settings icon
share icon
မေးခွန်း

လူတွေသေဆုံးပြီးနောက် လုံးဝပျောက်ကွယ်ခြင်းသည် သမ္မာကျမ်းစာ ဖော်ပြချက် ဖြစ်သလား။

အဖြေ


လူတွေသေဆုံးပြီးနောက် လုံးဝပျောက်ကွယ်ခြင်းယုံကြည်မှုသည် မယုံကြည်သူများက ထာဝရငရဲမီးအိုင်ထဲ၌ တစ်သက်လုံးဆင်းရဲဒုက္ခမခံစားရဟူသော ယုံကြည်ခြင်း ဖြစ်သည်။ သို့သော် သူတို့သည် သေဆုံးခဲ့ပြီးနောက် "လုံးဝ ပျောက်ကွယ်သွားသည်" ဟု ယုံကြည်ကြသည်။ ငရဲမီးအိုင်ထဲ၌ လူတွေ ထာဝရနေထိုင်ခြင်းသည် အလွန်ကြောက်စရာ ကောင်းသော ခံယူချက်ဖြစ်သဖြင့် လူတွေသေဆုံးပြီးနောက် လုံးဝပျောက်ကွယ်သွားခြင်းခံယူချက်သည် လူများစွာတို့၏ ကြိုက်နှစ်သက်သောယုံကြည်မှု ဖြစ်သည်။ လူတွေသေဆုံးပြီးနောက်လုံးဝပျောက်ကွယ်မှုခံယူချက်သည် မှားကြောင်း ကွန့်ကွက်သော ကျမ်းချက်အချို့ရှိသည်။ မယုံကြည်သူများ၏ ကံကြမ္မာသည် ငရဲမီးအိုင်ထဲသို့ ထာဝရခံစားရမည်ဖြစ် ကြောင်း သမ္မာကျမ်းစာက ကွက်ကွက်ကွင်းကွင်း ဖော်ပြထားသည်။ လူတွေသေဆုံးပြီးနောက် လုံးဝပျောက်ကွယ်ခြင်း ယုံကြည်မှုသည် အောက်တွင် ဖော်ပြထားသော ဓမ္မခံယူချက်တစ်ခု (သို့)ခံယူချက်များအပေါ် နားလည်မှုလွှဲချော်မှုကြောင့် ဖြစ်သည်။ - (၁) အပြစ်၏ကွင်းဆက် (၂) ဘုရားသခင်၏ဖြောင့်မတ်ခြင်း (၃) ငရဲမီးအိုင်၏သဘောသဘဝ။

ငရဲမီးအိုင်၏သဘောသဘဝနှင့်ပတ်သက်ပြီး လူတှသေဆေုံးခဲ့ပွီးနောကျ လုံးဝပြောကျကှယျခွငျးခံယူချက်စွဲကိုင်သူများက ငရဲမီးအိုင်၏အနက်ဓိပ္ပါယ်ကို နားမလည်ကြသောကြောင့် ဖြစ်သည်။ လူတစ်ယောက်သည် ကန့်နှင့်ရောသော ငရဲမီးအိုင်ထဲမှာ ပစ်ချသောအခါ သူတို့သည် လောင်ကျွမ်းသွားကြမည်ဟု ခံယူကြသည်။ သို့သော် ငရဲမီးအိုင်သည် ကိုယ်ကာယနှင့်ဝိညာဉ်ရေးရာ ရောက်မည့်နေရာ ဖြစ်သည်။ လူ၏ကိုယ်ခန္ဓာတစ်ခုတည်းသာ ငရဲမီးအိုင်ထဲသို့ ပစ်ချခြင်း မဟုတ်ဘဲ လူ၏ကိုယ်ခန္ဓာ၊ စိတ် ၀ိညာဉ်များကို ပစ်ချခြင်း ဖြစ်သည်။ ၀ိညာဉ်ကို မီးအိုင်က မလောင်ကျွမ်းစေနိုင်ပါ။ ကယ်တင်ခြင်းမရသေးသောသူများသည်လည်း ကယ်တင်ခြင်းရရှိသောသူများကဲ့သို့ ထာဝရအတွက် ပြင်ဆင်ထားသော ကိုယ်ခန္ဓာဖြင့် ထမြောက်လိမ့်မည် (ဗျာဒိတ် ၂ဝး၁၃၊ တမန် ၂၄း၁၅)။ ဤကိုယ်ခန္ဓာများသည် ထာဝရအတွက် ပြင်ဆင် ပေးထားခြင်း ဖြစ်သည်။

ထာဝရဟူသည်မှာ လူတွေသေဆုံးပြီးနောက် လုံးဝပျောက်ကွယ်သွားခြင်းသည် မှားယွင်းကြောင်း ဖော်ပြပေးသော အခြား ခံယူချက်တစ်ခုပင် ဖြစ်သည်။ ဂရိစကားလုံး aionion သည် "ထာဝရကာလ"ဟု ဘာသာပြန်ဆိုထားသော်လည်း "ထာဝရ" ကာလကို ရည်ညွှန်းလိုခြင်းမဟုတ်သောကြောင့် လူတွေသေဆုံးသွားပြီးနောက် လုံးဝပျောက်ကွယ်ခြင်းသည် မှန်ကန်သည်။ ထိုစကားလုံးသည် အချိန်တစ်ခုအတောအတွင်း "နှစ်" (သို့) "အလွန်ရှည်လျားသောကာလတစ်ခု"ကို ရည်ညွှန်းလိုခြင်း ဖြစ်သည်။ ဓမ္မသစ်ကျမ်းထဲတွင် aionion ကို ထာဝရကာလကို ရည်ညွှန်းပေးသော စကားလုံးအဖြစ် တခါတရံအသုံးပြုကြောင်း တွေ့ရသည်။ ဗျာဒိတ် ၂ဝး၁၀ ထဲတွင် စာတန်၊ သားရဲနှင့် မိစ္ဆာပရောဖက်များကို ငရဲမီးအိုင်ထဲ၌ ပစ်ချခြင်းခံရပြီး သူတို့သည် "နေ့ညမပြတ်၊ ထာဝရ" ငရဲမီးအိုင်မှာ တစ်သက်လုံး ဆင်းရဲဒုက္ခခံရမည်ဟု ဖော်ပြထားသည်။ သူတို့သုံးယောက်တို့သည် ငရဲမီးအိုင်ထဲမှာ လောင်ကျွမ်းပျောက်ကွယ်ခြင်းအရှိဟု သေချာစွာ သိရှိနိုင်သည်။ ကယ်တင်ခြင်း မရသေူသောသူများ၏ကံကြမ္မာသည် အဘယ်ကြောင့် ကယ်တင်ခြင်းရရှိသောသူများနှင့်မတူသနည်း (ဗျာဒိတ် ၂ဝး၁၄-၁၅)။ ငရဲအစစ်အမှန်တည်ရှိကြောင်းကို မဿဲ ၂၅း၄၆ ထဲတွင် တိကျစွာ ဖော်ပြထားသည်။ "ထိုသူတို့သည် ထာဝရအပြစ် ဒဏ်ခံရာသို့၄င်း၊ ဖြောင့်မတ်သောသူတို့မူကား၊ ထာဝရအသက်ရှင်ရာသို့၄င်း၊ သွားရကြလတံ့ဟု မိန့်တော်မူ၏။"ဤကျမ်း ပိုဒ်ထဲတွင် အထက်ကဖော်ပြထားသော ဂရိစကားလုံးကို ဆိုးသွမ်းသောသူများနှင့် ဖြောင့်မတ်သောသူများတို့၏ ကံကြမ္မာ ကိုရည်ညွှန်းရန်အတွက် အသုံးပြုထားသည်။ ဆိုးသောသူများသည် ငရဲမီးအိုင်ထဲမှာ "အချိန်ကာလတစ်ခုအတောအတွင်း" သာနေလျှင် ဖြောင့်မတ်သောသူများသည် ကောင်းကင်နိုင်ငံတော်မှာ "အချိန်ကာလတစ်ခုအတောအတွင်း" ရှိကြမည် ဖြစ်သည်။ ယုံကြည်သူများသည် ကောင်းကင်နိုင်ငံတော်မှာ အသက်လုံးနေလျှင် မယုံကြည်သူများသည်လည်း ငရဲထဲမှာ ထာဝရနေရမည် ဖြစ်သည်။

လူတွေသေဆုံးပြီးနောက်လုံးဝပျောက်ကွယ်သွားသည်ဟူသောခံယူချက်စွဲကိုင်သူများက အကန့်အသန့်ရှိသော အပြစ်ကြောင့် ငရဲမီးအိုင်၌ မယုံကြည်သူများအား ထာဝရပြစ်ဒဏ်ပေးခြင်းသည် မတရားဘူဟု ပြောတတ်ကြသည်။ နှစ်ပေါင်း ရဝအတွင်း အပြစ်တရားဖြင့် အသက်ရှင်သောသူတစ်ဦးကို ဘုရားသခင်က ထိုအပြစ်ကြောင့် ထာဝရပြစ်ဒဏ်ခံစေခြင်းသည် တရားမျှတမှုမရှိမလား။ ကျွနု်ပ်တို့အပြစ်များသည် ဘုရားသခင်ကို ဆန့်ကျင်သောအပြစ် ဖြစ်သောကြောင့် ထိုအပြစ်တရားသည် ထာဝရပြစ်ဒဏ်ခံထိုက်သည်ဟု ဖြေကြားနိုင်သည်။ ဒါ၀ိဒ်ရှင်ဘုရင်သည် ကာမဆက်ဆံရေးအပြစ်နှင့်လူသတ်မှုအပြစ်ကို ကျူးလွန်မိသောအခါ သူက "ကိုယ်တော်ကို ပြစ်မှားပါပြီ။ ကိုယ်တော်ကိုသာ ပြစ်မှား၍ မျက်မျှောက်တော်၌ပင် မတရားသောအမှုကို ပြုပါပြီ။ သို့ဖြစ်၍ မိန့်တော်မူချက်သည် ဖြောင့်ပါ၏။ တရားစီရင်တော်မူချက်သည် အပြစ်လွတ်ပါ၏" (ဆာလံ ၅၁း၄)ဟု ပြောခဲ့သည်။ ဒါ၀ိဒ်က ဗာသရှေဘနှင့် ဥရိယကို ပြစ်မှားခဲ့သည်။ ဘာကြောင့် ဒါ၀ိဒ်က ဘုရားသခင်ကိုသာ ပြစ်မှားပါပြီး ဟု ပြောခဲ့သနည်း။ ဒါ၀ိဒ်က အပြစ်အားလုံးသည် ဘုရားသခင်ကို ဆန့်ကျင်သောအပြစ်ဖြစ်သည်ဟု သိရှိခဲ့သည်။ ဘုရားသခင်သည် ထာဝရဘုရားသ ခင်ဖြစ်သည်။ ထိုကြောင့် သူ့ကို ဆန့်ကျင်သောအပြစ်အားလုံးသည် ထာဝရပြစ်ဒဏ်ခံထိုက်သည်။ ကျွနု်ပ်တို့အပြစ်ပြုသော အချိန်ကာလသည် မည်သို့ပင် များနေပါစေ၊ နည်းနေပါစေ ကျွနု်ပ်တို့ပြုသောအပြစ်သည် ဘုရားသခင်၏ဂုဏ်သိက္ခာကို ဆန့်ကျင်ခြင်းပင် ဖြစ်သည်။

ကျွနု်ပ်တို့သည် ကောင်းကင်နိုင်ငံသို့ရောက်သော်လည်း ကျွနု်ပ်တို့ချစ်သူများသည် ငရဲမီးအိုင်၌ထာဝရ ဆင်းရဲဒုက္ခခံစား လျှင် ကျွနု်ပ်တို့သည် ကောင်းကင်နိုင်ငံတော်သို့ ပျော်ရွှင်နိုင်မည်ဟုတ်ဟူသောခံယူချက်သည် လူတွေသေဆုံးခဲ့ပြီးနောက် လုံးဝပျောက်ကွယ်သွားခြင်းကို ယုံကြည်သောသူများ၏ ထင်မြင်ယူဆချက် ဖြစ်သည်။ သို့သော် ကျွနု်ပ်တို့သည် ကောင်း ကင်နိုင်ငံသို့ရောက်ကြသောအခါ စောဒကတက်ခြင်း၊ ဝမ်းနည်းခြင်းတစုံတခုမျှ ရှိတော့မည် မဟုတ်ပါ။ ဗျာဒိတ် ၂၁း၄ က "ဘုရားသခင်သည် သူတို့၏မျက်စီ၌ မျက်ရည်ရှိသမျှတို့ကို သုတ်တော်မူမည်။ နောက်တဖန် သေဘေးမရှိရ။ စိတ်မသာ ညည်းတွားခြင်း၊ အော်ဟစ်ခြင်း၊ ပင်ပန်းခြင်းလည်းမရှိရ။ အကြောင်းမူကား၊ ရှေးဖြစ်ဘူးသောအရာတို့သည် ရွေ့သွားကြပြီ" ဟု ဖော်ပြထားသည်။ ကျွနု်ပ်တို့ချစ်သောသူများသည် ကောင်းကင်နိုင်ငံတော်သို့မရောက်လျှင် သူတို့ကို ကျွနု်ပ်တို့ လိုချင် တောင့်တတော့မည်မဟုတ်ဘဲ သူတို့သည် သခင်ယေရှုခရစ်တော်ကို သူတို့၏ကယ်တင်ရှင်အဖြစ် ငြင်းဆိုကြသောကြောင့် ပြစ်ဒဏ်ခံထိုက်သည်ဟု ကျွနု်ပ်တို့ လုံးဝ သဘောတူကြမည်ဖြစ်သည် (ယောဟန် ၃း၁၆၊ ၁၄း၆)။ ဤအရာကို နားလည်ရန် ခက်ခဲသော်လည်း သူတို့၏ငရဲမီးအိုင်ထဲရောက်ခြင်းအားဖြင့် ကျွနု်ပ်တို့သည် ဝမ်းနည်းမှုကို ခံစားကြမည်မဟုတ်ပါ။ ကျွနု်ပ်တို့ချစ်သောသူများအရှိရင်လည်း ကျွနု်ပ်တို့သည် ကောင်းကင်နိုင်ငံတော်မှာ ပျော်ရွှင်ကြမည်ဖြစ်သည်။ ကျွနု်ပ်တို့သည် ခရစ်တော်ကိုယုံကြည်သော ကျွနု်ပ်တို့ချစ်သောသူများနှင့်အတူရှိမည်ဖြစ်သောကြောင့် ကောင်းကင်နိုင်ငံမှာ ပျော်ရွှင်ကြမည် ဖြစ်သည်။

ငရဲမီးအိုင်ရှိသောကြောင့် သခင်ယေရှုက သခင်ယေရှုခရစ်တော်အား ကျွနု်ပ်တို့၏အပြစ်၏အခကို ပေးဆပ်ရန် စေလွှတ်ခြင်း၏အဓိကအကြောင်းရင်း ဖြစ်သည်။ သေပြီးနောက် "လုံးဝပျောက်ကွယ်ခြင်း"သည် မှားယွင်းသောခံယူချက် ဖြစ်သည်။ သို့သော် ငရဲမီးအိုင်၌ထာဝရဒုက္ခခံရခြင်းသည် တိကျသေခြာသည်။ သခင်ယေရှုအသေခံခြင်းသည် ထာဝရ သေခြင်းဖြစ်သည်။ ကျွနု်ပ်တို့သည် ငရဲမီးအိုင်၌ ထာဝရပြစ်ဒဏ်ခံခြင်းမှ လွတ်မြောက်အောင် ပြစ်ကြွေးများအားလုံးကို ထာဝရလုံလောက်ရန် သခင်ယေရှုက ပေးဆပ်ခဲ့ပြီး ဖြစ်သည် (၂ကော ၅း၂၁)။ ကျွနု်ပ်တို့သည် သခင်ယေရှုကို ယုံကြည် သောအခါ ကယ်တင်ခြင်းရရှိသည်။ အပြစ်လွတ်ခြင်းအခွင့်ရရှိသည်။ သန့်ရှင်းခြင်းရရှိသည်။ ကောင်းကင်နိုင်ငံမှာ ထာဝရ နေရမည်ဖြစ်သည်။ သို့သော် ကျွနု်ပ်တို့သည် ဘုရားသခင်၏ထာဝရအသက်ဆုကျေးဇူးကို ငြင်းပယ်လျှင် ထိုဆုံးဖြတ်ချက် ကြောင့် ထာဝရ ပြစ်ဒဏ်ခံရမည် ဖြစ်သည်။

English



ထို့နောကျ မွနျမာဘာသာဖွငျ့ရေးထားသော စာမကြျနှာသို့ ပွနျလှညျ့ပ

လူတွေသေဆုံးပြီးနောက် လုံးဝပျောက်ကွယ်ခြင်းသည် သမ္မာကျမ်းစာ ဖော်ပြချက် ဖြစ်သလား။
© Copyright Got Questions Ministries