မေးခွန်း
အိ်မ်ထောင်ပြုခြင်းအကြောင်းကို ကျမ်းစာက မည်သို့ ဖော်ပြထားသနည်း။
အဖြေ
ထိမ်းမြားခြင်းအစကို ကမ္ဘာဦးကျမ်း ၂း၂၃-၂၅ထဲတွင် မှတ်တမ်းတင်ထားသည်။ "လူကလည်း၊ ယခုဤသူသည် ငါ့အရိုးထဲကအရိုး၊ ငါ့အသားထဲက အသားဖြစ်၏။ လူထဲက ထုတ်သော ကြောင့် သူက လူမိန်းမဟု ခေါ်ဝေါ်အပ်သည်ဟု ဆိုလေ၏။ ထိုအကြောင်းကြောင့် ယောကျ်ားသည် ကိုယ်မိဘကို စွန့်၍ ကိုယ့်ခင်ပွန်း၌ မှီဝဲသဖြင့်၊ ထိုသူတို့သည် တသားတကိုယ်တည်း ဖြစ်ရလိမ့်မည်။" ဘုရားသခင်က လူယောကျ်ားကို ဖန်ဆင်းခဲ့ပြီးနောက် သူ့အားပြည့်စုံစေဖို့ရန်အတွက် လူမိန်းမကို ဖန်ဆင်းခဲ့သည်။ အိမ်ထောင်ပြုခြင်းသည် ဘုရားသခင်ထူထောင်သောအရာ ဖြစ်သည်။ အကြောင်းမှာ ယောကျ်ားသည် တစ်ယောက်တည်းမနေကောင်းသောကြောင့် ဖြစ်သည် (ကမ္ဘာ ၂း၁၈)။
ကမ္ဘာဦးကျမ်း ၂း၂၀ ထဲတွင် ဧဝသည် "ကူညီဖေးမသူ"ဖြစ်သည်ဟု ဖော်ပြထားသည်။ ထိုစကားလုံး၏အဓိပ္ပါယ်မှာ "ပံ့ပိုးရန်၊ ကာကွယ်ရန်၊ ဖေးမရန်" ဖြစ်သည်။ အာဒံအနားမှာနေပြီး သူ့ကို ကူညီဖေးမရန်အတွက် ဧဝကို ဖန်ဆင်းထားခြင်း ဖြစ်သည်။ ယောကျ်ားတစ်ယောက်နှင့် မိန်းမတစ် ယောက်တို့သည် ထိမ်းမြားလက်ထပ်နေကြသောအခါ တစ်သွေးတသား ဖြစ်သည်။ ဤတလုံးတဝ ဖြစ် ခြင်းကို ကာမပိုင်းဆိုင်ရာ ပေါင်းသင်းဆက်ဆံခြင်းအားဖြင့် အများဆုံး ထင်ရှားလျက်ရှိသည်။ ဓမ္မသစ် ကျမ်းထဲတွင် ဤတလုံးတဝဖြစ်ခြင်းနှင့်ပတ်သက်ပြီး သတိပေးထားသည်။ "ထိုကြောင့် လင်မယားတို့ သည် နှစ်ဦးမဟုတ်၊ တဦးတည်း ဖြစ်၏။ ဘုရားသခင်ဘက်စပ်၍ ထမ်းဘိုးတင်တော်မူသောအရာကို လူမခွဲခွာစေနှင့်ဟု မိန့်တော်မူ၏" (မဿဲ ၁၉း၆)။
တမန်တော်ရှင်ပေါလုရေးထားသော စာစောင်များထဲတွင် အိမ်ထောင်ပြုခြင်းအကြောင်းနှင့် ယုံကြည်သူများသည် အိမ်ထောင်ပြုရာတွင် မည်ကဲ့သို့ ထိမ်းမြားရမည်ကို အကြံပြုထားသည်။ ကောရိန္တုသြဝါဒစာ အခန်းကြီး ၇ နှင့် ဧဖက်သြဝါဒစာ ၅း၂၂-၃၃ ထဲတွင် အိမ်ထောင်ပြုခြင်းအ ကြောင်းကို ဖော်ပြထားသည်။ ဤကျမ်းပိုဒ်များကို လေ့လာသောအခါ သမ္မာကျမ်းစာနှင့်ညီညွတ်သည့် ဘုရားသခင်ကို ဝမ်းမြောက်မှုဖြစ်သောအိမ်ထောင်ပြုခြင်းအကြောင်းကို ဂဃနဏ တွေ့ရှိနိုင်သည်။
ဧဖက်သြဝါဒစာထဲတွင် ဖော်ပြထားသော အိမ်ထောင်ပြုခြင်းသည် အထူးသဖြင့် သမ္မာကျမ်းစာနှင့် ညီညွတ်ပြီးအောင်မြင်သော အိမ်ထောင်ပြုခြင်းကို ရည်ညွှန်းထားသည်။ "အချင်းမိန်းမတို့၊ သခင် ဘုရား၏အုပ်စိုးတော်မူခြင်းကို ဝန်ခံသကဲ့သို့၊ ကိုယ်ခင်ပွန်း၏အုပ်စိုးခြင်းကို ဝန်ခံကြလော့။ အကြောင်း မူကား၊ ခရစ်တော်သည် အသင်းတော်၏အပေါ်မှာ ခေါင်းဖြစ်တော်မူသကဲ့သို့၊ ယောကျ်ားသည် မိမိ ခင်ပွန်း၏အပေါ်မှာ ခေါင်းဖြစ်၏။ ခရစ်တော်သည်လည်း မိမိကိုယ်ကို ကယ်တင်သောသူဖြစ်တော်မူ၏" (ဧဖက် ၅း၂၂-၂၃)။ "အချင်းယောကျ်ားတို့၊ ခရစ်တော်သည် အသင်းတော်ကို ချစ်တော်မူသကဲ့သို့၊ သင်တို့လည်း ကိုယ်ခင်ပွန်းကို ချစ်ကြလော့" (ဧဖက် ၅း၂၅)။ "ထိုနည်းတူ၊ ယောကျ်ားတို့သည် မိမိ ကိုယ်ကိုချစ်တကဲ့သို့ မိမိခင်ပွန်းတို့ကို ချစ်ရကြမည်။ ခင်ပွန်းကို ချစ်သောသူသည် ကိုယ်ကို ချစ်သော သူဖြစ်၏။ ကိုယ်အသားကို မုန်းသောသူတစ်ယောက်မျှမရှိ။ ခရစ်တော်သည် အသင်းတော်ကို ကျွေး မွေးပြုစုတော်မူသကဲ့သို့၊ ခပ်သိမ်းသောသူတို့သည် မိမိတို့အသားကို ကျွေးမွေး ပြုစုတတ်ကြ၏" (ဧဖက် ၅း၂၈-၂၉)။ "ထိုအကြောင်းကြောင့် ယောကျ်ားသည် ကိုယ်မိဘကို စွန့်၍ကိုယ်ခင်ပွန်း၌ မှီဝဲသ ဖြင့်၊ ထိုသူနှစ်ယောက်တို့သည် တသားတကိုယ်တည်းဖြစ်ရလိမ့်မည်" (ဧဖက် ၅း၃၁)။
လင်မယားနှစ်ယောက်တို့သည် ဘုရားသခင်ပြင်ဆင်ပေးတော်မူသော အခြေခံသဘောတရားများကို လက်တွေ့အသုံးပြုသောအခါ သမ္မာကျမ်းစာနှင့်ညီညွတ်သော အိမ်ထောင်ပြုခြင်းကို အကျိုးဖြစ်ထွန်းသည်။ သမ္မာကျမ်းစာကို အခြေပြုသော အိမ်ထောင်ပြုခြင်းသည် လိုက်လျောညီထွေမှုရှိသည်။ ခရစ်တော်သည် ယောကျ်ားနှင့်မိန်းမတို့၏ ဦးခေါင်း ဖြစ်သည်။ သမ္မာကျမ်းစာနှင့်ညီညွတ်သော အိမ်ထောင်ရေးသည် တလုံးတဝဖြစ်ခြင်းပင် ဖြစ်သည်။ ထိုအိမ်ထောင်ရေးသည် ခရစ်တော်နှင့်သူ၏အသင်းတော်တို့၏ တလုံးတဝဖြစ်ခြင်းကို ပုံဖော်ထားသည်။
English
အိ်မ်ထောင်ပြုခြင်းအကြောင်းကို ကျမ်းစာက မည်သို့ ဖော်ပြထားသနည်း။