settings icon
share icon
မေးခွန်း

ကောင်းသောမိဘများအကြောင်းကို သမ္မာကျမ်းစာက မည်သို့ ဖော်ပြထားသနည်း။

အဖြေ


မိဘအဖြစ်သားသမီးများကို ပြုစုပျိုးထောင်ခြင်းသည် ခက်ခဲပြီး စွန့်စားမှုတစ်ခုဖြစ်သည်။ သို့သော် အကြီးမားဆုံး သော ဆုလဒ်နှင့် ပြည့်စုံစေရမည့်အရာလည်း ဖြစ်သည်။ ကျွနု်ပ်တို့သည် မိမိသားသမီးများအား ဘုရားသခင်၏လူများဖြစ်လာရန် ပြုစုပျိုးထောင်ပေးခြင်းနည်းလမ်းအကြောင်းကို သမ္မာကျမ်းစာက များစွာ ဖော်ပြထားသည်။ ပထမဦးဆုံးကျွနု်ပ်တို့ ပြုလုပ်ရမည်အရာမှာ ဘုရားသခင်၏နှုတ်ကပတ်သမ္မာတရားကို သွန်သင်ပေးခြင်း ဖြစ်သည်။

ဘုရားသခင်ကို ချစ်ခြင်းနှင့်အတူ၊ ဘုရားသခင်၏ပညတ်တော်များအပေါ် မိမိကိုယ်ကို လိုက်နာဆက်ကပ်ခြင်းအားဖြင့် စံနမူနာပြသကာ သားသမီးများအား ဆုံးမသွန်သင်ခြင်းအကြောင်းနှင့်ပတ်သက်ပြီး တရားဟောရာကျမ်း ၆းရ-၉ ထဲတွင် ဖော်ပြထားသော ပညတ်တော်ကို သတိထားရမည်။ ဤစာစောင်က ဆုံးမသွန်သင်ခြင်းသဘောသဘဝကို အထူးပြုထား သည်။ ၄င်းကို အိမ်၌ဖြစ်စေ၊ လမ်း၌ဖြစ်စေ၊ ညအချိန်မှာဖြစ်စေ၊ နေ့အချိန်မှာဖြစ်စေ လုပ်ဆောင်ရမည့်အရာများ ဖြစ်သည်။ ကျွနု်ပ်တို့အိမ်ထောင်မိသားစု၏အခြေခံအုတ်မြစ်မှာ သမ္မာတရားဖြစ်စေရမည်။ ဤပညတ်တော်များ၏အခြေခံသဘောတရားအတိုင်းလိုက်လျှောက်ပြီး မိမိသားသမီးများအား ဘုရားသခင်ကို ကိုးကွယ် ခြင်းအကြောင်း အမြဲတမ်းသွန်သင်ရမည်။ တနင်္ဂနွေနေ့မနက်နှင့် ညအချိန်ဆုတောင်းခြင်းများအတွက်သာ မသွန်သင် သင့်ပါ။

ဆုံးမသွန်သင်ခြင်းအားဖြင့် သားသမီးများက သင်ခန်းစာများစွာ သင်ယူနိုင်သော်လည်း ကျွနု်ပ်တို့၏အကျင့်ကို ကြည့်ခြင်း အားဖြင့် များစွာ သင်ယူတတ်ကြသည်။ ထိုကြောင့် ကျွနု်ပ်တို့သည် လုပ်ဆောင်မှုတစ်ခုစီတိုင်းတွင် သတိပြုရမည်။ ပထမ ဦးဆုံး ဘုရားသခင်၏အခန်းကဏ္ဍကို အသိအမှတ်ပြုရမည်။ လင်မယားနှစ်ယောက်စလုံးတို့သည် အချင်းချင်း တစ်ယောက် နှင့်တစ်ယောက် ရိုသေကာ ဆက်ကပ်ခြင်းရှိရမည် (ဧဖက် ၅း၂၁)။ ဘုရားသခင်က ကျွနု်ပ်တို့လိုက်နာလုပ်ဆောင်ရမည့် စည်းမျဉ်းစည်းကမ်းများကို ချထားခဲ့ပြီး ဖြစ်သည်။ "ယောကျ်ား၏ခေါင်းကား၊ ခရစ်တော်ဖြစ်သည်ကို၄င်း၊ မိန်းမ၏ခေါင်းကား ယောကျ်ားဖြစ်သည်ကို၄င်း၊ ခရစ်တော်၏ခေါင်းကား ဘုရားသခင်ဖြစ်တော်မူသည်ကို၄င်း သင်တို့သိမှတ်စေခြင်းငှါ ငါအလိုရှိ၏" (၁ကော ၁၁း၃)။ ခရစ်တော်သည် ဘုရားသခင်အောက်မှာမရှိသည်ကို၄င်း၊ မိန်းမသည်လည်း ယောကျ်ား အောက်မှာမရှိသည်ကို၄င်း ကျွနု်ပ်တို့ သိကြသည်။ သို့သော် အမိန့်အာဏာကို နာခံမှုမရှိဘဲ စနစ်တကျမရှိနိုင်သည်ကို ဘုရားသခင်က သိသည်။ ခရစ်တော်သည် အသင်းတော်ကို ချစ်သကဲ့သို့ ယောကျ်ားသည်လည်း အိမ်ထောင်ဦးစီးဖြစ် သည့်နည်းတူ မိမိကိုယ်ကို ချစ်သလို ကိုယ်မိန်းမကို ချစ်ရမည် (ဧဖက် ၅း၂၅-၂၉)။

ဤမေတ္တာဖြင့်ဦးဆောင်းမှုမှာ မိန်းမသည် သူမ၏ခင်ပွန်းအုပ်စိုးမှုကို နာခံရန် ခက်ခဲသည် (ဧဖက် ၅း၂၄၊ ကောလောသဲ ၃း၁၈)။ မိန်းမ၏အဓိကတာဝန်မှာ ယောက်ျားကိုချစ်ရန်နှင့် ရိုသေရန်၊ ပညာနှင့်သန့်ရှင်းခြင်းအားဖြင့်ရှင်သန်ရန် ၊ မိမိအိမ်ကို ပြုစုစောင့်ထိန်းရန် ဖြစ်ည် (တိတု ၂း၄-၅)။ မိန်းမများသည် သာမန်အားဖြင့် သားသမီးများကို ပြုစုစောင့်ထိန်းရန် တာဝန် ပိုရှိသခြင့် သူတို့သည် ယောက်ျားများထက် သဘာဝအားဖြင့် ပိုပြီး ပြုစုစောင့်ထိန်းတတ်ကြသည်။

ဆုံးမခြင်းနှင့်လမ်းညွန်ခြင်းတို့သည် ပြုစုစောင့်ထိန်းခြင်းအစိတ်အပိုင်းတစ်ခုဖြစ်သည်။ သုတ္တံ ၁၃း၂၄ က "ကြိမ်လုံးကို မသုံးသောသူသည် မိမိသားကို မုန်းရာသို့ ရောက်၏။ သားကိုချစ်သောသူမူကား၊ ငယ်သောအရွယ်မှစ၍ ဆုံးမတတ်၏"ဟု ဖော်ပြထားသည်။ ဆုံးမမှုအောက်မှ မကြီးပြင်းသော သားသမီးများသည် အထီးကျန်ဘဝကိုခံစားပြီး လူကောင်းမဖြစ်နိုင်ပါ။ သူတို့သည် လမ်းပြမှုနှင့် မိမိကိုယ်ကို ထိန်းသိမ်းမှု၌ အားနည်းနေကြသည်။ သူတို့သည် အသက်ကြီးလာသောအခါ ပုန်ကန် ထကြွတတ်ကြပြီး အစိုးရဥပဒေဖြစ်စေ၊ ဘုရားသခင်၏ပညတ်တော်ဖြစ်စေ ရိုသေခြင်းမရှိတတ်ကြပါ။ "မြော်လင့်စရာရှိစဉ် အခါ၊ ကိုယ်သားကို ဆုံးမလော့။ သူကို အကျိုးနည်းအောင် သနည်းသောစိတ်မရှိစေနှင့်" (သုတ္တံ ၁၉း၁၈)။ ထိုနည်းတူ၊ ဆုံးမခြင်းသည် ချစ်ခြင်းနှင့် ညီတူညီမျှ ဖြစ်စေရမည်။ မဟုတ်ဠဆင် သ ူတို့သည် နာကျည်းမှု၊ အားနည်းမှု၊ ပုန်ကန်မှု ဖြင့် ကြီးပြင်းလာနိုင်သည် (ကောလောသဲ ၃း၂၁)။ ဆုံးမခြင်းကို ခံရစဉ် နာကျည်းသည်ဟု ဘုရားသခင်က အသိအမှတ်ပြု သည် (ဟေဗြဲ ၁၂း၁၁)။ သို့သော် ဆုံးမခြင်းခံခဲ့ပြီးနောက် သားသမီးများအတွက် အကျိုးဖြစ်ထွန်းသည်။ "အဘတို့၊ ကိုယ် သားသမီးကို စိတ်ဆိုးစေခြင်းငှါ မပြုကြနှင့်။ သခင်ဘုရား၏အလိုတော်နှင့်ညီသော ဆုံးမသွန်သင်ခြင်းကို ပြုလျက် ကျွေးမွေးလော့" (ဧဖက် ၆း၄)။

သားသမီးများသည် ငယ်ရွယ်စဉ်ကာလမှာ အသင်းတော်သို့ဖြစ်စေ၊ သာသနာလုပ်ငန်းသို့ဖြစ်စေ ပါဝင်လှုပ်ရှားစေခြင်းသည် အရေးကြီးသည်။ သမ္မာကျမ်းစာကို ယုံကြည်သော ဘုရားကျောင်းသို့ ပုံမှန်တက်ရောက်စေပါ (ဟေဗြဲ ၁ဝး၂၅)။ သင်သည် နှုတ်ကပတ်တော်လေ့လာကြောင်း သူတို့ကို မြင်တွေ့စေပါ။ သူတို့နှင့်အတူ နှုတ်ကပတ်တော်လေ့လာပါ။ သူတို့သိရှိသည့် အတိုင်း လောကအရာများကိုလည်း ခုံမင်ဆွေးနွေးပါ။ နေ့စဉ်ဘဝမှာ ဘုရားသခင်၏ဘုန်းတော်အကြောင်းကို သွန်သင်ပါ။ "သူ ငယ်သွားရာလမ်းဝ၌ ဆုံးမသွန်သင်လော့။ သို့ပြုလျှင် သူသည် အိုသောအခါ ထိုလမ်းမှမလွဲ၊ လိုက်သွားလိမ့်မည်" (သုတ္တံ ၂၂း၆)။ ကောင်းသောမိဘဖြစ်ခြင်းဆိုသည်မှာ ဘုရားသခင်၏စကားကိုနာခံခြင်းနှင့် ကိုးကွယ်ခြင်းစံနမူနာကို သားသမီးများ အားပြသကာ သူတို့ကို လိုက်စေခြင်းအားဖြင့် ကြီးထွားစေခြင်းပင် ဖြစ်သည်။

English



ထို့နောကျ မွနျမာဘာသာဖွငျ့ရေးထားသော စာမကြျနှာသို့ ပွနျလှညျ့ပ

ကောင်းသောမိဘများအကြောင်းကို သမ္မာကျမ်းစာက မည်သို့ ဖော်ပြထားသနည်း။
© Copyright Got Questions Ministries