سوال
نجات دا منصوبہ / نجات دا رستہ کیہ ہئے؟
جواب
کیہ تُساں بھُکے ہو؟ ناں کے جسمانی طور بھُکے، پر تُہاکوں زندگی بِچ کُجھ ہور دی بھُک ہئے ؟ کیہ تُہاڈے اندر کُجھ اجیہا ہئے جیہڑا کڈاہیں تشنگی نئیں پاؤندا ؟ جی کر اجیہا ہئے تاں یسوع رستہ ہئے۔ یسوع نے آکھیا ہاوی، ’’میں زندگی دی روٹی ہاں ۔ جیہڑا کوئی میڈے کول آسی اوہ بھُکا ناں راہسی ، اتے اوہ جیہڑا میڈے اُتے ایمان لیاسی اوہ کڈاہیں پیاسا ناں راہسی ‘‘ (یوحنا 35:6 )۔
کیہ تُساں پریشان ہو؟ کیہ تُساں زندگی بِچ مقصد یاں رستہ کڈاہیں نئیں لبھ سکدے؟ کیہ تُہاکوں ایہہ نئیں لگدا کے کسے نیں بتی بُجھا دتی ہووے اتے تُساں سوئچ نئیں لبھ سکدے؟ جے کر انِج ہئے تاں یسوع رستہ ہے ۔ یسوع آدھا ہئے، ’’میں دُنیا دا نُور ہاں، جیہڑا کوئی میڈی پیروی کریسی اوہ کڈاہیں اندھیرے بِچ ناں راہسی، بلکہ زندگی دی روشنی پاسی‘‘ (یوحنا 12:8 )۔
کیہ تُہاکوں ایہہ محسوس ہووندا ہئے کہ تُساں زندگی تُوں باہر بند تھی گئے ہو؟ کیہ تُساں بوہت دروازیاں اُتے کوشش کیتی ہئے صرف ایہہ لبھن کیتے اتے جو کُجھ اوہناں دے پیچھے ہئے اوہ خالی اتے بے معنی ہئے؟ کیہ تُساں بھرپور زندگی بِچ داخل ہوون کیتے کسے داخلے نُوں لبھدے ہو؟ جے کر اِنج ہئے تاں یسوع رستہ ہئے۔ یسوع آکھدا ہئے ، ’’دروازہ میں ہاں، جیہڑا کوئی میڈے بِچُوں داخل تھیسی اوہ نجات پاسی۔ اوہ اندر آسی تاں باہر ویسی، اتے چراگاہ پاسی‘‘۔ (یوحنا 9:10 )۔
کیہ دُوجے لوکی تُہاکوں ہمیشہ تلے لاونا چاہندے ہِن؟ کیا تُہاڈے تعلقات ڈونگے اتے خالی ہِن؟ کیہ انِج لگدا ہئے کے ہر کوئی تُہاڈے تُوں فائدہ چُکنا چاہندا ہئے ؟ جے کر اِنج ہئے تاں یسوع رستہ ہئے۔ یسوع آکھدا ہئے ، ’’اچھا چرواہا، میں ہاں۔ اچھا چرواہا اپنیاں بھیڈاں کیتے اپنی جان وی دیندا ہئے ۔اچھا چرواہا میں ہاں۔میں اپنیاں بھیڈاں کُوں سمجھدا ہاں اتے میڈیاں بھیڈاں میکوں سمجھدیاں ہِن‘‘ (یوحنا 11:10 ؛ 14)۔
کیہ تُساں حیران ہووندے ہو کیہ ایس زندگی تُوں بعد کیہہ ہوسی ؟ کیہ تُساں اجیہی زندگی گُزارن تُوں تھک گئے ہو جیہڑی صرف گلی سڑی تاں زنگ آلودہ ہئے ؟ کیہ تُساں کڈاہیں شک کریندے ہو کے زندگی دا کوئی مقصد ہئے یاں نئیں؟ کیہ تُساں مرن تُوں بعد وی زندہ رہنا چاہندے ہو؟ جی کر اِنج ہئے تاں یسوع رستہ ہئے ۔یسوع آکھدا ہئے ، ’’قیامت اتے زندگی میں ہاں ، جیہڑا کوئی میڈے اُتے ایمان لیاسی اوہ زندہ راہسی ، بھاویں اوہ مر ونجے؛ اتے جیہڑا زندہ راہسی اتے میڈے اُتے ایمان رکھسی اور کڈاہیں ناں مرسی‘‘ (یوحنا 11: 26-25 )
راہ کیہ ہئے؟ حق کیہ ہئے؟ زندگی کیہ ہئے؟ یسوع جواب ڈیندا ہئے ، ’’راہ، حق اتے زندگی میں ہاں۔ کوئی میڈے بغیر باپ تیکر ناہیں ونج سکدا‘‘ (یوحنا 6:14 )۔
بھُک جیہڑی تُساں محسوس کریندے ہو ، اوہ رُوحانی بھُک ہئے اتے اوس نُوں یسوع بھر سکدا ہئے ۔یسوع ہی واحد ہئے جیہڑا اندھیرے کُوں مُکا سکدا ہئے۔ یسوع ہی بھرپور زندگی دا رستہ ہئے ۔ یسوع دوست وی ہئے اتے چرواہا وی جیہندے تُہاکوں تلاش ہئے ۔ یسوع ہینہ دُنیا اتے اگلی بِچ وی زندگی ہئے ۔ یسوع ہی نجات دا رستہ ہئے۔
ایہہ وجہ کیہ تُساں بھُک محسوس کریندے ہو، ایہہ سبب کیہ تُساں اندھیرے بِچ گُم ہو، ایہہ سبب کیہ تُساں زندگی دا مطلب نئیں لبھ سکدے ، ایہہ ہئے کے تُساں خُدا کولُوں وکھ ہو۔ بائبل اساں کُوں ڈسیندی ہئے کیہ اساں سبھاں نیں گناہ کیتا ہئے اتے ہینہ پاروں خُدا کولُوں وکھ ہاں۔(واعظ 20:7 ؛ رومیوں 23:3 )۔ خلا جیہڑا تُساں اپنی زندگی بِچ محسوس کریندے ہو اوہ خُدا دا تُہاڈی زندگی بِچوں ناں ہوونا ہئے ۔اساں خُدا نال تعلق رکھن کیتے پیدا کیتے گئے ۔ اپنے گناہ پاروں ، اساں ایس تعلق تُوں وکھ ہاں ۔ ایہندے تُوں بدتر، اساڈے گناہ اساں کُوں ہمیشہ کیتے ایس زندگی بِچ اتے اگلی بِچ وی خُدا کولُوں وکھ ہوون دا سبب ہووندے ہِن۔(رومیوں 23:6 ؛ یوحنا 36:3 )۔
ایہہ مسئلہ کیویں حل تھی سکدا ہئے؟ یسوع رستہ ہئے۔ یسوع اساڈے گناہ اپنے اُتے گھن گھدے(دُوجا کرنتھیوں 21:5 )۔ یسوع اساڈی تھاں اُتے مویا (رومیوں 8:5 )، اوہ سزا لیندیاں ہوئیاں جیہندے اساں حقدار ہاوی۔ تریحہ دناں بعد، یسوع مُردیاں بِچوں جی اُٹھیا، گناہ اتے موت اُتے اپنی فتح ثابت کریندیاں ہویاں(رومیوں 6 : 5-4 )۔اوس ایہہ کیوں کیتا؟ یسوع خود ہینہ سوال دا جواب دیندا ہئے، ’’ہینہ تُوں ودھ محبت کوئی نئیں ہو سکدی کے کوئی اپنی جان اپنے دوستاں کیتے دے ویوے‘‘ (یوحنا 13:15 )۔ یسوع مویا تاں جے اساں زندہ رہ سکُوں۔جے کر اساں اپنا ایمان یسوع اُتے رکھیندے ہاں ، اوہندی موت اُتے اساڈے گناہواں دے کفارہ طور بھروسہ رکھیندے ہاں، اساڈے سارے گناہ معاف تھی ویسن اتے دھُل ویسن۔
اساں وت روحانی بھُک دی تشنگی پاسُوں۔روشنیاں تھی ویسن۔ اساں کُوں بھرپور زندگی تک رسائی ہوسی۔اساں اپنے بہترین سچے دوست اتے اچھے چرواہے کوں سمجھ گھن سُوں۔اساں جان گھن سُوں کے اساں مرن تُوں بعد زندگی پاسُوں، یسوع دے نال ہمیش کیتے آسمان اُتے قیامت دی زندگی۔
’’خدا نیں دُنیا نال اجیہی محبت رکھی کے اوس نیں اپنا اکلوتا بیتا بخش دتا تاں جے جیہڑا کوئی اوہندے اُتے ایمان لیاسی ، ہلاک ناں تھیسی بلکہ ہمیش دی زندگی پاسی‘‘ (یوحنا 16:3 )۔
کیہ تُساں جو کُجھ اتھاں پڑھیا ہئے اوہندے پاروں مسیح کیتے اپنا فیصلہ کر گھدا ہئے ؟ جی کر، ہاں ، تاں وت تلے دتے بٹن ’’میں مسیح کو اج قبول کریندا ہاں‘‘ کُوں کلک کرو۔
English
نجات دا منصوبہ / نجات دا رستہ کیہ ہئے؟