settings icon
share icon
မေးခွန်း

အိမ်ထောင်ဖက်ရှာဖွေထိမ်းမြားခြင်းအကြောင်းကို ကျမ်းစာက မည်ကဲ့သို့ ဖော်ပြထား သနည်း။

အဖြေ


ကျမ်းစာထဲတွင် "ထိမ်းမြားမည့်အိမ်ထောင်ဖက်ရှာဖွေခြင်း" သို့မဟုတ် "လင်၊မယားရှာဖွေခြင်း" စကားလုံး ကိုမတွေ့ရသော်လည်း ခရစ်ယာန်များသည် အိမ်ထောင်မပြုမီ မိမိထိမ်းမြားရမည့်ကြင်ဖော်ကြင်ဖက်ရွေးချယ်မှုအတွက် သတ်မှတ်ပေးထားသော အခြေခံသဘောတရားအချို့တို့ကို တွေ့ရှိနိုင်သည်။ ပထမနေဖြင့် ဘုရား သခင်၏နည်းလမ်းသည် လောကအရာများနှင့် ဆန့်ကျင်ဘက်ဖြစ်သောကြောင့် ကျွနု်ပ်တို့သည် မယုံကြည်သူများအမြင်နှင့်မတူသောအိမ်ထောင်ရွေးချယ်မှုကို သိရှိရမည်(၂ပေ ၂း၂၀)။ မယုံကြည်သူများ၏အမြင်သည် ကျွနု်ပ်တို့စိတ်ဆန္ဒအတိုင်း ရွေးချယ်မှုပင် ဖြစ်သည်။ အရေးကြီးသောအရာတစ်ခုမှာ လူတစ်ယောက်သည် ယောကျ်ားတစ်ယောက် (သို့) မိန်းမတစ်ယောက်အပေါ် ဆက်ကပ်မှုမပြုမီ သူ၏ ကိုယ်ကျင့်တရားကို သိရှိခြင်းပင် ဖြစ်သည်။ ထိုသူသည် ခရစ်တော်၏ဝိညာဉ်တော်အားဖြင့် ဒုတိယမွေး ဖွားခြင်းရရှိသလားဟု ကျွနု်ပ်တို့ သိရှိသင့်သည် (ယောဟန် ၃း၃-၈)။ သူသည် ခရစ်တော်နှင့်စပ်ဆိုင် သောအရာများကို စိတ်ဝင်စားမှုရှိ/မရှိ သိရှိသင့်သည် (ဖိလိပ္ပိ ၂း၅)။ ယောကျ်ားတစ်ဦးနှင့်မိန်းမတစ်ဦးထိမ်းမြားလက်ထပ် ပြီးသောအခါ သူတို့သည် တသွေးတသားဖြစ်ကြသည်။ ခရစ်ယာန်များသည် ခရစ်တော်နှင့်ဆက်သွယ်ရာတွင်ဖြစ်စေ၊ သူတို့၏ကိုယ်ကျင့်တရားများနှင့်စံချိန်စံညွှန်းကို အားနည်း စေနိုင်သဖြင့် ကျွန်ုပ်တို့သည် မယုံကြည်သူများနှင့် အိမ်ထောင်မပြုသင့်ပါ (၂ကော ၆း၁၄-၁၅)။

လူတစ်ယောက်သည် အိမ်ထောင်ပြုရန် ဆုံးဖြတ်သောအခါ သူတို့နှင့်လက်ထပ်မည့်သူများက၊ သူတို့ ရွေးထားသောသူူများက အခြားသောအရာများထက် ဘုရားသခင်ကို ချစ်ခြင်းသည် အရေးကြီးသည်ကို မှတ်ထားရမည် (မဿဲ ၁ဝး၃၇)။ ယုံကြည်သူတစ်ယောက် (သို့) လူတစ်ယောက်၏ဘဝတွင် လူပုဂ္ဂိုလ်အားဖြစ်စေ၊ အခြားသောအရာတစုံတခုအားဖြစ်စေ အရေးကြီးဆုံးဖြစ်သည်ဟု တန်ဖိုးထားလျှင် ၄င်းသည် ရုပ်တုကိုးကွယ်သော အပြစ်ဖြစ်သည် (ဂလာတိ ၅း၂၀၊ ဂလာတိ ၃း၅)။ ကျွနု်ပ်တို့သည် အိမ်ထောင်မပြုမီ လိင်ကျူးလွန်ခြင်းအားဖြင့် ကျွနု်ပ်တို့၏ကိုယ်ခန္ဓာကို မညစ်ညမ်းစေ သင့်ပါ (၁ကော ၆း၉၊ ၁၃၊ ၂တိ၊ ၂း၂၂)။ လိင်ဆက်ဆံရေးကျူးလွန်မှုသည် ဘုရားသခင်ကို ဆန့်ကျင် သောအပြစ်ဖြစ်ရုံမျှမဟုတ်ဘဲ ကျွနု်ပ်တို့၏ကိုယ်ခန္ဓာကို စော်ကားသောအပြစ်ဖြစ်သည် (၁ကော ၆း၁၈)။ ကျွနု်ပ်တို့သည် မိမိကိုယ်ကို ချစ်သည့်နည်းတူ အခြားသူများကို ချစ်ကာ ရိုသေရမည် (ရောမ ၁၂း၉-၁၀)။ ဤအရာသည် ကြင်ဘော်ကြင်ဖက်ရှာဖွေခြင်းတွင် အေမတန်အရေးကြီးသည်။ မည်သို့ပင် ဖြစ်စေကာမူ သမ္မာကျမ်းစာနှင့်ညီညွတ်သော ဤအခြေခံသဘောတရားများသည် အိမ်ထောင်ပြုခြင်း အတွက် စိတ်ချလှုံခြုံမှုပေးသော အကောင်းဆုံး နည်းစနစ်ပင် ဖြစ်သည်။ ၄င်းသည် ကျွနု်ပ်တို့ပြုလုပ် ရမည်အကောင်းဆုံးသော ဆုံးဖြတ်ချက်ပင် ဖြစ်သည်။ အကြောင်းမှာ လူနှစ်ယောက်တို့သည် ထိမ်းမြားအိမ်ထောင်ပြုကြသောအခါ သူတို့သည် ဘုရားသခင်၏ကြံစည်တော်မူသည့်အတိုင်း ထာဝရ တည်တံခိုင်မြဲရန်အတွက် သူတို့သည် အချင်းချင်းမှီခိုအားထားကြပြီး တစ်သွေးတစ်သားတည်း ဖြစ်ကြ ပါသည် (ကမ္ဘာ ၂း၂၄၊ မဿဲ ၁၉း၅)။

English



ထို့နောကျ မွနျမာဘာသာဖွငျ့ရေးထားသော စာမကြျနှာသို့ ပွနျလှညျ့ပ

အိမ်ထောင်ဖက်ရှာဖွေထိမ်းမြားခြင်းအကြောင်းကို ကျမ်းစာက မည်ကဲ့သို့ ဖော်ပြထား သနည်း။
© Copyright Got Questions Ministries