Avètz la vida etèrna?




Question: Avètz la vida etèrna?

Responsa:
La Bíblia presenta un camin clar cap a la vida etèrna. Bèl primièr, nos cal reconéisser qu’avèm pecat contra Dieu: "ja que totes avián pecat e vivián privats de la glòria de Dieu" (Romans 3:23). Avèm fach totes de causas que son desagradivas per Dieu, que fan que nos meritam lo puniment. Ja que totes nòstres pecats van en darrièr luòc contra un Dieu etèrn, sonque una punicion etèrna pòt èsser sufisenta. "Lo pagament del pecat es la mòrt, pr’aquò lo don que Dieu nos fa amb Jèsus Crist, Sénher, es la vida etèrna" (Romans 6:23).

Pr’aquò, Jèsus Crist, sens pecar (1 Pèire 2:22), Filh de Dieu etèrn venguèt òme (Joan 1:1,14) e moriguèt pr’amor de pagar nòstra pena. "Dieu demòstra lo Sieu amor per nosautres dins aquesta accion: mentre qu’èrem encara de pecaires, lo Crist moriguèt per nosautres" (Romans 5:8). Jèsus moriguèt sus la crotz (Joan 19:31-42), en recebre lo castig que meritàvem (2 Corintians 5:21). Tres jorns mai tard S’auborèt de la mòrt (1 Corintians 15:1-4), en demostrar la Siá victòria sul pecat e la mòrt. "Benesit siá lo Dieu e Paire de nòstre Sénher Jèsus, que per encausa de son grand amor nos a engendrat tornarmai gràcias a la resurreccion de Jèsus Crist d'entre los mòrts" (1 Pèire 1:3).

Per la fe, nos cal liberar dels pecats nòstres e recórrer al Crist per nòstre salut (Faches 3:19). Se metèm nòstra fe en El, en far fisança a Sa mòrt sus la crotz per pagar nòstres pecats, serem perdonats e nos serà promesa la vida etèrna dins lo cèl. "Dieu aimèt lo mond tant que donèt son Filh unic per tal que se pèrda pas cap d’aqueles que creson en el, mas qu’obtengan la vida etèrna" (Joan 3:16). "Se confessatz amb la boca, 'Jèsus es nòstre Sénher', e cresètz de tot còr que Dieu lo faguèt levar d’entre los mòrts, vos salvaretz" (Romans 10:9). Sonque la fe dins l'òbra acabada del Crist sus la crotz es lo sol camin vertadièr cap a la vida etèrna! "Es per la gràcia que sètz estat salvats gràcias a la fe! E ven pas de vosautres aquò: es un don de Dieu. 9 Es pas fruch de las òbras, perquè degun se ne pòsca pas ufanar" (Efesis 2:8-9).

Se volètz acceptar Jèsus coma vòstre Salvaire, aquí n’avètz una preguièra en mòstra. Vos cal pas desmembrar que dire aquesta preguièra o quina autra que siá vos salvarà pas. Sonque podètz obtenir lo perdon de vòstres pecats en far fisança al Crist. Aquesta preguièra sonque es un biais d’exprimir a Dieu vòstra fe en El e de lo mercejar per obtenir vòstre salut. "Dieu, sabi qu’ai pecat contra Vos e que meriti d’èsser castigat. Mas Jèsus a recebut lo puniment que meriti, e doncas a travèrs la fe en El pòdi èsser perdonat. Me liberi de mon pecat e laissi ma confiança en Vos per mon salut. Mercés per Vòstra meravilhosa gràcia e perdon – lo don de la vida etèrna! Amén!"

Avètz pres una decision pel Crist per encausa de çò qu’avètz legit aquí? S’es estat aital, per plaser, clicatz sul boton "Uèi ai acceptat lo Crist" enjós.



Tornar a la pagina de debuta de l’occitan



Avètz la vida etèrna?