Suraq
Tórt rýxani zań degen ne?
Jaýap
Tórt rýxani zań - Isa Másixke sený arqyly qutqarylý ákeletin Izgi xabardy adamdarǵa jetkizý quraly. Yaǵni osy tórt zań Injildegi mańyzdy málimetti tórt bólimge qorytyndylaýdyń qarapaiym ádisi.
Tórt rýxani zańnyń birinshisin myna sóilemmen qorytyndylaýǵa bolady: «Qudai sizdi súiedi jáne Onyń sizdiń ómirińizge arnaǵan keremet jospary bar». Joxan jazǵan Izgi xabardyń 3:16 ayatynda bylai aitylǵan: «Óitkeni Qudai adamzatty sondai qatty súigendikten, Óziniń jalǵyz rýxani Ulyn qurbandyqqa berdi. Endi Oǵan senýshi árkim jany tozaqqa túspei, máńgilik ómirge ie bolady». Joxan jazǵan Izgi xabardyń 10:10 ayatynda Isanyń osy álemge qandai maqsatpen kelgeni jaiynda aitylǵan: «...Men adamdar shynaiy ómirge ie bolsyn jáne ómiri rýxani igilikke toly aǵyl-tegil mol bolsyn dep keldim». Bizdi Qudaidyń súiispenshiliginen ne aiyrady? Ómirimizdiń rýxani igilikke toly ári mol bolýyna ne kedergi bolyp tur?
Ekinshi rýxani zańdy myna sóilemmen qoryntylaýǵa bolady: «Adamzat kúnámen lastanǵandyqtan Qudaidan ajyrap qalǵan. Osynyń saldaryna bailanysty biz Qudaidyń óz ómirimizge degen josparyn bile almaimyz». Rimdikterge arnalǵan xattyń 3:23 ayaty osyny quptaidy: «...bári de kúná jasap, Qudaidyń ózderine belgilegen ulylyǵynan qur alaqan qaldy». Al Rimdikterge arnalǵan xattyń 6:23 ayatynda kúnányń zardaby jaily: «Kúnányń beretini – (máńgilik) ólim» dep aitylǵan. Qudai bizdi Onymen qarym-qatynasta bolýymyz úshin jaratty. Alaida adamzat kúnányń kesirinen Qudaidan bólindi, yaǵni biz Qudaidyń ózimizge syi retinde bermek qarym-qatynasyn buzdyq. Bul máseleni qalai sheshýge bolady?
Úshinshi rýxani zań mynandai: «Qudai bizdiń kúnámyzdyń qunyn jalǵyz Isa Másix arqyly ǵana ótei alady. Demek Isa Másix arqyly bizdiń kúnálarymyz keshirilip, Qudaimen qarym-qatynasymyz durystalady». Rimdikterge arnalǵan xattyń 5:8 ayatynda bylai jazylǵan: «Degenmen, áli de kúnákar bolyp júrgen kezimizde biz úshin Másix ómirin qurban etti! Osy arqyly Qudai bizge Óziniń zor súiispenshiligin dáleldedi». Qorynttyqtarǵa arnalǵan 1-xattyń 15:3-4 ayattary bizdiń qutqarylý úshin neni bilip, nege senýimiz kerek ekenin aitady: «... Kieli jazbalarda aldyn ala aitylǵandai, Másix bizdiń kúnálarymyzdyń qunyn óteý úshin janyn qidy. Osy jazbalardyń taǵy aldyn ala aityp ketkenindei, Másix qabirge qoiylyp, úshinshi kúni qaita tirildi». Joxan jazǵan Izgi xabardyń 14:6 ayatynda Isa Óziniń qutqarylýǵa aparatyn jalǵyz jol ekenin jariyalaidy: «Jol, shyndyq jáne shynaiy ómir Menmin. Men arqyly bolmasa, eshkim de Ákege bara almaidy». Men osy tamasha qutqarylý syiyn qalai ala alamyn?
Tórtinshi rýxani zań mynandai: «Qutqarylý syiyn alyp, Qudaidyń bizdiń ómirimizge degen keremet josparyn túsiný úshin biz Isa Másixti Qutqarýshy dep qabyldap, barlyq senimimizdi Oǵan artýymyz kerek». Joxan jazǵan Izgi xabardyń 1:12 ayatynda osy jaǵdai jaily mynandai túsindirme beriledi: «Biraq Ony qabyldap, Oǵan senim artqandardyń bárin Ol Qudaidyń rýxani balalary bolýǵa quqyqty etti». Elshilerdiń isteri kitabynyń 16:31 ayatynda mynandai aiqyn úndeý bar: «Iemiz Isa Másixke sen, sonda óziń de, úi ishiń de qutqarylasyńdar!» Biz Qudaidyń raqymymen ǵana jáne Isa Másixke sený arqyly ǵana qutqaryla alamyz (Efes. xat 2:8-9).
Eger siz Isa Másixti ózińizdiń Qutqarýshyńyz dep qabyldap Oǵan sengińiz kelse tómende kórsetilgendei minajat etińiz. Alaida esińizde bolsyn: sizdi osy minajat emes, Isa Másixke degen senimińiz qutqarady. Al minajat etý arqyly siz ózińizdiń Qudaiǵa senetinińizdi jáne sizdi qutqarǵany úshin Oǵan riza ekenińizdi bildiresiz. «Qudaiym! Men Seniń aldynda kúná jasaǵanymdy moiyndaimyn jáne jazalanýǵa tiisti ekenimdi bilemin. Biraq Isa Másix meniń Oǵan artqan senimim arqyly keshirilýim úshin meniń tartatyn jazamdy Óz moinyna aldy. Men óz kúnálarymdy moiyndaimyn jáne meniń qutqarylý jolym jalǵyz Sen ǵana ekenine senemin. Seniń maǵan tókken raqymyńa jáne birgen keshirimińe raxmet! Aýmin!»
Siz osy jerde aitylǵandy oqyǵannan keiin Másixti qabyldaý jaiynda sheshim jasadyńyz ba? Eger «iá» deseńiz, onda, «Men búgin Másixti qabyldadym» degen túimeni basyńyz.
English
Tórt rýxani zań degen ne?