Na cava nai naki kei na sala kina veivakabulai?




Taro: Na cava nai naki kei na sala kina veivakabulai?

Sau ni taro:
O via kana li? Sega ni via kana vakayago, ia na via kana ni ko gadreva tale e dua na ka ena nomu bula vaka yalo? E dua beka na ka e tiko e lomamu ka sega tiko ni sa taucoko na ka o gadreva me vakacegu kina? Kevaka e tiko, o Jisu na sala! E kaya ko Jisu, “O au na madrai ni bula: ko koya sa lako mai vei au, e na sega ni via kana; ia ko koya sa vakabauti au, ena sega ni via gunu tale. (Joni 6:35)

E veilecayaki tiko na nomu bula? E sega baka ni rawa mo raica e dua na sala kei nai naki ni nomu bula? E rairai beka e dua sa bokoca na cina e na loma ni vale ka sa dredre mo waqaca tale? Kevaka oya, o Jisu na sala! E kaya ko Jisu, “Oi au na rarama kei vuravura: ko koya sa muri au ena sega ni lako ena butobuto, ena tug a vei koya na rarama ni bula”. (Joni 8:12)

O dau vakila beka ni sa sega ni vakaibalebale vei iko na bula ena vuqa na gauna? E vica na katuba ko curuma yani ka rawa ni ko raica nil ala tu ka sega talega ni vakabalebale na ka e tu kina? Ko vaqara tiko li na katuba mo curu kina bula e taucoko? Ke vaka kina, ko jisu ga na sala, ena Joni 10:9, e kaya ko Jisu, “oi au na katuba: kevaka sa curu kina e dua na tamata ena vukuqu, ena vakabulai, ka na dau curu mai ka dau curu yani, ka na kune kakana.

E ra dau vakanadakui iko beka na nomui tokani ena vuqa na gauna? E sa vovodea mai ka luluqa talega nai tovo ni nomu veimaliwai? E ra dau tovolea na tamata ena so na gauna me ra vakayagataki iko? Ke vaka kina, o Jisu ga na sala dina. E kaya ko Jisu ena Joni 10:11,14, “Oi au nai vakatawa vinaka”.

Ko bau vakananuma li na veika e na yaco ni oti na bula oqo? Ko sa vuturi mai ena bula vata kei na ka e caca wale kei na ka madra? E so na gauna e dau yacova mai vei iko na yalo ni vakatitiqa ni nomu bbula e sega na betena? Ko via rawata na bula tawa mudu ni oti na nomu bula e vuravura oqo: ke io, ko Jisu ga na sala dina. E kaya ko Jisu oi au na vuni tucake tale mai na mate. (Joni 11:25-26).

Na cava na sala dina? Na cava na vuni dina? Na cava na vuni bula? E sauma ko Jisu ka kaya, “Koi au na sala, na dina kei na vuni bula. Sa sega ni dua na tamata e rawa ni torovi tamaqu ia ena vukuqu duadua ga.” (Joni 14:6)

Ko Jisu ga e rawata me sauma vei iko na nomu via kana vakayalo. Ko jisu ga na vu ni veivakararamataki. Ko jisu ga na katuba kin a bula sautu. Ko Jisu ga na tokani voleka kai vakatawa vinaka ko vakasaqara tiko. Ko Jisu ga na vuni bula ena vuravura oqo kei na bula ka se bera mai. Ko Jisu ga na sala kin a veivakabulai.

Ko na via kana, yali ena loma ni butobuto, sega ni vakila nai naki ni nomu bula ni sa yali mai vei iko na Kalou. E kaya nai vola tabu ni da sai valavala kece ga na tamata ni da sa tawase tani mai na liga ni Kalou. (Daunivunau 7:20,Roma 3:23) E kaya na Roma 6:23 kei na Joni 3:36, “Ni sa kenai sau ni valavala ca na mate: ia sai solisoli walega ni Kalou na bula tawa mudu, e na vuku I Jisu Karisito na noda Turaga.” “O koya sa vakabauta na Luvena, sa rawa ta nabula tawa mudu: ko koya sa sega ni vakabauta na Luvena, e na sega ni raica na bula: a sa tiko ga vei koya na cudru ni Kalou”.

E na rawa vakacava me wali na leqa oqo? Ko Jisu ga na sala dina. E kaya na 2 Koronica 5:8, “keitou sa doudou tiko, ka keitou sa vinakata cake me keitou tawase kei nay ago, ka tiko vata kei na Turaga”. Roma 6:4-5, “O koya eda sa bulu vata kaya kina, ni da papitaisotaki kina nona mate: me vaka sa vakaturi cake tale mai na mate na Karisito e na kaukauwa nei Tamana, me da sai valavala vaka talega kina ena bula vou. Ia kevaka eda sa duavata me da vakataki koya ena nona mate, eda na vakataki koya talega e na nona tucake tale mai na mate.” E a mai mate na Karisito me rawa kina vei keda na bula. Kevaka e da vakabauti koya ka vakadinata ni a mai mate mei sau ni nods caka cala, io ena vosoti ka vakasavasavataki na noda I valavala ca. e da na qai vakamarautaki e na noda via kana vakayalo. E da na qai raica na rarama. E da na rawa ni kilai koya vinaka kina na nodai tokani dina kei na nodai takatawa vinaka. E da na kila ni da sa rawata na bula ni oti na bula e vuravura oqo, sai koya na bula tawa mudu kei na gone turaga ko Jisu Karisito.

E kaya na Joni 3:16, “Ni sa lomani ira na kai vuravura vakaoqo na Kalou, me solia kina na Luvena e dua bauga sa vakatubura, me kakua ni rusa ko ira yadua era sa vakabauti koya, me ra rawata ga na bula tawa mudu.”

Sa tiko li na nomu digidigi vua na Karisito ka vu mai na ka ko wilika eke? Ke io yalo vinaka curu “Au ciqoma Christ nikua”.



Lesu tale kina Home Page



Na cava nai naki kei na sala kina veivakabulai?