settings icon
share icon
မေးခွန်း

သခင်ယေရှုသည် ဘုရားဖြစ်သလော။ သခင်ယေရှုက မိမိကိုယ်ကို ဘုရားဖြစ်ကြောင်း ကြွေးကြော် ခဲ့ဘူးပါသလား။?

အဖြေ


“ငါသည် ဘုရားသခင်ဖြစ်သည်” ဟု သမ္မာကျမ်းစာထဲတွင် သခင်ယေရှုပြောခဲ့သော စကားကိုမတွေ့ရပေ။ သို့သော် သူသည်ဘုရားသခင်ဖြစ်ကြောင်း မကြွေးကြော်ခြင်းကို မဆိုလိုခဲ့ပေ။ ရှင်ယောဟန်၊ ၁ဝး၃၀ တွင်ဖော်ပြထားသော သခင်ယေရှု၏စကားကို ဥပမာအဖြစ်ကြည့်ကြပါစို့။ “ငါနှင့်ငါ့ခမည်းတော်သည်တလုံးတဝဖြစ်၏”။ မစဉ်းစားပဲကြည့်လိုက်လျှင် ထိုစကားလုံးတို့သည် သခင်ယေရှုက ဘုရားဖြစ်ကြောင်းကြွေးကြော်လိုခြင်းနှင့်မတူပေ။ ထို့ပြင် စကားလုံးတို့သည် သခင်ယေရှုကိုဆန့်ကျင်သော စကားလုံးကို တဖန်ကြည့်ကြပါစို့။ “ယုဒလူတို့က၊ ကောင်းသော အမူကြောင့်ခဲနှင့်ပစ်မည်မဟုတ်။ သင်သည် လူဖြစ်လျှက်ပင် ဘုရားသခင်ဖြစ်ယောင်ဆောင်၍ ဘုရားသခင်ကို လွန်ကြူးသော စကားကြောင့် ခဲနှင့်ပစ် မည်ဟုဆိုကြ၏ ” (ယောဟန်၊ ၁ဝး၃၃)။ ယုဒလူတို့က သခင်ယေရှုသည် မိမိကိုယ်ကိုဘုရားဖြစ်သည်ကို ကြွေးကြော်ခဲ့သည်ကို သိရှိသည်။ ကျန်သောအပိုဒ်တို့ကို ကြည့်လျှင် ယုဒလူမျိုးများပြောဆိုခဲ့သောစကားကို သခင်ယေရှု က “ငါသည် ဘုရားသခင်ဖြစ်သည်သည်ဟုကြွေးကြော်ခြင်းမဟုတ်ပေ” ဟု မပြောခဲ့ပေ။ သခင်ယေရှုက သူသည်စစ်မှန် သော ဘုရားသခင်ဖြစ်ကြောင်း ထိုအရာက သက်သေပြသသည်။ “ ငါသည် ငါ့ခမည်းတော်နှင့်တလုံးတဝဖြစ်၏ ” (ယောဟန် ၁ဝး၃၀) ဟုပြောဆိုခဲ့ပါသည်။ ရှင်ယောဟန်၊ ၈း၅၈ သည် တခြားသောဥပမာဖြစ်ပါသည်။ သခင်ယေရှုက “ ငါအမှန်အကန်ဆိုသည်ကား၊ အာဗြဟံ မဖြစ်မှီငါဖြစ်၏ ” ဟုမိန်တော်မူခဲ့သည်။ ထို့ကြောင့် ယုဒလူမျိူးများက ကျောက်ခဲကို တဖန်ယူ၍ သခင်ယေရှုကို သတ်ပစ်ရန် ကြိုးပမ်းအားထုတ်ခဲ့ကြသည် (ယောဟန်၊ ၈း၅၉)။ သခင်ယေရှုသည် ယုဒလူမျိုး များ ပြစ်တင်ဝေဖန်ချက်ဖြစ်သော ဘုရားသခင်အဖြစ် မိမိကိုယ်ကို မကြွေးကြော်ခဲ့လျှင် အဘယ်ကြောင့် ယုဒလူမျိုးတို့က သူ့ကိုသတ်ပစ်ရန် ကြိုးပမ်းရမည်နည်း။

ယော၊ ၁း ၁ ထဲတွင် “နှုတ်ကပတ်တော်သည် ဘုရားသခင်ဖြစ်သည်” ဟု ဖော်ပြထားပါသည်။ ယော၊ ၁း၁၄ ထဲတွင် “နှုတ်ကပတ်တော်သည် လူ့ဇာတိကို ခံယူခဲ့သည်” ဟု ဖော်ပြထားပါသည်။ သခင်ယေရှုသည် လူ့ဇာတိခံယူသော ဘုရားသခင်ဖြစ်ခြင်းကို သေချာစွာ ညွှန်ပြခဲ့ပါသည်။ တ၊ ၂ဝး၂၈ တွင် “သင်တို့သည် ကိုယ်ကိုသတိနှင့် ကြည့်ရှုကြလော့။ ဘုရားသခင်သည် မိမိအသွေးနှင့် ဝယ်တော်မူသော အသင်းတော်ကို လုပ်ကျွေးစေခြင်းငှါ၊ သန့်ရှင်းသော ၀ိညာဉ်တော် သည် သင်တို့ကို အအုပ်အချုပ်ခန့်ထားတောမူသော သိုးစုတစုလုံးကို သတိနှင့်ကြည်ရှုကြလော့” ဟု မိန့်ဆိုထားပါသည်။ အသင်းတော်ကို မည်သည်က အသွေးတော်ဖြင့် ရွေးနှုတ်ကယ်တင်ခဲ့သနည်း။ သခင်ယေရှုခရစ်တော်အားဖြင့် ရွေးဝယ်ခဲ့သည်ဟု ဖော်ပြထားသည်။ ထို့ကြောင် သခင်ယေရှုသည် ဘုရားသခင်ဖြစ်သည်။

တပည့်တော် သောမကလည်း သခင်ယေရှုကို ဤသို့ပြောခဲ့ပါသည်။ “အကျွနု်ပ်၏အရှင်၊ ကျွနု်ပ်၏ဘုရားသခင်” (ယောဟန်၊ ၂ဝး၂၈)။ သခင်ယေရှုက အမှားမပြုပြင်ခဲ့ပေ။ တိတု၊ ၂း၁၃ ကျွနု်ပ်တို့၏ဘုရားသခင်နှင့် ကယ်တင်ရှင်ကြွလာ သော အချိန်ကိုစောင့်ဆိုင်ရန် တိုက်တွန်းထားပါသည် (၂ပေ၊၂း၂ ကို ကြည့်ပါ)။ ဟေဗြဲ၊ ၁း၈ ထဲတွင် ခမည်းတော်က သခင် ယေရှုအား ဤသို့ပြောခဲ့သည်။ “ သားတော်တို့ကား၊ အို ဘုရားသခင်၊ ကိုယ်တော်၏ပလ္လင်သည် နိစ္စထာဝရပလ္လင်ဖြစ်ပါ၏။ ကိုယ်တော်၏ နိုင်ငံသည် တရားသဖြင့် စီရင်သော နိုင်ငံဖြစ်ပါ၏။ ”

ဗျာဒိတ်ကျမ်းထဲတွင် ကောင်းကင်တမန်များက တမန်တော်ယောဟန်အား ဘုရားသခင်ကိုကိုးကွယ်ရန် ညွှန်ကြားခဲ့ပါသည် (ဗျာ၊ ၁၉း၁၀)။ အကြိမ်ပေါင်းများစွာ နှုတ်ကပတ်တော်ထဲတွင် သခင်ယေရှုသည် ကိုးကွယ်ခြင်းကို ရရှိခဲ့သည် (မဿဲ၊ ၂း၁၁၊ ၁၄း၃၃၊ ၂၈း၉၊ ၁၇၊ လု၊ ၂၄း၅၂၊ ယော၊ ၉း၃၈)။ လူတွေက သခင်ယေရှုကို ကိုးကွယ်သောအခါ သူကမတားမြစ်ခဲ့ပေ။ သခင်ယေရှုသည် ဘုရားမဟုတ်ခဲ့လျှင် ဗျာဒိတ်ကျမ်းထဲတွင် ကောင်းကင်တမန်များ ပြောသည့်အ တိုင်း လူတွေက သူ့ကိုမကိုးကွယ်ရန် ပြောခဲ့မည်ဖြစ်ပါသည်။ သခင်ယေရှုသည် ဘုရားဖြစ်ကြောင်း သမ္မာကျမ်းစာထဲ၌ရှိ သော ကျမ်းပိုဒ်များစွာတွင်တွေ့ရသည်။ အရေးကြီးဆုံးသော ယူဆချက်သည် သခင်ယေရှုသည် ဘုရားသခင်မဟုတ်ခဲ့လျှင် လောကသားတစ်ခုလုံးတို့အတွက် သူပေးဆပ်ခဲ့သော အသွေးတော်သွန်းလောင်းခြင်းကို လုံးဝလုံလောက်မည်မဟုတ်ပေ (၁ ယော၊ ၂း၂)။ ဘုရားသခင်တဦးတည်းသာလျှင် အပြစ်ကြွေးများပေးဆပ်နိုင်ပါသည်။ ဘုရားသခင်တပါးတည်းသာလျှင် လောကီသားတို့၏အပြစ်များကို ယူဆောင်နိုင်ပါ၍ (၂ကော၊ ၅း၂၁) အသေခံနိုင်ပြီး အပြစ်တရားနှင့် သေခြင်းတရားအပေါ် အောင်မြင်ခြင်းရှိကြောင်းကို သက်သေပြရန် သေခြင်းမှရှင်ပြန်ထမြောက်နိုင်သည်။

English



ထို့နောကျ မွနျမာဘာသာဖွငျ့ရေးထားသော စာမကြျနှာသို့ ပွနျလှညျ့ပ

သခင်ယေရှုသည် ဘုရားဖြစ်သလော။ သခင်ယေရှုက မိမိကိုယ်ကို ဘုရားဖြစ်ကြောင်း ကြွေးကြော် ခဲ့ဘူးပါသလား။?
© Copyright Got Questions Ministries