ପାଳିତ ପଶୁ ସ୍ଵର୍ଗକୁ ଯାଆନ୍ତି କି? ପାଳିତ ପଶୁମାନଙ୍କ ଆତ୍ମା ଥାଏ କି?


ପ୍ରଶ୍ନ: ପାଳିତ ପଶୁ ସ୍ଵର୍ଗକୁ ଯାଆନ୍ତି କି? ପାଳିତ ପଶୁମାନଙ୍କ ଆତ୍ମା ଥାଏ କି?

ଉତ୍ତର:
ବାଇବଲ ନିର୍ଦ୍ଧିଷ୍ଟଭବାରେ ଶିକ୍ଷା ଦିଏ ନାହିଁ ଯେ ପାଳିତ ପଶୁମାନଙ୍କ “ଆତ୍ମା” ଅଛି ବା ନାହିଁ ଏବଂ ସେମାନେ ସ୍ଵର୍ଗକୁ ଯିବେ ନା ନାହିଁ I ତଥାପି, ଆମେ ସାଧାରଣ ବାଇବଲ ଶିଦ୍ଧାନ୍ତ ବ୍ୟବହାର କରି ଏହି ବିଷୟ ଉପରେ କିଛି ସ୍ପଷ୍ଟତା ପାଇପାରିବା I ବାଇବଲ କହେ ଯେ ମନୁଷ୍ୟ (ଆଦିପୁସ୍ତକ ୨:୭) ଓ ପଶୁ (ଆଦିପୁସ୍ତକ ୧:୩୦; ୬:୧୭; ୭:୧୫,୨୨) ଦୁହିଁଙ୍କ ଠାରେ “ପ୍ରାଣବାୟୁ” ରହିଅଛି; ଅର୍ଥାତ୍ ସେମାନେ ଜୀବିତ ପ୍ରାଣୀ ଅଟନ୍ତି I ସେମାନଙ୍କ ମଧ୍ୟରେ ମୌଳିକ ପାର୍ଥକ୍ୟ ହେଉଛି ଯେ ମାନବ ପରମେଶ୍ଵରଙ୍କ ପ୍ରତିମୂର୍ତ୍ତିରେ (ଆଦିପୁସ୍ତକ ୧:୨୬-୨୭) ନିର୍ମିତ ହୋଇଥିବା ବେଳେ ପଶୁମାନେ ନୁହଁନ୍ତି I ପରମେଶ୍ଵରଙ୍କ ପ୍ରତିମୂର୍ତ୍ତି ଓ ସାଦୃଶ୍ୟରେ ନିର୍ମିତ ହେବାର ଅର୍ଥ ହେଉଛି ମନୁଷ୍ୟ ଈଶ୍ଵରଙ୍କ ଭଳି ଆଧ୍ୟାତ୍ମିକ କ୍ଷମତା,ମନ, ଭାବନା ଓ ଇଚ୍ଛା ଧାରଣ କରେ ଏବଂ ସେମାନେ ମୃତ୍ୟୁବରଣ କଲା ଉତ୍ତାରେ ସୁଧା ସେମାନଙ୍କ ଅସ୍ଥିତ୍ଵର କିଛି ଅଂଶ ଅବସ୍ଥାପିତ ହୋଇ ରହେ I ଯଦି ପାଳିତ ପଶୁମାନଙ୍କ “ପ୍ରାଣ” ବା ଶରୀର ବାହାରେ କୌଣସି ଉପାଦାନ ରହିଥାଏ, ଏହା ଅତି ଭିନ୍ନ ଓ କମ୍ “ଗୁଣ”ର ନିଶ୍ଚିତ ହୋଇଥିବ I ଏହି ପାର୍ଥକ୍ୟତାର ଅର୍ଥ ଯେ ପାଳିତ ପଶୁମାନଙ୍କ “ପ୍ରାଣ” ମୃତ୍ୟୁ ଉତ୍ତାରେ ବିଦ୍ୟମାନ ହୁଅନ୍ତି ନାହିଁ I

ଆଉ ଏକ କାରଣ ଯାହାକୁ ବିଚାରରେ ରଖା ଯାଇପାରିବ, ତାହା ହେଉଛି ଯେ ଆଦିପୁସ୍ତକରେ ପଶୁମାନେ ଈଶ୍ଵରଙ୍କ ସୃଷ୍ଟି ପ୍ରକ୍ରିୟାର ଏକ ଅଂଶ I ଈଶ୍ଵର ପଶୁମାନଙ୍କୁ ସୃଷ୍ଟି କଲେ ଏବଂ କହିଲେ ତାହା ଉତ୍ତମ (ଆଦିପୁସ୍ତକ ୧:୨୫) I ଏଣୁ, ନୂତନ ପୃଥିବୀରେ ପଶୁମାନେ ନ ରହିବାର କୌଣସି କାରଣ ନାହିଁ (ପ୍ରକାଶିତ ୨୧:୧) I ହଜାରବର୍ଷ ଖ୍ରୀଷ୍ଟଙ୍କ ଶାସନ ସମୟରେ ନିଶ୍ଚିତରୂପେ ପଶୁମାନେ ରହିବେ (ଯିଶାୟ ୧୧:୬; ୬୫:୨୫) I ନିଶ୍ଚିତରୂପେ ଏହା କହିବା ଅସମ୍ଭବ ଯେ ଆମେ ଯେଉଁ ପଶୁମାନଙ୍କୁ ପାଳିତ ଭାବରେ ରଖିଥିଲୁ, ସେମାନେ ନୂତନ ପୃଥିବୀରେ ପାଳିତ ହୋଇରହିଥିବେ I ଆମେ ଜାଣୁ ଯେ ଈଶ୍ଵର ନ୍ୟାୟବାନ ଏବଂ ଆମେ ଯେବେ ସ୍ଵର୍ଗକୁ ଯିବା, ଏହି ବିଷୟରେ ଯାହା ତାହାଙ୍କ ନିଷ୍ପତି ହେବ ଆମେ ତାହା ସହ ସମ୍ପୂର୍ଣ୍ଣରୂପେ ଏକମତ ହେବା I



ଓଡ଼ିଆ ପେଜ୍ କୁ ଫେରି ଯାଅନ୍ତୁ



ପାଳିତ ପଶୁ ସ୍ଵର୍ଗକୁ ଯାଆନ୍ତି କି? ପାଳିତ ପଶୁମାନଙ୍କ ଆତ୍ମା ଥାଏ କି?