ප්‍රශ්නය
දෙවියන්වහන්සේ පාපයට වෛර කරන්නේ ඇයි?
පිළිතුර
දෙවියන්වහන්සේ පාපයට වෛර කරන්නේ එය උන්වහන්සේගේ ස්වභාවයේම ප්‍රතිවිරෝධය වන බැවිනි. ගීතිකාකරු දෙවියන්වහන්සේ පාපය කෙරෙහි දක්වන වෛරය මෙසේ විස්තර කරයි. "මක්නිසාද ඔබ දුෂ්ටකමින් සතුටුවන දෙවිකෙනෙක් නොවේ. කිසිම නපුරක් ඔබ සමඟ වාසය කරන්නේ නැත" (ගීතාවලිය 5:4). දෙවියන්වහන්සේ ශුද්ධ බැවින් උන්වහන්සේ පාපයට ද්වේෂ කරයි; ශුද්ධකම යනු උන්වහන්සේගේ සියලු ගුණාංග වලින් උසස්ය (යෙසායා 6:3; එළිදරව් 4:8). උන්වහන්සේගේ ශුද්ධකම උන් වහන්සේගේ පැවැත්ම මුළුමනින්ම සංතෘප්ත කරයි. උන්වහන්සේගේ ශුද්ධකම මගින් උන්වහන්සේගේ සදාචාරාත්මක පරිපූර්ණත්වය සහ ඕනෑම ආකාරයක කැළැල් වලින් පරම නිදහස නිරූපණය කරයි (ගීතාවලිය 89:35; 92:15; රෝම 9:14).
පාපය පිළිබඳව දෙවියන්වහන්සේගේ ආකල්පය බයිබලය ඉදිරිපත් කරන්නේ දැඩි සතුරුකම, පිළිකුල සහ දැඩි අකමැත්තෙනි. නිදසුනක් වශයෙන්, පාපය විස්තර කරනුයේ කුණුවු තුවාලයක් (යෙසායා 1:6), අධික බරක් (ගීතාවලිය 38:4), අපිරිසිදුකම කෙලෙසීම (තීතස් 1:15; 2 කොරින්ති 7: 1), බැඳී ඇති ණය (මතෙව් 6:12-15), අන්ධකාරය (1 යොහන් 1:6) සහ තද රතු පාට පැල්ලමක් (යෙසායා 1:18).
පාපය අපව උන්වහන්සේගෙන් වෙන්කරන සරල හේතුව නිසා දෙවියන් වහන්සේ පාපයට වෛර කරයි: "නමුත් ඔබේ අයුතුකම් ඔබගේ දෙවියන් වහන්සේගෙන් ඔබව වෙන්කර ඇත. ඔබේ පව් උන්වහන්සේට ඇහුම්කන් නොදෙන පිණිස උන්වහන්සේගේ මුහුණ ඔබෙන් සඟවා ඇත" (යෙසායා 59:2; යෙසායා 13:11; යෙරෙමියා 5:25 දබලන්න). ආදම් සහ ඒව දෙවියන් වහන්සේ වෙතින් පලා ගොස් "උයනේ ගස් අතර" සැඟවීමට හේතුවූයේ පාපයයි (උත්පත්ති 3:8). පාපය සැමවිටම වෙන්වීමක් ගෙන එයි, දෙවියන් වහන්සේ පාපයට වෛර කරයි යන්නෙන් අදහස් කරන්නේ උන්වහන්සේ අපෙන් වෙන්වීම වෛර කරන බවයි. උන්වහන්සේගේ ප්‍රේමය නැවත පිහිටුවීම ඉල්ලා සිටින අතර, එය ශුද්ධකම ඉල්ලා සිටී.
දෙවියන්වහන්සේ පාපයට ද්වේෂ කරන්නේ එහි ඇති සියුම් වංචාව නිසා දෙවියන්වහන්සේගේ ආශීර්වාද බැහැර කිරීම සඳහා ලෞකික සතුට කෙරෙහි අවධානය යොමු කිරීමට අපව පොළඹවයි. ඔවුන්ගේ පව්වලට සමාවදී ඇති අයට මෙසේ පැවසිය හැකිය, "ඔබ ඉදිරියෙහි ඔබ ප්‍රීතියෙන්ද, ඔබගේ දකුණු පැත්තේ සදාකාලික සැප වලින්ද මා පුරවන්නෙහිය" (ගීතාවලිය 16:11). පාපය ලුහුබැඳීම යනු "ඔබට සමෘද්ධිමත් වීමට හා ඔබට හානියක් කිරීමට නොව, ඔබට බලාපොරොත්තුවක් සහ අනාගතයක් ලබා දීමට සැලසුම් කර ඇති" දෙවියන්වහන්සේගේ දීමනා වෙත හැරීමයි (යෙරෙමියා 29:11). දෙවියන්වහන්සේ පාපයට වෛර කිරීමෙන් ඇඟවෙන්නේ උන්වහන්සේ තම සෙනඟට ප්‍රේම කරන බවත් ඔවුන්ට ආශීර්වාද කිරීමට අවශ්‍ය බවත්ය.
දෙවියන් වහන්සේ පාපයට වෛර කිරීමට තවත් හේතුවක් නම් එය සත්‍යයට අපව අන්ධ කිරීමයි. යේසුස්වහන්සේ බොරු ගුරුවරුන්ව "අන්ධයන්ගේ අන්ධ නායකයන්ට" සමාන කළා (මතෙව් 15:14). තම සහෝදරයාට වෛර කරන තැනැත්තා "ඔහු යන්නේ කොහේදැයි නොදනී. අන්ධකාරය ඔහුව අන්ධ කර ඇත" (1 යොහන් 2:11). පව් බොහෝවිට නොසලකා හරින ප්‍රතිවිපාක පාපයට ඇත. "රැවටෙන්න එපා: දෙවියන්වහන්සේට සමච්චල් කරන්න බැහැ. මිනිසෙකු තමා වපුරනදේ නෙළා ගනී" (ගලාති 6:7; ගණන් කථාව 32:23 දබලන්න). ආලෝකය අන්ධකාරයට වෛර කරන අතර සත්‍යය බොරුවකට වෛර කරයි යන එකම හේතුව නිසා දෙවියන්වහන්සේ පාපයට වෛර කරයි. දෙවියන්වහන්සේට අවශ්‍ය වන්නේ තම දරුවන් "සම්පූර්ණ අවබෝධයෙන් පූර්ණ ධනය"ලබා ගැනීමයි (කොලොස්සි 2:2), පාපය මඟ හරවා ගැනීම පමණි.
දෙවියන්වහන්සේ පාපයට වෛර කරන්නේ එය අපව වහල් භාවයට පත්කර අවසානයේදී අපව විනාශ කරන බැවිනි. සැම්සන්ගේ පාපය ඔහුගේ ශාරීරික අන්ධ භාවයට හා වහල් භාවයට හේතුවූවාසේම (විනිශ්චයකාරයා 16:21), අපගේ පාපය අධ්‍යාත්මික අන්ධ භාවයට හා වහල් භාවයට මඟ පාදයි. "ඔබ යමෙකුට වහලුන් ලෙස කීකරුවීමට ඉදිරිපත්වූවිට, ඔබ කීකරු වන තැනැත්තාට ඔබ වහලුන් බව ඔබ දන්නේ නැද්ද — ඔබ පාපයට වහලුන් වේවා, මරණයට හෝ කීකරුකමට, ධර්මිෂ්ධකමට මඟ පාදයි" (රෝම 6:16). දෙවියන්වහන්සේ ජීවිතයේ උල්පත වන අතර, උන්වහන්සේ එම ජීවිතය සදාකාලිකව විශ්වාස කරන සියල්ලන්ටම ලබා දෙනු ඇත. අපගේ ජීවිතය පිළිගැනීමට පාපය බාධාවක් වන අතර දෙවියන්වහන්සේ එයට වෛර කිරීමට එය එක් හේතුවකි.
දෙවියන්වහන්සේ පාපයට වෛර කරන්නේ එය උන්වහන්සේ කෙරෙහි ඇති අපගේ ප්‍රේමය අඩු කරන බැවිනි. බයිබලය මෙසේ පවසයි, "ලෝකයට හෝ ලෝකයේ කිසිම දෙයකට ප්‍රේම නොකරන්න. යමෙක් ලෝකයට ප්‍රේම කරන්නේ නම්, පියාණන්වහන්සේගේ ප්‍රේමය ඔහු තුළ නැත. මක්නිසාද ලෝකයේ සෑම දෙයක්ම — පව්කාර මිනිසාගේ තෘෂ්ණාව, ඔහුගේ ඇස්වල රාගය සහ ඔහු සතු හා කරනදේ ගැන පුරසාරම් දෙඩීම පැමිණෙන්නේ පියාණන්වහන්සේගෙන් නොව ලෝකයෙන්ය" (1 යොහන් 2:15-16). ලෝකය වැලඳ ගැනීමේ අනතුර ගැන යොහන්තුමා අනතුරු අඟවයි: "කාම මිථ්‍යාචාරයෙනි, ලෝකය සමඟ මිත්‍රත්වය දෙවියන්වහන්සේ කෙරෙහි වෛරය බව ඔබ දන්නේ නැද්ද? ලෝකයේ මිතුරෙකුවීමට තෝරා ගන්නා ඕනෑම කෙනෙක් දෙවියන්වහන්සේගේ සතුරෙකු බවට පත්වේ" (යාකොබ් 4:4). ස්වාමිවරුන් දෙදෙනෙකුට සේවය කිරීමට කිසිවෙකුට නොහැකිය (ලූක් 16:13), අප තෝරා ගත යුත්තේ පාපය හා ධර්මිෂ්ධකම අතරය.
ඇදහිලිවන්තයන් වශයෙන්, දෙවියන්වහන්සේ මෙන් අපත් පාපයට වෛර කළ යුතුය. අපි "ආලෝකයේ පුත්‍රයෝ සහ දවසේ පුත්‍රයෝ වෙමු. අපි රාත්‍රියට හෝ අන්ධකාරයට අයිති නැත" (1 තෙසලෝනික 5:5). දෙවියන් වහන්සේ අපව වෙන්කර ඇති බව අප හඳුනා ගත යුතුයි. අපි "ශුද්ධ ජාතියක්, දෙවියන්වහන්සේට අයිති සෙනඟක්" (1 පේත්‍රැස් 2:9). අපට තනිවම ශුද්ධ විය නොහැක, නමුත් දෙවියන්වහන්සේ අපව ශුද්ධ කිරීම සඳහා උන් වහන්සේගේ ශුද්ධාත්මයාණන්වහන්සේ අපට ලබා දෙයි (2 තෙසලෝනික 2:13). පාපයට එරෙහි අපගේ අරගලයේදී උන්වහන්සේ අපට උපකාර කරන බවට උන්වහන්සේගේ පොරොන්දුව ඇත (1 කොරින්ති 1:8).
අප පාපයට වෛර කරන්නේ එය දෙවියන්වහන්සේගෙන් අපව වෙන් කරන බැවිනි. අප එයට වෛර කරන්නේ එය අපගේ ප්‍රේමය අඩු කරන නිසාත්, අපගේ හෘදයසාක්ෂිය අඳුරු කරන නිසාත්, එය අපව බැඳ අපව අන්ධ කරන බැවිනි. අප එයට වෛර කරන්නේ එය දෙවියන්වහන්සේගේ ආත්මයට ශෝකවන බැවිනි (එපීස 4:30). ශුද්ධාත්මයාණන්ට කරන අපගේ යාච්ඤාව නම් "සාමයේ දෙවියන්වහන්සේ වන දෙවියන්වහන්සේ ඔබව පවිත්‍ර කරනු ලැබේවා! අපගේ ස්වාමීන් වන යේසුස් ක්‍රිස්තුස්වහන්සේගේ පැමිණීම ගැන ඔබගේ මුළු ආත්මය, ප්‍රාණය හා ශරීරය නිර්දෝෂී වේවා" (1 තෙසලෝනික 5:23).
English
දෙවියන්වහන්සේ පාපයට වෛර කරන්නේ ඇයි?
