Question
Isáyí (Kirístan) hoóde íba honnwá?
Answer
Dikcénari ye buzáibóu de, “Isáyí hoóde ibá ubá zibá ye Isá re Moósi hoói biccác goré ar Isár cikká mozin solé.” Bicí dikcénari ye Isáyí (Kirístan) nam or maáni ki de yían oré sóyi zendilla Pak Kalam (Baibél) ot asé héndilla gorí buzái noó faré. “Isáyí (Kirístán) hoóde hotá yían Noiya Niyom ot tin bar estemál goijjé (Paráksis 11:26;26:28; 1 Fitor 4:16). Isár fisáli (Sahába) ókkol oré Enthiyok coór ot foila thaim Isáyí (Kirístán) hoói dhaikké, Kiyólla hoilé, Sahába ókkol or adót, solasól, edde matabúla Moósir dhoóilla accíl (Paráksis 11:26). “Isáyí (Kirístán) maáni Isár zetará asé ítara re hoóde, yatóu zetará Isár Kalam maani solé, itára re Isáyí hoóde.”
Afsús, bicí thaim ot "Isáyí" (Kirístan) hoóde nam yían or sinnó harái felé edde bicí thaim ot zetará Isár kalam mozin no solé bolke dormiyóuk yatóu moócúr manúic itará nizor llá nam yían estemál goré. Manúic, zetará Isár uore iman nuané edde Isár moot or uore biccác no goré montor dormot zaa yatóu Isáyí (Kirístan) zat ot také yían olla Isáyí (Kirístan) hoói daabi goré. montor dormot zaa ye, dormor ham gorá ye edde bála gorí solá ye tuáñre Isáyí (Kirístan) no baná. Isáyí zomát ot nam taka ye, barbar dormot za ye, edde dormor ham gorá ye tuáñre ekzon Isáyí (Kirístan) no baná.
Pak Kalame (Baibéle) ciká de ki, añára insáne bála ham gorí yóre Allar muúntu pak boni no fariyúm. Titus 3:5 hoóde, “Íba ye añára ré basailoiyé. Yían honó añára goijjí de bála ham or zoriya noó, bólke Íba ye añára re Íbar rahámot mozin Pak Ruú lói dúi yóre noiya zormo edde noiya zibon dí basaiyé dé.” Hetólla, Isáyí (Kirístan) ubá re hoó zibá ye Isár uoré iman ainné ar boracá raikké edde zaré Alla ye noiya gorí foida goijjé (Yuhúnna 3:3; Yuhúnna 3:7; 1 Fitor 1:23). Íficiyól 2:8 hoóde, “….Kiyólla hoilé tuáñra Allar rahámot or duara tuáñrár iman di nejat faiyó, ar yían tuáñrár torfóttu noó, yían Allar hádiya.”
Sóyi Isáyí ( Kirístan) uitará re hoó, zetará Isár uore edde Isá ye goijjé de ham or uore, ar Isá ye gunár dam fuñjjí bólla kúruc ot moijjé de ar tin din ot din zinda ói uiththé de híin biccác goré. Yuhúnna 1:12 añára re hoóde, “Montor zetó zone Íba ré kobul gorí iman ainné, ítara ré Íba yé Allar fuain óibolla hók diyé.” Sóyi Isáyír sinnó: Sóyi Isáyí ye Allar Kalam mozin solibóu edde arekzon oré muhábbot goríbou (1 Yuhúnna 2:4,10). Sóyi Isáyí (Kirístan) óilde, Allar fuain, Allar foribár or híssa edde Isár butore di noiya zibon faiyé de íba.
Eçé foijjó de híin ólla tuñí Moósi re gosí loibá hoói faiséla goijjó ne? Zodi goró, toóile doiya gorí “Añí Moósi re aijjá gosí loiyí” hoói lamát bothón asé de ibár uoré sibán maró.
English
Isáyí (Kirístan) hoóde íba honnwá?