖြင့် အဘယ်ကြောင့်စကားမပြော သည်ကို၄င်း၊ အဘယ်ကြောင့်စကားပြောမည်မဟုတ်သည်ကို၄င်း သမ္မာကျမ်းစာထဲ၌ဖော်ပြထားခြင်းမရှိပေ။ သမ္မာကျမ်းစာထဲတွင်ဘုရားသခင်သည် ရာနှင့်ချီစကားပြောကြောင်း မှတ်တမ်းတင်ထားပါသည်။ သို့သော် ထိုစကားပြောခြင်းသည် လွန်ခဲ့သောလူ့သမိုင်းနှစ်ပေါင်း ၄,၀၀၀ ခန့်တွင်ဖြစ်ပျက်ခဲ့သည်ကို ကျွနု်ပ်တို့ သိရှိရမည်ဖြစ်သည်။ ဘုရားသခင်က အသံအားဖြင့်စကားပြောခြင်းသည် ခြွင်းချက်တစ်ခုဖြစ်သည်။ နည်းလမ်းမဟုတ်ပေ။ သမ္မာကျမ်းစာထဲတွင် ဘုရားသခင်က အသံအားဖြင့်စကားပြောသည်ဟု မှတ်တမ်း တင်ထားသော်လည်း ၄င်းသည် လူ့အသံလား၊ အထဲမှဖြစ်ပေါ်လာသောအသံလား၊ (သို့) စိတ်ထဲ၌ဖော်ပြ သောအသံလား ဟူ၍ အမြဲတမ်း သေချာစွာမဖော်ပြနိုင်ပေ။
ယနေ့ဘုရားသခင်က လူသားများကို စကားပြောသည်။ ပထမအနေဖြင့်၊ ဘုရားသခင်က ကျွနု်ပ်တို့ကို သူ၏နှုတ်ကပတ်တော်အားဖြင့်စကားပြောသည် (၂တိ ၃း၁၆-၁၇)။ ဟေရှာယ ၅၅း၁၁ ထဲတွင် “ထိုအတူ၊ ငါ့ စကားသည်တည်လိမ့်မည်။ အကျိုးမရှိဘဲငါ့ထံသို့မလာရ။ ငါ့အလိုကို ပြည့်စုံစေမည်။ ငါစေခိုင်းသောအမှု၌ တည်လိမ့်မည်” ဟုဖော်ပြထားပါသည်။ သမ္မာကျမ်းစာသည် ကျွနု်ပ်တို့လိုအပ်သော ကယ်တင်ခြင်းနှင့် ခရစ်ယာန်အသက်တာနှင့်အညီအသက်ရှင်နိုင်ရန် ဖော်ပြပေးထားသော နှုတ်ကပတ်တော်ဖြစ်သည်။ ရှင်ပေတရုသြဝါဒစာ ဒုတိယစောင် ၁း၃ထဲတွင် “ထိုသို့နှင့်အညီ ငါတို့ကို ဘုန်းတန်ခိုးတော်နှင့် ခေါ်တော်မူ သောဘုရားကို သိသောဉာဏ်အားဖြင့်၊ ငါတို့အားအသက်ရှင်ခြင်း၊ ဘုရားဝတ်၌မွေ့လျော်ခြင်းနှင့် စပ်ဆိုင် သောအရာရှိသမျှတို့ကို ဘုရားတန်ခိုးတော်သည် ပေးသနားတော်မူပြီ” ဟုဖော်ပြထားပါသည်။
ဒုတိယအနေဖြင့်၊ ဘုရားသခင်သည် အခက်အခဲ၊ အဖြစ်အပျက်များနှင့် အတွေးအခေါ်အားဖြင့် စကားပြော သည်။ ဘုရားသခင်သည် ကျွနု်ပ်တို့၏စိတ်ထဲတွင် အမှားမှအမှန်ကို ခွဲခြားနိုင်ရန် ပိုင်းခြားနိုင်သော ဉာဏ် ပညာကို ပေးထားသည် (၁တိ ၁း၅၊ ၁ပေ ၃း၁၆)။ ဘုရားသခင်သည် သူ၏စိတ်တော်ကို သိရှိနိုင်ရန် ကျွနု်ပ် တို့၏စိတ်ကို ပုံသွင်းထားပါသည် (ရောမ ၁၂း၂)။ ဘုရားသခင်သည် ကျွနု်ပ်တို့ကို လမ်းပြရန်၊ ပြောင်းလဲရန်၊ ၀ိညာဉ်ရေးရာ၌တိုးတက်ကြီးထွားရန် အတွက် အဖြစ်အပျက်အချို့တို့ကို ခွှင့်ပြုထားခြင်း ဖြစ်သည်(ယာကုပ် ၁း၂-၅၊ ဟေဗြဲ ၁၂း၅-၁၁)။ ၁ပေ ၁း၆-ရထဲတွင် “အရည်ကျို၍စုံစမ်းခြင်းကို ခံနိုင်သော် လည်း၊ ပျက်စီးတတ်သောရွှေကိုစစ်ကြောခြင်းထက်၊ သင်တို့ယုံကြည်ခြင်းကို စစ်ကြောစုံစမ်းခြင်းအရာ သည်သာ၍ မြတ်သည်နှင့်၊ ယေရှုခရစ်ပေါ်ထွန်းသောအခါ အချီးအမွမ်း၊ ဂုဏ်အသရေ၊ ဘုန်းအာနုဘော်အ လိုငှါဖြစ်မည်အကြောင်း၊ အထူးထူးအပြားပြားသောစုံစမ်းနှောင့်ယှက်ခြင်းကို ခံရသောအကြောင်းရှိလျှင်၊ သင်တို့သည် ယခုခဏခံရ၍ ဝမ်းနည်းသော်လည်း၊ အထက်ဆိုခဲ့ပြီးသောကျေးဇူးတော်ကိုထောက်၍ ရွှင်လန်းသောစိတ်ရှိ၏” ဟုဖော်ပြထားပါသည်။
နောက်ဆုံးအနေဖြင့်၊ ဘုရားသခင်သည် တခါထရံ လူတွေကြားနိုင်သောစကားသံဖြင့်စကားပြောနိုင်သည်။ ချို့သောသူများက ဘုရားသခင်ကစကားပြောသည်ဟုဖော်ပြသော်လည်း ၄င်းသည် သံသာယရှိဖွယ်ကောင်း သည်။ သမ္မာကျမ်းစာထဲတွင် ဘုရားသခင်သည် လူ့နားဖြင့်ကြားနိုင်သောအသံဖြင့် စကားပြောသည်ဟု မှတ်တမ်းတင်ထားသော်လည်း ခြွင်းချက်ဖြစ်သည်။ သာမန်လူများကို ဘုရားသခင်သည် အသံဖြင့်စကား မပြောပေ။ လူတစ်စုံတစ်ဦးက ဘုရားသခင်သည် လူ့နားဖြင့်ကြားနိုင်အသောအသံဖြင့်စကားပြောသည်ဟု ပြောလျှင် သူတို့ကြားနာသောစကားသည် နှုတ်ကပတ်တော်နှင့် ကိုက်ညီမှုရှိ/မရှိ ဆန်းစစ်ရမည်ဖြစ်သည်။ ယနေ့ဘုရားသခင်က စကားပြောလျှင် သူပြောသောစကားသည် နှုတ်ကပတ်တော်ထဲတွင် ဘုရားသခင် ပြောဆိုသော စကားနှင့် ညီညွှတ်မှုရှိရမည်ဖြစ်သည် (၂တိ ၃း၁၆-၁၇)။ ဘုရားသခင်သည် မိမိကိုယ်ကိုယ် ဆန့်ကျင်ဘက်မပြုပေ။
English
ယနေ့ဘုရားသခင်သည် ကျွနု်ပ်တို့အားစကားပြောသလား။