ප්‍රශ්නය
ස්වාමීන්ගේ දවස කුමක්ද?
පිළිතුර
ස්වාමින්ගේ දිනය (ස්වාමින්වහන්සේගේ දවසට වඩා වෙනස්ව) ඉරිදාවේ. ස්වාමීන්ගේ දිනය යන වචනය ශුද්ධලියවිල්ලේ එක්වරක් පමණි. එළිදරව් 1:10 පවසනවා, "මම ස්වාමීන්ගේ දවසේදී ආත්මයාණන්වහන්සේ තුළ සිටියෙමි, හොරණෑවක් මෙන් මහ හඩක් මට පිටුපසින් ඇසුණි." ප්‍රේරිත යොහන් "ස්වාමීන්ගේ දවස" යන්නෙහි අර්ථය විස්තාරණය නොකරන බැවින් අපට එය උප කල්පනය කළ හැකිය. ඔහුගේ ඉලක්ක ගත ප්‍රේක්ෂකයින්, පළමු ශතවර්ෂයේ කිතුනුවන් ඒවන විටත් එම ප්‍රකාශනය හුරුවී සිටියහ.
ස්වාමීන්ගේ දිනය සබත් දවසට සමාන අළුත් ගිවිසුම යැයි සමහරු උප කල්පනය කරති. ඊශ්‍රායෙල් ජාතිය ඊජිප්තුවෙන් ඔවුන්ව ගලවා ගැනීම සැමරීම සඳහා දෙවියන්වහන්සේ විසින් සබත් දවස ආරම්භ කරන ලදි (ද්විතීය කථාව 5:15). සබත් සිකුරාදා හිරු බැස යෑමෙන් ආරම්භවී සෙනසුරාදා හිරු බැස යෑමෙන් අවසන්වූ අතර මැවුම්කරුවාණන් හත් වන දවසේ විවේක ගැනීම සංකේතවත් කරන සියලු ශ්‍රමයෙන් පූර්ණ විවේක දිනයක් විය (උත්පත්ති 2:2-3; නික්මයාම 20:11; 23:12). සබත යනු ඊශ්‍රායෙල්වරුන්ට මහෝත්තම දෙවියන්වහන්සේගේ අනුගාමිකයන් ලෙස වෙන්කර ඇති බවට විශේෂ ලකුණකි. ඔවුන් සබත පැවැත්වීම අවට ජාතීන්ගෙන් වෙන්කර හඳුනා ගැනීමට උපකාරීවේ. කෙසේ වෙතත්, ශුද්ධ ලියවිල්ලේ කොතැනකවත් ස්වාමීන්ගේ දවස ලෙස සබත හැඳින්වෙන්නේ නැත. අළුත් ගිවිසුමේ කාලවලදී යුදෙව් ප්‍රජාව තුළ සබත් යන පදය තවමත් භාවිතයේ පැවති අතර එය යේසුස්වහන්සේ සහ ප්‍රේරිතයන් විසින් හඳුන්වනු ලැබේ (මතෙව් 12:5; යොහන් 7:23; කොලොස්සි 2:16).
යේසුස් ක්‍රිස්තුස්වහන්සේ මළවුන්ගෙන් උත්ථානවූ දිනය ඉරිදා වන අතර එය ක්‍රිස්තියානි ධර්මය වෙනත් ආගමකින් සදහටම වෙන් කරන ක්‍රියාවකි (යොහන් 20:1). එතැන් පටන් ඇදහිලිවන්තයන් පාපයට හා මරණයට එරෙහිව උන්වහන්සේගේ ජයග්‍රහණය සැමරීම සඳහා සතියේ පළමු දිනයේ රැස්ව සිටියහ (ක්‍රියා 20:7; 1 කොරින්ති 16:2). දෙවියන්වහන්සේ විසින් සබත් දවස ශුද්ධ දිනයක් ලෙස නම් කරනු ලැබුවද, යේසුස්වහන්සේ සබත් දවසේදී තමා ස්වාමීන් බව පෙන්නුම් කළේය (මතෙව් 12:8). යේසුස්වහන්සේ පැමිණියේ සබත අහෝසි කිරීමට නොව මුළු ව්‍යවස්ථාවම ඉටු කිරීමට බවය. නීතිරීති කිසිවෙකුට සාධාරණීකරණය කළ නොහැකි විය; පව්කාර මනුෂ්‍යයන් ධර්මිෂ්ධ යැයි ප්‍රකාශ කළ හැක්කේ යේසුස්වහන්සේ තුළින් පමණි (රෝම 3:28). කොලොස්සි 2:16–17 හි පාවුල් මෙම සත්‍යය දෝංකාර දෙයි. මේවා ඉදිරියේදී සිදුවීමට නියමිත දේවල සෙවනැල්ලකි. කෙසේ වෙතත්, යථාර්ථය ක්‍රිස්තුස්වහන්සේ තුළ දක්නට ලැබේ. "
ස්වාමීන්ගේ දිනය සාමාන්‍යයෙන් ඉරිදා ලෙස සලකනු ලැබේ, නමුත් එය යුදෙව් සබතට සෘජු ප්‍රතිවිරුද්ධ පාර්ශවයක් නොවේ. වෙනත් වචන වලින් කිවහොත්, ඉරිදා "ක්‍රිස්තියානි සබත"නොවේ. අප විවේක ගැනීම සඳහා දිනයක් වෙන්කළ යුතු නමුත් මිය ගොස් නැවත නැගිටි ස්වාමින්වහන්සේට ගෞරව කිරීම, අපි ව්‍යවස්ථාවට යටත් නොවෙමු (රෝම 6:14-15). යේසුස් වහන්සේගේ නැවත ඉපදුණු අනුගාමිකයන් වශයෙන්, අපගේ හෘද සාක්ෂිය විසින් තීරණය කරනු ලබන ඕනෑම දිනයක උන්වහන්සේට නමස්කාර කිරීමට අපට නිදහස තිබේ. රෝම 14 හි පැහැදිලි කිරීමක් ලබා දෙන්නේ කිතුනුවන් එම සියුම් අළු පැහැ ප්‍රදේශවලට යාත්‍රා කරන්නේ කෙසේද යන්නයි. 4 සහ 5 පදවල මෙසේ පවසයි, "එක් පුද්ගලයෙකු එක් දිනක් තවත් දවසකට වඩා පරිශුද්ධ ලෙස සලකයි; තවත් අයෙක් සෑම දිනකම එකහා සමානව සලකයි. ඒ සෑම කෙනෙකුම තමන්ගේ මනසින් සම්පූර්ණයෙන්ම ඒත්තු ගැන්විය යුතුය. යමෙක් එක් දිනක් විශේෂ ලෙස සලකන්නේ ස්වාමින් වහන්සේටය. යමෙක් මස් අනුභව කරන්නේද ඔහු සමිඳාණන්වහන්සේට එසේ කරන්නේය. යමෙක් එය අත්හරින්නේ නම් ඔහු සමිඳාණන්වහන්සේට ස්තුති කරයි. "
සමහර මෙසියානු යුදෙව්වන්ට ඔවුන්ගේ යුදෙව් උරුමය නිසා සබත් දවස ශුද්ධයැයි සැලකීමට අවශ්‍යයි. සමහර අන්‍යජාතික කිතුනුවන් තම යුදෙව් සහෝදර සහෝදරියන් සමඟ එකතුවී දෙවියන්වහන්සේට ගෞරව කිරීමේ ක්‍රමයක් ලෙස සබත පැවැත්වේ. සබත් දවසේදී දෙවියන්වහන්සේට නමස්කාර කිරීම පිළිගත හැකිය. නැවතත්, සතියේ දිනය වඩාත්ම වැදගත් කාරණය නොවේ — නමුත් එම තේරීම පිටුපස ඇති හෘද අභිප්‍රේරණය ඉතා වැදගත්ය. නෛතික වාදය හෝ නීතිරීති මගින් සබත පැවැත්වීම සඳහා තේරීමක් කිරීමට පෙළඹේ නම්, එම තේරීම නිවැරදි හදවතකින් සිදුවි නැත(ගලාති 5:4). සමිඳාණන්වහන්සේ ඉදිරියෙහි අපගේ හදවත් පවිත්‍ර වන විට, සෙනසුරාදා (සබත) හෝ ඉරිදා (ස්වාමින්ගේ දිනය) උන්වහන්සේට නමස්කාර කිරීමට අපට නිදහස තිබේ. දෙයාකාරයෙන්ම දෙවියන්වහන්සේ සතුටුවේ.
යෙසායා අනාගතවක්තෘවරයා උපුටා දක්වමින් යේසුස්වහන්සේ නීත්‍යානුකූල භාවයට එරෙහිව අනතුරු ඇඟවීය. "මේ අය තොල්වලින් මට ගෞරව කරති, නමුත් ඔවුන්ගේ හදවත් මාගෙන් දුරස්ව ඇත. ඔව්හු මට නමස්කාර කරති. ඔවුන්ගේ ඉගැන්වීම් හුදු මිනිස් නීති පමණි" (මතෙව් 15: 8–9;. යෙසායා 29:13). අපගේ චාරිත්‍ර, නීතිරීති හෝ අවශ්‍යතා පිළිපැදීමට දෙවියන්වහන්සේ උනන්දු නොවේ. උන්වහන්සේට අවශ්‍ය වන්නේ සබත් දවසේදී, ස්වාමින්ගේ දවසේදී සහ සෑම දිනකම උන්වහන්සේගේ ප්‍රේමයෙන් හා කරුණාවෙන් ගිනිගෙන ඇති හදවත්ය (හෙබ්‍රෙව් 12:28-29; ගීතාවලිය 51:15-17).
English
ස්වාමීන්ගේ දවස කුමක්ද?
