settings icon
share icon
မေးခွန်း

ဘာသာတရားအစွန်းရောက်သူများ သို့မဟုတ် မှားယွင်းသောဘာသာတရားကိုးကွယ်သူများထံ သတင်းကောင်းဟောပြောရန် အကောင်းဆုံးသောနည်းလမ်းမှာ အဘယ်နည်း။

အဖြေ


အစွန်းရောက်ဘာသာတရား၌ဖြစ်စေ၊ မှားယွင်းသောဘာသာရေး၌ ပါဝင်သောသူများအတွက် ကျွနု်ပ်တို့ လုပ် ဆောင်နိုင်သောအရေးကြီးဆုံးအရာတစ်ခုမှာ သူတို့အတွက် ဆုတောင်းပေးခြင်း ဖြစ်သည်။ ဘုရားသခင်က သူတို့၏နှလုံး သားကို ပြောင်းလဲကာ သမ္မာတရားသိရှိရန် သူတို့ဝိညာဉ်မျက်စိဖွင့်ပေးဖို့ ကျွနု်ပ်တို့ ဆုတောင်းရမည် (၂ကော ၄း၄)။ သူတို့သည် သခင်ယေရှုခရစ်တော်အားဖြင့် ကယ်တင်ခြင်းရရှိရန်လိုအပ်ကြောင်းနားလည်းရန် ဘုရားသခင်ထံ ဆုတောင်း ရမည် (ယောဟန် ၃း၁၆)။ ဘုရားသခင်၏တန်ခိုးတော်နှင့်သန့်ရှင်းသောဝိညာဉ်တော်ဖွင့်ပြခြင်းမရှိဘဲ ကျွနု်ပ်တို့သည် လူတွေအား သမ္မာတရားကို မသွန်သင်နိုင်ပါ (ယောဟန် ၁၆းရ-၁၁)။

ကျွန်ုပ်တို့သည် ကောင်းမွန်သောခရစ်ယာန်အသက်တာအားဖြင့် အသက်ရှင်ရမည်။ သို့မှသာလျှင် မှားယွင်းသော ဘာသာ တရားကိုးကွယ်ခြင်းနှင့်ဘာသာတရား၌ရှိသောသူများက ကျွနု်ပ်တို့အသက်တာမှာ ဘုရားသခင်ပြုသောပြောင်းလဲမှုများကို မြင်တွေ့နိုင်ပါလိမ့်မည် (၁ပေ ၃း၁-၂)။ သူတို့ထံ တန်ခိုးကြီးမားစွာဖြင့် အမှုတော်ဆောင်နိုင်ရန်အတွက် ဘုရားသခင် ဉာဏ်ပညာတောင်းရမည် (ယာကုပ် ၁း၅)။ ထိုပြင် ကျွနု်ပ်တို့သည် သတင်းကောင်းဝေငှခြင်း၌ ရဲရင့်မှုရှိရမည်။ ကျွနု်ပ်တို့ သည် သခင်ယေရှုခရစ်တော်အားဖြင့် ကယ်တင်ခြင်းသတင်းကောင်းကို ဟောပြောရမည် (ရောမ ၁ဝး၉-၁၀)။ ကျွနု်ပ်တို့ သည် ကျွနု်ပ်တို့၏ယုံကြည်မှုကို မှန်ကန်ကြောင်း ပြောနိုင်ရန် ပြင်ဆင်ရမည် (၁ပေ ၃း၁၅)။ သို့သော် ကျွနု်ပ်တို့သည် နူးညံ့သိမ်မွေ့ခြင်းနှင့်ရိုသေစွာလုပ်ဆောင်ရမည်။ ကျွနု်ပ်တို့သည် ခံယူချက်ကို မှန်ကန်စွာ ဟောပြောရမည်။ စကားလုံးများကို ရဲဝံ့စွာ ပြောရမည်။ စိတ်ဆိုးမာန်ဆိုးသော သဘောဖြင့် မပြောသင့်ပါ။

နောက်ဆုံးအနေဖြင့်၊ ကျွနု်ပ်တို့သည် ဘုရားသခင်အကြောင်း ဟောပြောသောသူများအား ကယ်တင်ခြင်းအကြောင်း ချန်ပေးထားရမည်။ ကယ်တင်ခြင်းသည် လူတွေကို ကယ်တင်ပေးသော ဘုရားသခင်၏တန်ခိုးတော်ဖြစ်သည်။ ကျွနု်ပ်တို့၏ ကြိုးပမ်းမှုကြောင့်မဟုတ်ပါ။ ကျွနု်ပ်တို့သည် ဘာသာတရားအစွန်းရောက်သောသူများနှင့်မှားယွင်းသောဘာသာတရား၌ ကျင်လည်သောသူများအပေါ် ကယ်တင်ခြင်းတရားဝေငှရာတွင် သူတို့သည် ပြောင်းလဲမှုမရှိရင်လည်း သူတို့အား ကောင်းမွန်စွာဖြေရှင်းပေးခြင်းနှင့် မှားယွင်းသောယုံကြည်မှုများကို သိရှိစေခြင်းကို စိတ်ရှည်စွာ ရှင်းပြခြင်းသည် အလွန် ကောင်းသည်။ ကျွနု်ပ်တို့အကောင်းဆုံးလုပ်ဆောင်နိုင်သောအရာမှာ သူတို့အတွက် ဆုတောင်းပေးခြင်း၊ သက်သေခံခြင်း၊ သူတို့ရှေ့မှာ ခရစ်ယာန်အသက်တာအားဖြင့် ရှင်သန်ခြင်း၊ သန့်ရှင်းသောဝိညာဉ်တော်ကို ကိုးစားခြင်းအားဖြင့် သူတို့ကို ချဉ်ကပ်ခြင်း၊ ရှင်းပြခြင်းနှင့် ပြောင်းလဲစေခြင်း တို့ဖြစ်သည်။

English



ထို့နောကျ မွနျမာဘာသာဖွငျ့ရေးထားသော စာမကြျနှာသို့ ပွနျလှညျ့ပ

ဘာသာတရားအစွန်းရောက်သူများ သို့မဟုတ် မှားယွင်းသောဘာသာတရားကိုးကွယ်သူများထံ သတင်းကောင်းဟောပြောရန် အကောင်းဆုံးသောနည်းလမ်းမှာ အဘယ်နည်း။
© Copyright Got Questions Ministries