கேள்வி
சட்டவிரோத குடியேற்றம் குறித்து வேதாகமம் என்ன சொல்லுகிறது?
பதில்
ரோமர் 13:1-7 வரையிலுள்ள வசனங்கள், அரசாங்கத்தின் சட்டங்களுக்குக் கீழ்ப்படிய வேண்டும் என்று தேவன் எதிர்பார்க்கிறார் என்பதைத் தெளிவாகக் கூறுகிறது. இதற்கு விதிவிலக்கு, அரசாங்கத்தின் சட்டம் தேவனுடைய கட்டளைக்கு கீழ்ப்படியாமல் இருக்க உங்களை கட்டாயப்படுத்துகிறது (அப்போஸ்தலர் 5:29). சட்டவிரோத குடியேற்றம் என்பது அரசாங்க சட்டத்தை மீறுவதாகும். குடியேற்ற சட்டங்களைக் கொண்ட ஒரு தேசத்திற்கு முரணான எதுவும் வேதத்தில் இல்லை. எனவே சட்டவிரோதமாக மற்றொரு நாட்டில் நுழைவது, அது ஒரு பாவம், தேவனுக்கு எதிரான கிளர்ச்சி.
இன்று அமெரிக்காவில் (மற்றும் வேறு சில நாடுகளில்) சட்டவிரோத குடியேற்றம் நிச்சயமாக ஒரு சர்ச்சைக்குரிய பிரச்சினையாக உள்ளது. குடியேற்றச் சட்டங்கள் நியாயமற்றவை, அநியாயமானவை மற்றும் பாரபட்சமானவை என்று சிலர் வாதிடுகின்றனர் -- தனிநபர்கள் சட்டவிரோதமாக குடியேறுவதை நியாயப்படுத்துகிறார்கள். இருப்பினும், ரோமர் 13:1-7 ஒரு சட்டத்தை மீறுவதற்கு எந்த அனுமதியையும் கொடுக்கவில்லை, அது நியாயமற்றது. மீண்டும், பிரச்சினை ஒரு சட்டத்தின் நியாயம் அல்ல. அரசாங்க சட்டத்தை மீறுவதற்கான ஒரே வேதாகமக் காரணம், அந்த சட்டம் தேவனுடைய வார்த்தையை மீறுவதாகும். பவுல் ரோமருக்கு எழுதிய நிருபத்தை எழுதியபோது, அவர் ரோமப் பேரரசின் அதிகாரத்தின் கீழ் இருந்தார், ஒருவேளை அனைத்து ரோமப் பேரரசர்களிலேயே மிகவும் துன்மார்க்கனாக இருந்த நீரோவின் தலைமையின் கீழுள்ள அரசாங்கத்தில் இருந்தார். அந்த ஆட்சியின் கீழ், நியாயமற்ற, அநியாயமான மற்றும்/அல்லது அப்பட்டமான தீய சட்டங்கள் பல இருந்தன. ஆனாலும், அரசாங்கத்திற்கு அடிபணியுமாறு கிறிஸ்தவர்களுக்கு பவுல் அறிவுறுத்தினார்.
அமெரிக்காவின் குடியேற்ற சட்டங்கள் நியாயமற்றதா அல்லது அநியாயமானதா? சிலர் அப்படி நினைக்கிறார்கள், ஆனால் அது பிரச்சினை அல்ல. உலகில் உள்ள அனைத்து வளர்ந்த நாடுகளிலும் குடியேற்றச் சட்டங்கள் உள்ளன, சில அமெரிக்காவை விட கடுமையானவை மற்றும் சில அமெரிக்காவை விட குறைந்தளவு கடுமையானவை. ஒரு நாடு முற்றிலும் திறந்த எல்லைகளைக் கொண்டிருப்பதையோ அல்லது முற்றிலும் மூடிய எல்லைகளைக் கொண்டிருப்பதையோ தடை செய்ய வேதாகமத்தில் எதுவும் குறிப்பிடவில்லை. ரோமர் 13:1-7ல் கூறப்பட்டுள்ளபடி சட்டத்தை மீறுபவர்களை தண்டிக்கும் அதிகாரத்தையும் அரசாங்கத்திற்கு வழங்குகிறது. தண்டனை சிறைத்தண்டனை மற்றும்/அல்லது நாடு கடத்தல் அல்லது அதைவிடக் கடுமையானது எதுவாக இருந்தாலும், அது அரசாங்கத்தின் உரிமைகளுக்கு உட்பட்டது.
அமெரிக்காவில் சட்டவிரோதமாக குடியேறியவர்களில் பெரும்பாலானோர், சிறந்த வாழ்க்கையை வாழ்வதற்கும், தங்கள் குடும்பங்களுக்கு வழங்குவதற்கும், வறுமையிலிருந்து தப்பிப்பதற்கும் வந்தவர்கள். இவை நல்ல குறிக்கோள்கள் மற்றும் உந்துதல்கள். இருப்பினும், "நல்லதை" அடைய ஒரு சட்டத்தை மீறுவது வேதாகமத்தின்படியானது அல்ல. ஏழைகள், அனாதைகள் மற்றும் விதவைகளைக் கவனிப்பது வேதாகமம் நமக்குக் கட்டளையிடும் ஒன்று (கலாத்தியர் 2:10; யாக்கோபு 1:27; 2:2-15). இருப்பினும், துரதிர்ஷ்டவசமானவர்களை நாம் கவனித்துக் கொள்ள வேண்டும் என்ற வேதாகமச் சத்தியம், அவ்வாறு செய்வதில் நாம் சட்டத்தை மீற வேண்டும் என்று அர்த்தமல்ல. சட்டவிரோத குடியேற்றத்தை ஆதரிப்பது, செயல்படுத்துவது மற்றும்/அல்லது ஊக்குவிப்பது என்பது தேவனுடைய வார்த்தையை மீறுவதாகும். வேறொரு நாட்டிற்கு குடிபெயர விரும்புவோர் அந்த நாட்டின் குடியுரிமை சட்டங்களுக்கு எப்போதும் கீழ்ப்படிய வேண்டும். இது தாமதம் மற்றும் ஏமாற்றத்தை ஏற்படுத்தினாலும், இந்த காரணங்கள் ஒரு நபருக்கு சட்டத்தை மீறுவதற்கான உரிமையை வழங்காது.
சட்டவிரோத குடியேற்றத்திற்கு வேதாகமத்தின் தீர்வு என்ன? எளிமை... அப்படிச் செய்யாதீர்கள்; சட்டங்களுக்கு கீழ்ப்படியுங்கள். கீழ்ப்படியாமை ஒரு வேதாகம விருப்பம் இல்லை என்றால், சட்டவிரோத குடியேற்றச் சட்டத்தைப் பொறுத்தவரை என்ன செய்ய முடியும்? குடியுரிமை சட்டங்களை மாற்ற முயல்வது குடிமக்களின் உரிமைகளுக்கு உட்பட்டது. குடியேற்றச் சட்டம் நியாயமற்றது என்பது உங்கள் நம்பிக்கையாக இருந்தால், சட்டத்தை மாற்றுவதற்கு சட்டப்பூர்வமாக உங்கள் சக்திக்கு உட்பட்ட அனைத்தையும் செய்யுங்கள்: ஜெபம், மனு, வாக்களிப்பு, அமைதியான போராட்டம் போன்றவற்றைச் செய்யுங்கள். அதே சமயம், அவர் நம்மீது அதிகாரம் வைத்த அரசாங்கத்திற்குக் கீழ்ப்படிவதன் மூலம் நாம் தேவனுக்குக் கீழ்ப்படிவதைக் காண்பிக்கவும் வேண்டும்.
"நீங்கள் மனுஷருடைய கட்டளைகள் யாவற்றிற்கும் கர்த்தர்நிமித்தம் கீழ்ப்படியுங்கள். மேலான அதிகாரமுள்ள ராஜாவுக்கானாலுஞ்சரி, தீமைசெய்கிறவர்களுக்கு ஆக்கினையும் நன்மைசெய்கிறவர்களுக்குப் புகழ்ச்சியும் உண்டாகும்படி அவனால் அனுப்பப்பட்ட அதிகாரிகளுக்கானாலுஞ்சரி, கீழ்ப்படியுங்கள். நீங்கள் நன்மைசெய்கிறதினாலே புத்தியீன மனுஷருடைய அறியாமையை அடக்குவது தேவனுடைய சித்தமாயிருக்கிறது. சுயாதீனமுள்ளவர்களாயிருந்தும் உங்கள் சுயாதீனத்தைத் துர்க்குணத்திற்கு மூடலாகக் கொண்டிராமல், தேவனுக்கு அடிமைகளாயிருங்கள்" (1 பேதுரு 2:13-16).
English
சட்டவிரோத குடியேற்றம் குறித்து வேதாகமம் என்ன சொல்லுகிறது?
