Askim
Jisas em i God? Jisas wanpela taim i tokaut em i God?
Ansa
Sampela lain husait i dinaim Jisas em i God save tok, Jisas ino tok em i God. Em i tru i nogat rekod long Baibel we Jisas i bin tok, “Mi God.” Dispela i no min, olsem, Jisas i no tok em i God.
Yu ting Jisas em i God? – Jisas i tok em i God.
Kisim dispela tok bilong Jisas long Jon 10:30, “Mi na Papa mitupela i wanpela tasol.” Yumi ken lukluk long rieksen bilong ol Juda lain we Em kleim em i yet God. Ol i laik stonim em bikos long dispela as: “Yu laik kisim ples bilong God, na yu man nating, tasol yu tok olsem yu yet yu God” (Jon 10:33). Ol Juda lain save wanem tok Jisas i toktok long en – divain bodi bilong em. Taim Jisas i tokaut, “Mi na Papa mitupela i wanpela tasol.” Em tok olsem Em na Papa i wanpela tasol long olgeta samting. Jon 8:8 em i wanpela exampol we Jisas i tok, “Mi tokim yupela stret, bipo Abraham i bon, Mi stap!” Dispela toktok em i wanpela refrens long Kisimbek 3:14 taim God i kamapim dispela tok “MI YET.” Ol Juda lain laik stonim Em dai long dispela tok tasol, olsem Mosaik Lo i toktok long en (Levi 24:16).
Yu ting Jisas em i God? – Ol disaipel bilong Em i tokaut Em i God.
Jon i tokaut gen long dispela konsept bilong Jisas em i God: “Tok em i God” na “Tok i kamap man” (Jon 1:1, 14). Ol dispela ves i tokaut klia Jisas em i God long bodi. Aposel 20:38 i tok, “Yu mas kamap wasman long sios bilong God, we Em i yet i baim wantaim blut bilong Em.” Husait i baim sios wantaim blut? Jisas Krais. Na dispela wanpela ves tasol i tokaut God i baim bek sios bilong Em wantaim blut bilong Em yet. Olsem na Jisas em i God.
Tomas, wanpela disaipel i tokaut long Jisas, “O Bikpela na God bilong mi” (Jon 20:28). Jisas ino skulim em. Taitus 2:13 i strongim yumi long weitim kambek bilong God na Seivia, Jisas Krais (lukim 2 Pita 1:1). Long Hibru 1:8, Papa i tok klia long Jisas olsem, “God, yu stap king oltaim oltaim. Yu save bosim ol manmeri bilong yu long stretpela pasin tasol.” Papa i tokaut klia stret long Jisas olsem em i God, i tru tumas Jisas em i God.
Long Kamapim Tok Hait (Revelation), wanpela enjel i instratim aposel Jon long wosipim God (19:10). Planti taim insait long Skripsa, Jisas i kisim wosip (Matyu 2:11; 14:33; 28:9; 17; Luk 24:52; Jon 9:38). Em i no stopim wanpela man o meri long wosipim Em. Sapos Jisas ino God, Em bai stopim ol manmeri long wosipim Em, wankain olsem long dispela enjel long Kamapim Tok Hait (Revelation) i mekim. Long ol dispela, igat planti hap insait long Skripsa we ol i toktok long Jisas em i God.
I tru Jisas em i God? – Risen wai Jisas i mas God.
Wanpela bikpela as tingting olsem Jisas em i God, em olsem, sapos Em i no God, dai bilong Em bai ino inap long baim yumi bek olgeta pen long sin bilong dispela graun (1 Jon 2:2). Wanpela man, we Jisas sapos em i no God, yu ting em bai karim olgeta sin bilong yumi ikam long dispela God istap oltaim. Yu lukim, God tasol bai karim sin bilong dispela graun (2 Korin 5:21), dai, na kirap bek, i soim win long sin na dai.
Yu ting Jisas em i God? Yes. Jisas i tokaut Em yet God. Ol disaipel bilong Em i bilip Em i God. Provisen bilong salveisen save wok taim Jisas em i God. Jisas em i God, stap insait long bodi, em i Alfa na Omega (Kamapim Tok Hait 1:18; 22:13), na God Seivia bilong yumi (2 Pita 1:1).
English
Jisas em i God? Jisas wanpela taim i tokaut em i God?