မေးခွန်း
ခရစ်ယာန်များက မိမိသားသမီးများအား ကြိမ်လုံးဖြင့် မည်သို့ ဆုံးမရမည်နည်း။ သမ္မာကျမ်းစာက မည်သို့ ပြောထားသနည်း။
အဖြေ
သားသမီးများကို ကြိမ်လုံးဖြင့် ဆုံးမခြင်းသည် အခက်ခဲဆုံးဖြစ်သည်။ သို့သော် အလွန်အရေးကြီး သည်။ သားသမီးများကို တင်ပါးမှလက်ဖဝါးဖြင့် ရိုက်ကာအပြစ်ပေးခြင်းသည် သမ္မာကျမ်းစာအရ သွန်သင်ခြင်းဖြစ်သည် ဟု လူအချို့က ပြောတတ်ကြသည်။ အချို့သောသူများက ထိုသို့ ဆုံးမခြင်းသည် ခေတ်နောက်ကျသည်။ မရိုက်ဘဲ အပြစ်ပေး ခြင်းသည် ပိုပြီး ထိရောက်မှုရှိသည်ဟု ဆိုတတ်ကြသည်။ သမ္မာကျမ်းစာက မည်သို့ ပြောထားသနည်း။ သမ္မာကျမ်းစာက ကြိမ်လုံးဖြင့် ဆုံးမခြင်းသည် အသင့်တော်ဆုံး၊ အထိရောက်ဆုံး၊ အလိုအပ်ဆုံးဖြစ်သည်ဟု သွန်သင်သည်။
နားလည်မှုမလွှဲပါနှင့်။ ကလေးများကို ထုချေကာ ကြိမ်းမောင်းပြောဆိုရန်အတွက် မဟုတ်ပါ။ သားသမီးများအား အင်္ဂါချို့တဲ့စေသောအဆင့်အထိ ရိုက်ကာ ဆုံးမရန်မဟုတ်ပါ။ သမ္မာကျမ်းစာအရ သားသမီးများအား သင့်တော်စွာ ရိုက်ခြင်း၊ ဆုံးမခြင်းသည် ကောင်းမွန်သောအရာဖြစ်ပြီး သူတို့အတွက် ကောင်းမွန်သည်။ သူတို့အား ပဲ့ပြင်ဆုံးမခြင်း ဖြစ်သည်။
ကလေးများကို ကြိမ်လုံးဖြင့်ရိုက်ကာဆုံးမရန် ကျမ်းချက်များစွာက ထောက်ခံအားပေးသည်။ "သူငယ်ကို မဆုံးမဘဲမနေနှင့်။ ကြိမ်လုံးနှင့်ရိုက်သော်လည်း သူသ်ညမသေ။ ကြိမ်လုံးနှင့်ရိုက်၍ သူ၏အသက်ဝိညာဉ်ကို မရဏနိုင်ငံမှ ကယ်နှုတ်ရမည်" (သုတ္တံ ၂၃း၁၃-၁၄၊ ၁၃း၂၄၊ ၂၂း၁၅၊ ၂ဝး၃၀ တို့ကိုလည်း ကြည့်ပါ)။ သားသမီးများကို ဆုံးမခြင်းသည် အရေးကြီးသည်ဟု သမ္မာကျမ်းစာက အလေးအနက် ဖော်ပြထားသည်။ ကျွနု်ပ်တို့အားလုံးက လူကောင်းများပြုစုပျိုးထောင်ရမည်ဖြစ်သည်။ ငယ်ရွယ်သောအရာ သင်ယူရန် ပိုပြီး လွယ်ကူသည်။ ကြိမ်လုံးဖြင့် ဆုံးမခြင်းမရှိသော ကလေးများသည် ကြီးပြင်းလာသော အခါ သူပုန်များဖြစ်လာတတ်သည်။ ဥပဒေကို ရိုသေခြင်းမရှိပါ။ ထိုကြောင့် ဘုရားသခင်၏စကားကိုလည်း ထားမထောင်တတ်ကြပါ။ ဘုရားသခင်ကိုယ်တိုင်က ကျွနု်ပ်တို့ကို ဆုံးမပဲ့ပြင်ပါသည်။ မှန်ကန်သောလမ်းသို့ ဆွဲခေါ်သည်။ အမှားပြုလုပ်သောအခါ နောင်တရန် အားပေးသည် (ဆာလံ ၉၄း၁၂၊ သုတ္တံ ၁းရ၊ ၆း၂၃၊ ၁၂း၁၊ ၁၃း၁၊ ၁၅း၅၊ ဟေရှာယ ၃၈း၁၆၊ ဟေဗြဲ ၁၂း၉)။
မှန်ကန်စွာ ဆုံးမနိုင်ရန်နှင့် သမ္မာကျမ်းစာနည်းလမ်းကို လက်တွေ့အသုံးချနိုင်ရန်အတွက် မိဘများက ဆုံးမသွန်သင်ခြင်းနှင့် ပတ်သက်သော အကြံပြုချက်များကို ကောင်းမွန်စွာ သိရှိရမည်။ သားသမီးများကို ဆုံးမသွန်သင် ခြင်းနှင့်ပတ်သက်ပြီး လမ်းညွန်ချက်ကို သုတ္တံကျမ်းထဲမှာ မြောက်များစွာ တွေ့ရှိနိုင်သည်။ " ကြိမ်လုံးနှင့်ရိုက်ခြင်း၊ နှုတ်နှင့် ဆုံးမခြင်းအားဖြင့် ပညာတိုးပွားတတ်၏။ တတ်တိုင်းနေစေသော သူငယ်သည် အမိကို အရှက်ခွဲတတ်၏" (သုတ္တံ ၂၉း၁၅)။ ဤကျမ်းပိုဒ်ထဲတွင် သားသမီးများအား ကြိမ်လုံးဖြင့်ဆုံးမခြင်းမပြုသော သားသမီးများက မိဘများကို အရှက်ကွဲစေတတ် သည်ဟု ဖော်ပြထားသည်။ ကြိမ်လုံးဖြင့်ရိုက်ကာ ဆုံးမခြင်းသည် ကလေးများကောင်းစားစေရေးအတွက်ဖြစ်ပြီး သူတို့ကို ပြစ်ဒဏ်ပေးခြင်း၊ မတရားဆက်ဆံမှုပြုခြင်းအတွက် မရိုက်ရပါ။ စိတ်ဆိုးပြီး စိတ်ပျက်မှုကြောင့် ကြိမ်လုံးဖြင့် သားသမီးများ ကို မရိုက်ရပါ။
သားသမီးများကို ကြိမ်လုံးဖြင့်ရိုက်ကာဆုံးမခြင်းသည် မှန်ကန်သောလမ်းသို့ ပို့ဆောင်ပေးရန် ပြုပြင်ဆုံးမခြင်းဖြစ်သည်။ "ဆုံးမခြင်းမည်သည်ကား၊ ခံရစဉ်အခါ ဝမ်းမြောက်စရာမထင်၊ ဝမ်းနည်းစရာထင်တတ်၏။ သို့သော်လည်း ဆုံးမခြင်းကို ခံရ သောသူတို့သည်၊ နောက်မှ ငြိမ်သက်ခြင်းနှင့်စပ်ဆိုင်သောဖြောင့်မတ်ခြင်းအကျိုးကို ခံရကြ၏" (ဟေဗြဲ ၁၂း၁၁)။ ဘုရား သခင်၏ဆုံးမခြင်းသည် ချစ်ခြင်းမေတ္တာဖြစ်သည်။ မိဘများနှင့်သားသမီးအကြားထိုမေတ္တာကို ရှိသင့်သည်။ ကြိမ်လုံးဖြင့် ဆုံးမခြင်းသည် အသားနာကျင်စေဖို့ရန်အတွက်သာ မဟုတ်ပါ။ သားသမီးများအား ကြိမ်လုံးဖြင့်ဆုံးမပြီးနောက် သူတို့ကို မိဘများက သူတို့ကို ချစ်ကြောင်း ချက်ခြင်း သိစေရမည်။ ဆုံးမသောအချိန်သည် သားသမီးများကို သွန်သင် သောအချိန်ဖြစ်သည်။ ဘုရားသခင်က ကျွနု်ပ်တို့ကို ချစ်သောကြောင့် ဆုံးမသည်။ မိဘများကလည်း သားသမီးများကို ထိုနည်းတူ ဆုံးမသင့်သည်။
ကြိမ်လုံးဖြင့်ရိုက်ကာဆုံးမခြင်းကလွဲပြီး သားသမီးများအား ဆုံးမမည့်အခြား "ခေတ်မီသော" နည်းလမ်းရှိသလား။ ကြိမ်လုံးဖြင့် ရိုက်ကာဆုံးမခြင်းသည် သားသမီးအတွက် အကျိုးမဖြစ်ထွန်းဟု အချို့သောမိဘများက မြင်တွေ့ကြသည်။ အချို့ သောမိဘများက ၄င်းကို "ခေတ်မမီ"ဟု ယူဆပြီး သားသမီးများထံမှ တစုံတခုကို နှုတ်ယူလျှင် သူတို့၏အကျင့်စာရိတ္တ တိုးတက်ပြောင်းလဲရန် ပိုပြီး ထိရောက်မှုရှိသည်ဟု ထင်တတ်ကြသည်။ ထိုအရာသည် မှန်ကန်ခဲ့လျှင် မိဘများက သူတို့၏ သားသမီးများကိုယ်ကျင့်တရားတိုးတက်ပြောင်းလဲရန် ဆုံးမသွန်သင်သော နည်းလမ်းအသစ် ရှာဖွေသင့်သည်။ သမ္မာကျမ်းစာက ကြိမ်လုံးဖြင့်ရိုက်ပြီး ဆုံးမခြင်းကို ထောက်ခံအားပေးထားသည်။ သားသမီးများအား ဆုံးမရာတွင် အခြားသော နည်းလမ်းများကို အသုံးပြုခြင်းထက် သမ္မာကျမ်းစာ လမ်းညွန်သည့်အတိုင်း ဆုံးမခြင်းသည် ပိုပြီး သူတို့၏ဘဝကို တိုးတက် ပြောင်းစေပါသည်။
ဤဖော်ပြချက်နှင့်ပတ်သက်ပြီး ခက်ခဲသောအရာတစ်ခုမှာ အစိုးက သားသမီးများအား ကြိမ်လုံးဖြင့် ဆုံးမခြင်းသည် ကြမ်းတမ်းသောဆုံးမခြင်းဖြစ်သည်ဟု ဖော်ပြထားခြင်းပင် ဖြစ်သည်။ များစွာသော မိဘများက သူတို့၏သားသမီးများအား အစိုးရထံ တိုင်ကြားမည်ကို စိုးရိမ်သဖြင့် ကြိမ်လုံးဖြင့်မဆုံးမဘဲ သူတို့ကို ချော့သိပ်ရန် ကြိုးစားကြသည်။ သားသမီးများကို ကြိမ်လုံးဖြင့်ဆုံးမခြင်းကို အစိုးရက တရားမဝင်ဟု သတ်မှတ်လျှင် မိဘများ မည်သို့ဆုံးမရမည်နည်း။ ရောမ ၁၃း၁-၇ အရ မိဘများသည် အစိုးရထုတ်ပြန်သော စည်းမျဉ်းစည်းကမ်းများကို လိုက်နာရမည်။ အစိုးရသည်လည်း ဘုရားသခင်၏ နှုတ်ကပတ်တော်ကို နာခံရမည်။ နှုတ်ကပတ်တော်ဖော်ပြချက်အရ ကြိမ်လုံးဖြင့် သားသမီးများကို ဆုံးမခြင်းသည် သား သမီးများအတွက် အကောင်းဆုံး ဖြစ်သည်။ သို့သော် သားသမီးများအား မိသားစုမှ ကြိမ်လုံးဖြင့်ရိုက်ကာဆုံးမခြင်းသည် အစိုးရအာဏာရှင်များထံအပ်နှံကာ ဆုံးမရန် သားသမီးများအား ပျောက်ဆုံးစေခြင်းထက်ပိုကောင်းသည်။
ဧဖက် ၆း၄ထဲတွင် သားသမီးများကို ဝမ်းမနည်းစေရန် ဖခင်များကို တိုက်တွန်းထားသည်။ သူတို့ကို ဘုရားသခင်၏ နည်းလမ်းဖြင့် ကြီးပြင်းစေရမည် ဖြစ်သည်။ သားသမီးများအား "ဘုရားသခင်၏နည်းလမ်းဖြင့် ဆုံးမခြင်း" ထဲတွင် ချုပ်တည်းခြင်း၊ ပဲ့ပြင်ခြင်းနှင့် ကြိမ်လုံးဖြင့်ရိုက်ကာဆုံးမခြင်းတို့ပါဝင်သည်။
English
ခရစ်ယာန်များက မိမိသားသမီးများအား ကြိမ်လုံးဖြင့် မည်သို့ ဆုံးမရမည်နည်း။ သမ္မာကျမ်းစာက မည်သို့ ပြောထားသနည်း။