କୟିନଙ୍କ ସ୍ତ୍ରୀ କିଏ ଥିଲେ? କୟିନଙ୍କ ସ୍ତ୍ରୀ କଅଣ ତାଙ୍କ ନିଜ ଭଉଣୀ ଥିଲେ?


ପ୍ରଶ୍ନ: କୟିନଙ୍କ ସ୍ତ୍ରୀ କିଏ ଥିଲେ? କୟିନଙ୍କ ସ୍ତ୍ରୀ କଅଣ ତାଙ୍କ ନିଜ ଭଉଣୀ ଥିଲେ?

ଉତ୍ତର:
ବାଇବଲ ନିର୍ଦ୍ଧିଷ୍ଟଭାବରେ କହେ ନାହିଁ ଯେ କୟିନଙ୍କ ସ୍ତ୍ରୀ କିଏ ଥିଲେ? କେବଳ ଗୋଟିଏ ସମ୍ଭାବତଃ ଉତ୍ତର ହେଉଛି ଯେ କୟିନଙ୍କ ସ୍ତ୍ରୀ ତାହାଙ୍କ ଭଉଣୀ ଅବା ଝିଆରୀ, ଅବା ନାତୁଣୀ ଇତ୍ୟାଦି ଥିଲେ | ବାଇବଲ କହେ ନାହିଁ ଯେ ଯେଉଁ ସମୟରେ କୟିନ ହେବଲଙ୍କୁ ହତ୍ୟା କଲେ ସେ ସମୟରେ ତାଙ୍କ ବୟସ କେତେ ଥିଲା (ଆଦିପୁସ୍ତକ ୪:୮) | କାରଣ ସେମାନେ ଦୁହେଁ କୃଷକ ଥିଲେ, ସମ୍ଭବତଃ ଦୁହେଁ ବୟସ୍କ ଥିଲେ, ଏବଂ ସମ୍ଭବତଃ ଦୁହିଁଙ୍କର ନିଜ ପରିବାର ଥିଲା | ନିଶ୍ଚିତରୂପେ ହେବଲଙ୍କୁ ହତ୍ୟା କରାଯିବା ସମୟରେ ଆଦମ ଓ ହବାଙ୍କର କୟିନ ଓ ହେବଲଙ୍କ ବ୍ୟତୀତ ଆହୁରି ଅନେକ ସନ୍ତାନସନ୍ତତି ଜନ୍ମ ହୋଇଥିଲେ ଏବଂ ନିଶ୍ଚିତରୂପେ ପରବର୍ତ୍ତୀ ସମୟରେ ସେମାନଙ୍କର ଆହୁରି ସନ୍ତାନସନ୍ତତି ହେଲେ (ଆଦିପୁସ୍ତକ ୫:୪) | ହେବଲକୁ ହତ୍ୟା କଲା ଉତ୍ତାରେ, କୟିନ ନିଜ ଜୀବନ ପାଇଁ ଭୟଭୀତ ଥିଲେ (ଆଦିପୁସ୍ତକ ୪:୧୪) | ଏହି ସତ୍ୟତା ନିର୍ଦ୍ଦେଶ ଦିଏ ଯେ ପୃଥିବୀରେ ଆହୁରି ଅନେକ ସନ୍ତାନ ଥିଲେ ଓ ହୁଏତ ସେହି ସମୟରେ ଆଦମ ଓ ହବାଙ୍କ ନାତିନାତୁଣୀ ଥିଲେ | କୟିନଙ୍କ ସ୍ତ୍ରୀ (ଆଦିପୁସ୍ତକ ୪:୧୭) ଆଦମ ଓ ହବାଙ୍କ ଝିଅ ବା ନାତୁଣୀ ଥିଲେ |

କାରଣ ଆଦମ ଓ ହବା ପୃଥିବୀରେ ପ୍ରଥମ ମାନବ ଥିଲେ, ସେମାନଙ୍କ ସନ୍ତାନସନ୍ତତି ପରସ୍ପରକୁ ବିବାହ କରିବା ଛଡା ଆଉ କୌଣସି ବିକଳ୍ପ ନ ଥିଲା | ଯେ ପର୍ଯ୍ୟନ୍ତ ପୃଥିବୀରେ ଯଥେଷ୍ଟ ଜନସଂଖ୍ୟା ବୃଦ୍ଧି ପାଇ ନ ଥିଲା ସେ ପର୍ଯ୍ୟନ୍ତ ଇଶ୍ଵର ଅନ୍ତ – ପରିବାର ବିବାହକୁ ନିଷେଧ କରି ନଥିଲେ (ଲେବୀୟ ୧୮:୬-୧୮) | ନିକଟ ଜ୍ଞାତି ମଧ୍ୟରେ ଯୌନ ସମ୍ବନ୍ଧ ଦ୍ଵାରା ଅନେକ ଜନ୍ମ ସମ୍ବନ୍ଧୀୟ ଅସ୍ଵାଭାବିକତା ହୋଇଥାଏ, ଯେତେବେଳେ ଦୁଇ ଅନୁବଂଶିକ (ଉଦାହରଣ, ଭାଇ ଓ ଭଉଣୀ) ସନ୍ତାନସନ୍ତତି କରନ୍ତି, ସେମାନଙ୍କ ଅପ୍ରଭାବି ଲକ୍ଷଣର ବିପଦ ଥିବା ସମ୍ଭାବନା ଅଧିକ ଥାଏ | ଯେବେ ଦୁଇ ଭିନ୍ନ ପରିବାରର ସନ୍ତାନ ବିବାହ କରି ସନ୍ତାନସନ୍ତତି କରନ୍ତି, ତେବେ ସେଠାରେ ଅନେକ କମ ଅପ୍ରଭାବି ଲକ୍ଷଣର ସମ୍ଭାବନା ଥାଏ | ବର୍ଷ ପ୍ରବାହରେ ମନୁଷ୍ୟର ଅନୁବଂଶିକ ସଂକେତ ଅତ୍ୟଧିକ “କଳୁଷିତ” ହୋଇଅଛି, କାରଣ ଅନୁବଂଶିକ ଗୁଣିତ, ଶକ୍ତିଯୁକ୍ତ ହୋଇ ବୃଦ୍ଧି ହେଉଅଛି ଏବଂ ଏକ ପିଢ଼ିରୁ ପିଢ଼ି ହସ୍ତାନ୍ତର ହୋଇ ଆସୁଅଛି | ଆଦମ ଓ ହବାଙ୍କ ପାଖରେ ଅନୁବଂଶିକ ତ୍ରୁଟି ନ ଥିଲା, ଏବଂ ଏହା ସେମାନଙ୍କୁ ଓ ତାହାଙ୍କ ପ୍ରଥମ ପିଢିକୁ ଉତ୍ତମ ସ୍ଵାସ୍ଥ ପ୍ରଦାନ କରିଥିଲା | ଯଦି କୌଣସି ଅନୁବଂଶିକ ତ୍ରୁଟି ଥିଲା, ତେବେ ଏହା ଆଦମ ଓ ହବାଙ୍କ ପକ୍ଷରେ ଅତି କମ୍ ଥିଲା | ଫଳତଃ, ସେମାନଙ୍କ ପାଇଁ ପରସ୍ପର ମଧ୍ୟରେ ବିବାହ କରିବା ସୁରକ୍ଷିତର ବିଷୟ ଥିଲା |



ଓଡ଼ିଆ ପେଜ୍ କୁ ଫେରି ଯାଅନ୍ତୁ



କୟିନଙ୍କ ସ୍ତ୍ରୀ କିଏ ଥିଲେ? କୟିନଙ୍କ ସ୍ତ୍ରୀ କଅଣ ତାଙ୍କ ନିଜ ଭଉଣୀ ଥିଲେ?