Suraq
Kieli kitapta basqa ulttyń nemese násildiń ókilderimen neke qurý jaily ne aitylǵan?
Jaýap
Kóne kelisimniń zańy boiynsha israildikterge basqa ulttyń adamdarymen neke qurýǵa bolmaityn (Zań. qaitalaý 7:3-4), óitkeni olar osylai istegen jaǵdaida basqa ulttyń adamdary israildikterdi Jaratqan Ieden bas tartqyzyp, bóten táńirlerge qulshylyq etkizetin edi. Jańa kelisimde osyǵan uqsas ereje bar, alaida ol basqa deńgeide beriledi: «Senbeitindermen qoyan-qoltyq birge júrip, jaman nietterine ortaqtaspańdar! Sebebi ádildik pen zańsyzdyq arasynda ortaq ne bar? Yaki jaryq pen túnek qalai tyǵyz bailanysta turmaq?» (Qorynt. 2-xat 6:14). Israildikterge (demek jalǵyz shynaiy Qudaiǵa sengen xalyqqa) Qudaiǵa senbegen xalyqtardyń adamdarymen neke qurýǵa tyiym salynǵan. Dál solai másixshilerge de (demek jalǵyz shynaiy Qudaiǵa sengen xalyqqa) senbeýshilermen neke qurýǵa tyiym salynady. Endi basyndaǵy suraqty basqasha qoyaiyq: «Kieli kitap basqa ulttyń nemese násildiń ókilderimen neke qurýǵa tyiym salady ma?» Joq, Kieli kitap osyǵan eshqandai qarsylyq bildirmeidi.
Adam balasy óziniń terisiniń túsine bola emes, minezi men júris-turysyna bola jaýapqa tartylatyn bolady. Biz basqa adamdardy ultyna nemese násiline bola kemsitpeýimiz kerek (Jaqyp. xaty 2:1-10; 1 men 9 ayattarǵa erekshe nazar aýdaryńyzdar). Senýshi adam ózine jubai izdegen kezde onyń basty talaby mynandai bolýy tiis: onyń bolashaq ómir serigi Isa Másixke senim artqan (Qorynt. 2-xat 6:14) jáne osy senim arqyly jańadan týylǵan adam bolý kerek (Joxan 3:3-5). Sondyqtan Kieli kitaptyń jubaidy tańdaý jaily qoyatyn talaby - teristiń túsi emes, Másixke sený bolyp tabylady. Ózge ulttan shyqqan adammen nekelesý «mynaý durys, mynaý burys adam» degen paiymdaý arqyly emes, Qudaidan kelgen danalyq pen uzaq minajat arqyly jasalatyn sheshim.
Bir adam ózge ulttan shyqqan adammen nekelesý jaily sheshimdi qabyldaǵan kezde keibir adamdar osy jaǵdaidy jaqtyrmaýy múmkin. Osyndai sheshimdi qabyldar aldynda muqiyat oilanýdyń jalǵyz sebebi osy. Mundai erli-zaiyptylar jii kemsitý men mazaqqa tap bolady. Keide tipti óz otbasylary da olarǵa qysymshylyq kórsetýi múmkin. Keibir erli-zaiyptylardyń balalary «ár túrli tústi» bolyp týylǵandyqtan óz ata anasynan nemese aǵaiyndarynan erekshelenedi. Olar osyǵan uyalyp, yńǵaisyzdanýy múmkin. Erli-zaiyptylardyń násili ár túrli bolsa, olar osyndai jaǵdaiǵa daiyn bolý kerek. Alaida Kieli kitaptyń qoiǵan erejesi (jáne shekteýi) esh ózgermeidi: másixshiniń jubaiy másixshi bolý kerek.
English
Kieli kitapta basqa ulttyń nemese násildiń ókilderimen neke qurý jaily ne aitylǵan?