settings icon
share icon
မေးခွန်း

ကောင်းကင်တမန်အကြောင်းကို သမ္မာကျမ်းစာထဲတွင် မည်ကဲ့သို့ဖော်ပြထား သနည်း။

အဖြေ


ကောင်းကင်တမန်များသည် တွေးတောစဉ်းစားတတ်သောစိတ်၊ ဝမ်းနည်းဝမ်းမြောက် တတ်သောစိတ်၊ ဆင်ခြင်ဆုံးဖြတ်တတ်သောစိတ် စသည်တို့ကို ပိုင်ဆိုင်သော ၀ိညာဉ်များဖြစ်ကြ သည်။ ကောင်းသောကောင်းကင်တမန်နှင့်ဆိုးသောကောင်းကင်တမန်ဟူ၍ နှစ်မျိုးရှိသည်။ ကောင်းကင်တမန်များက ဉာဏ်ပညာပိုင်ဆိုင်ကြသည် (မဿဲ ၈း၂၉၊ ၂ကော ၁၁း၃၊ ၁ပေ ၁း၁၂)။ သူတို့သည် စိတ်ခံစားချက်များကို ထင်ရှားစေခဲ့ကြသည် ( လုကာ ၂း၁၃၊ ယာကုပ် ၂း၁၉၊ ဗျာ ၁၂း၁၇)။ သူတို့သည် မိမိဆန္ဒအလျောက်ပြုကြသည် (လုကာ ၈း၂၈-၃၁၊ ၂တိ၂း၂၆၊ ယုဒ ၆)။ ကောင်းကင်တမန်များသည် စစ်မှန်သောကိုယ်ခန္ဓာမရှိသော ၀ိညာဉ်များဖြစ်ကြသည် (ဟေဗြဲ ၁း၁၄)။ ကောင်းကင်တမန်များသည် ရုပ်ခန္ဓာကိုယ်မရှိသော်လည်း လူပုဂ္ဂိုလ်များဖြစ်ကြသည်။

ကောင်းကင်တမန်များသည် ဖန်ဆင်းထားသောသူများဖြစ်ကြသောကြောင့် သူတို့၏သိရှိခြင်းပညာ သည် အကန့်အသတ်ရှိသည်။ သူတို့သည် ဘုရားသခင်ကဲ့သို့ အရာအားလုံးကို မသိနိုင်ဟု ဖော် ပြလိုခြင်းဖြစ်သည် (မဿဲ ၂၄း၃၆)။ သူတို့သည် လူသားများထက် ဉာဏ်ရည်ဉာဏ်တွေးပို၍ ထက်မြက်နိုင်သည်။ သို့သော်ထိုသို့ထက်မြက်ခြင်းသည် အောက်တွင်ဖော်ပြထားသော အချက် သုံးချက်ကြောင့်ဖြစ်သည်။ ပထမအနေဖြင့်၊ ကောင်းကင်တမန်များသည် လူသားများထက် ပို၍ထက်မြက်ရန်အတွက် ဖန်ဆင်းထားသောသူများဖြစ်ကြသည်။ ထိုကြောင့်သူတို့သည် မွေးရာပါ အသိပညာများနှင့် ကြွယ်ဝပြည့်စုံသည်။ ဒုတိယအနေဖြင့်၊ ကောင်းကင်တမန်များသည် သမ္မာကျမ်း စာအကြောင်းနှင့်လောကီရေးရာအကြောင်းအရာများကို လူသားများထက်ပို၍လေ့လာသည်။ ၄င်းမှ သူတို့သည် ပညာရရှိကြသည် (ယာကုပ် ၂း၁၉၊ ဗျာဒိတ် ၁၂း၁၂)။ တတိယအနေဖြင့်၊ ကောင်းကင် တမန်များသည် လူတွေ၏လှုပ်ရှားမှုများကို ကြာရှည်စွာလေ့လာစောင့်ကြည့်ခြင်းအားဖြင့် ပညာရ ယူကြသည်။ လူသားများကဲ့သို့ ကောင်းကင်တမန်များသည် အတိတ်ကာလအကြောင်း၊ သူတို့ တွေ့ကြုံခဲ့ပြီးသော အတွေ့အကြုံများမှ ပညာ သင်ယူ ရန် မလိုအပ်ပေ။ ထိုကြောင့် သူတို့သည် အခြေအနေများတွင် အခြားသူများက မည်ကဲ့သို့ပြုကျင့်ခဲ့သည်ကို၄င်း၊ မည်သို့ကျင့်ရဦးမည်ကို ၄င်း၊ သိရှိခဲ့ကြသည်။ သူတို့သည် နောင်လာလတံ့သောအချိန်များတွင် မည်သည့်အရာများဖြစ် ပျက် လိမ့်မည်ကို တိကျမှန်ကန်စွာ ကြိုတင်ဟောကြားနိုင်ကြခြင်းဖြစ်သည်။

ကောင်းကင်တမန်များသည် အခြားဖန်ဆင်းထားသောအရာများကဲ့သို့ ရွေးချယ်နိုင်ရန် ဆန္ဒရှိကြ သော်လည်း သူတို့သည် ဘုရားသခင်၏အလိုတော်အတိုင်းပြုရမည်ဖြစ်သည်။ ကောင်းသော ကောင်းကင်တမန်များသည် ယုံကြည်သူများကို ကူညီရန် ဘုရားသခင်က စေလွှတ်ခဲ့သည် (ဟေဗြဲ ၁း၁၄)။ သမ္မာကျမ်းစာထဲတွင်တွေ့ရသော ကောင်းကင်တမန်များ၏လှုပ်ရှားမှုများကို အောက်ပါ အတိုင်းတွေ့ရှိနိုင်ပါသည်။

သူတို့သည် ဘုရားသခင်ကို ချီးမွမ်းကြသည် (ဆာလံ ၁၄၈း၁-၂၊ ဟေရှာယ ၆း၃)။ သူတို့သည် ဘု ရားသခင်ကို ကိုးကွယ်ကြသည် (ဟေဗြဲ ၁း၆၊ ဗျာဒိတ် ၅း၈-၁၃)။ သူတို့သည် ဘုရားသခင်ပြုသော အမှုအတွက် ဝမ်းမြောက်ကြသည် (ယောဘ ၃၈း၆-၇)။ သူတို့သည် ဘုရားသခင်၏အစေကိုခံခဲ့ကြ သည် (ဆာလံ၁၀၃း၂၀၊ ဗျာဒိတ် ၂၂း၉)။ သူတို့သည် ဘုရားသခင်၏ရှေ့မှောက်တွင် ထင်ရှားကြ သည် (ယောဘ ၁း၆၊ ၂း၁)။ သူတို့သည် ဘုရားသခင်၏တရားစီရင်ခြင်းအတွက် အသုံးတော်ခံ သောသူများဖြစ်ကြသည် (ဗျာဒိတ် ရး၁၊ ၈း၂)။ သူတို့သည် ဆုတောင်းခြင်းအဖြေကိုပေးကြသည် (တမန် ၁၂း၅-၁၀)။ သူတို့သည် ပျောက်ဆုံးသောသူများခရစ်တော်ထံသို့ပို့ဆောင်ခြင်းအတွက် လည်းအလုပ်လုပ်သည် (တမန် ၈း၂၆၊ ၁ဝး၃)။ သူတို့သည် ခရစ်ယာန်များ စနစ်တကျရပ်တည်မှု၊ လုပ်ဆောင်မှုနှင့် ခံစားချက်များကို ကြည့်ရှုစစ်ဆေးသည် (၁ကော ၄း၉၊ ၁၁း၁၀၊ ဧဖက် ၃း၁၀၊ ၁ ပေ ၁း၁၂)။ သူတို့က အခက်အခဲ ကြုံတွေ့သည့်အချိန်တွင် ခွန်အားပေးနှစ်သိမ့်သည် (တမန် ၂ရး၂၃-၂၄)။ သူတို့သည် ဖြောင့်မတ်သောသူများ သေဆုံးသောအခါ ပြုစုစောင့်ထိန်းပေးသည် (လုကာ ၁၆း၂၂)။

ကောင်းကင်းတမန်များသည် လောကီသားများနှင့် လုံးလုံးလျားလျား ခြားနားမှုရှိသည်။ လူသားများ သေဆုံးသောအခါ ကောင်းကင်တမန်များ လုံးဝမဖြစ်နိုင်ပေ။ ကောင်းကင်တမန်များသည်လည်း လူသားလုံးဝမဖြစ်နိုင်။ ဘုရားသခင်သည် လူသားများဖန်ဆင်းသည့်နည်းတူ ကောင်းကင်တမန်များ ကိုလည်းဖန်ဆင်းခဲ့သည်။ သမ္မာကျမ်းစာထဲတွင် ကောင်းကင်တမန်များသည် ဘုရားသခင်၏ပုံ သဏ္ဌာန်တော်နှင့်အညီဖန်ဆင်းထားသည်ဟု ဖော်ပြခြင်းမရှိပေ။ လူသားများသည် ဘုရားသခင်၏ ပုံသဏ္ဌာန်တော်နှင့်အညီဖန်ဆင်းထားခြင်းဖြစ်သည် (ကမ္ဘာ ၁း၂၆)။ ကောင်းကင်တမန်များသည် ၀ိညာဉ်များဖြစ်ကြသည်။ သူတို့သည် လိုအပ်သည့်အချိန်တွင် လူ့ခန္ဓာကိုယ်လည်းပိုင်ဆိုင်နိုင်ပါ သည်။ လူသားများသည် ရုပ်ခန္ဓာကိုယ်ပိုင်ဆိုင်သောသူများဖြစ်ကြသည်။ သို့သော် ခန္ဓာကိုယ်နှင့် စိတ်ဝိညာဉ်ရောစပ်ခြင်းဖြစ်သည်။ သန့်ရှင်းသောကောင်းကင်တမန်များထံမှ ကျွနု်ပ်တို့သင်ယူနိုင် သော အကြီးမားဆုံးသော သင်ခန်းစာတစ်ခုသည် သူတို့သည် ဘုရားသခင်၏အမိန့်တော်ကို တစ်ချက်မလွှဲလိုက်နာသောသူများဖြစ်ကြသည်။

English



ထို့နောကျ မွနျမာဘာသာဖွငျ့ရေးထားသော စာမကြျနှာသို့ ပွနျလှညျ့ပ

ကောင်းကင်တမန်အကြောင်းကို သမ္မာကျမ်းစာထဲတွင် မည်ကဲ့သို့ဖော်ပြထား သနည်း။
© Copyright Got Questions Ministries