ප්‍රශ්නය
සභාවේ දූත මෙහෙය (මෙහෙවර) කුමක් විය යුතුද?
පිළිතුර
සභාව දෙවියන් වහන්සේගේ නිර්මාණයකි (ක්‍රියා 20:28; 1 කොරින්ති 3:9, 17; 15:9), එය යේසුස් ක්‍රිස්තුස්වහන්සේ විසින් ආරම්භ කරන ලද සහ අයිති (හිමි) කර ගත් “මම මාගේ සභාව ගොඩනඟන්නෙමි” (මතෙව් 16:18) - සහ ශුද්ධාත්මයාණන්වහන්සේ විසින් මෙහෙයවීම සහ ශක්තිය ලබා දීම (1 කොරින්ති 10:17; 12:5-27; රෝම 12:4-5). එමනිසා, සභාව සඳහා උන් වහන්සේගේ සැලසුම සහ ඒ සඳහා උන්වහන්සේ කළ මෙහෙවර පැහැදිලි කිරීම සඳහා දෙවියන්වහන්සේ දෙස බැලීම සභාවේ ප්‍රීතියයි. සභාව සඳහා දෙවියන් වහන්සේගේ මෙහෙවර කොටස් කිහිපයක් ඇති බව සනාථ කරයි.
1. සභාවේ මෙහෙවර වන්නේ ගෝලයන් සෑදීමයි. යේසුස්වහන්සේ ස්වර්ගයට නැවත යෑමට මොහොතකට පෙර තම ගෝලයන්ට මෙසේ අණ කළේය. “මුළු ලෝකයටම ගොස්, සියලු ජාතීන්ගේ ගෝලයන්ව පියාණන්, පුත්‍රයාණන් හා ශුද්ධාත්මයාණන්වහන්සේගේ නාමයෙන් බව්තීස්ම කර ඔවුන්ට ඉගැන්වීම. මා ඔබට අණ කළ සියල්ල පිළිපැදීමට” (මතෙව් 28:19-20). ගෝලයෙක් අනුගාමිකයෙක්, තම නායකයා සමඟ සම්බන්ධ වන කෙනෙක්. එමනිසා, අපි තර්ක කරන්නේ, යේසුස්වහන්සේ සෑම තැනකම සිටින මිනිසුන්ව තමා සමඟ දැන හඳුනා ගැනීම සඳහා සභාව යැවූ බවයි. සභාව ගෝලයන් කරන විට, මිනිසුන්ට තම ගැලවුම්කරුවා සහ ස්වාමීන් ලෙස යේසුස්වහන්සේව අගය කිරීමට, නමස්කාර කිරීමට, විශ්වාස කිරීමට, අනුගමනය කිරීමට හා කීකරු විය හැකිය. සභාවේ සාමාජිකයන්, යේසුස් ක්‍රිස්තුස්වහන්සේ කෙරෙහි ආකර්ෂණය වී, උන්වහන්සේ වටා ස්වාමියා, නායකයා, ගැළවුම්කරුවා සහ මිතුරා ලෙස එක්රැස් වෙති. අපගේ ප්‍රීතිමත් මෙහෙවර නම් උන්වහන්සේ සෑම ජාතියකටම ප්‍රදර්ශනය කිරීමයි.
2. සභාවේ මෙහෙවර නම් ක්‍රිස්තුස්වහන්සේව මහිමවත් කිරීමයි. පාවුල් ලිව්වේ, “ක්‍රිස්තුස්වහන්සේ තුළ අපත් තෝරාගනු ලැබුවේ… අපි උන් වහන්සේගේ මහිමයේ ප්‍රශංසාව උදෙසාය” (එපීස 1:11-12). සභාව සඳහා දෙවියන් වහන්සේගේ අරමුණෙහි කොටසක් නම් සභාව ජීවත්වන ආකාරය සහ එය කරන දෙයින් යේසුස් ක්‍රිස්තුස්වහන්සේව උසස් කිරීමයි. ක්‍රිස්තුස්වහන්සේ සිය සභාව නිර්මාණය කළේ උන්වහන්සේගේ ආශ්චර්ය්‍යවත්, ජීවිතාරක්ෂක කාර්යයන් ලොවට නිරූපණය කිරීම සඳහා ය. ක්‍රිස්තුස්වහන්සේගේ ප්‍රීතිමත්, ජයග්‍රාහී ආත්ම පරිත්‍යාගයේ ප්‍රතිඵලයක් ලෙස දෙවියන්වහන්සේ ගැන සෑහීමකට පත්වන මිනිසුන්, නිදහස් හා සමාව දුන් ජනතාවක් විය හැකි දේ ක්‍රිස්තුස්වහන්සේ තම සභාව තුළ ලොවට පෙන්වයි. සභාවේ සාරධර්ම උන් වහන්සේගේ සාරධර්ම ලෙස උන්වහන්සේ සැලසුම් කර ඇත. එහි ජීවන රටාව උන්වහන්සේගේ චරිතය පිළිබ්ඹු කරයි කියා උන්වහන්සේ අපේක්ෂා කරයි (2 කොරින්ති 6:14-7: 1; එපීස 5:23-32; කොලොස්සි 1:13, 18; 1 තිමෝති 3:15). චන්ද්‍රයා සූර්යයා පරාවර්තනය කරන ආකාරයට සභාව යනු දෙවියන් වහන්සේගේ මහිමය අඳුරු ලෝකයකට පිළිබ්ඹු කිරීමයි.
3. සභාවේ මෙහෙවර සාන්තුවරයන් ගොඩනැගීමයි. සභාව යනු එහි සාමාජිකයන් දිරිගැන්වීම සහ සැනසීමයි (1 තෙසලෝනික 5:11; 2 කොරින්ති 13:11). “ශරීරයේ බෙදීමක් නොතිබිය යුතුය. . . එහි කොටස් එකිනෙකා කෙරෙහි එක හා සමාන සැලකිල්ලක් දැක්විය යුතුය” (1 කොරින්ති 12:25). යේසුස්වහන්සේ ප්‍රධාන ගල වන අතර සභාව සමාන වන්නේ “එකට එකතු වී ස්වාමින්වහන්සේ තුළ ශුද්ධ දේවමාළිගාවක් බවට පත්වීම සඳහාය. දෙවියන් වහන්සේගේ ආත්මයාණන්වහන්සේ කරණකොටගෙන වාසය කරන වාසස්ථානයක් බවට පත්වීම සඳහා ඔබත් උන්වහන්සේ තුළ ගොඩනඟා ඇත” (එපීස 2:19-22; 4:4-25 ද බලන්න). යේසුස් ක්‍රිස්තුස්වහන්සේ තම සභාව නිර්මාණය කළේ දෙවියන්වහන්සේගේ පවුල පොළොව මත ප්‍රදර්ශනය කිරීම සඳහාය, එවිට දෙවියන්වහන්සේ තම පවුල යේසුස් ක්‍රිස්තුස්වහන්සේ වටා ගොඩනඟන්නේ කෙසේද සහ එම පවුල එකිනෙකා ගැන සැලකිලිමත් වන ආකාරය මිථ්‍යාදෘෂ්ටික ලෝකයට දැකගත හැකිය (මාර්ක් 3:35 සහ යොහන් 13:35 බලන්න).
English
සභාවේ දූත මෙහෙය (මෙහෙවර) කුමක් විය යුතුද?
