ଖ୍ରୀଷ୍ଟିୟାନମାନେ ପୁରାତନ ନିୟମର ନିୟମସକଳକୁ ପାଳନ କରିବା ଆବଶ୍ୟକ ଅଟେ କି?



ପ୍ରଶ୍ନ: ଖ୍ରୀଷ୍ଟିୟାନମାନେ ପୁରାତନ ନିୟମର ନିୟମସକଳକୁ ପାଳନ କରିବା ଆବଶ୍ୟକ ଅଟେ କି?

ଉତ୍ତର:
ଏହି ବିଷୟ ବୁଝିବାର ଚାବିକାଠି ହେଉଛି ଯେ ପୁରାତନ ନିୟମରେ ଥିବା ନିୟମସକଳ ଖ୍ରୀଷ୍ଟିୟାନମାନଙ୍କୁ ଦିଆ ନ ଯାଇ ଇଶ୍ରାୟେଲଜାତିଙ୍କୁ ଦିଆଯାଇଥିଲା | କେତେକ ନିୟମ କିପରି ଈଶ୍ବରଙ୍କର ଆଜ୍ଞାବହ ହେବା ଓ ତାଙ୍କୁ ସନ୍ତୋଷ କରିବା (ଉଦାହରଣ ସ୍ବରୂପ ଦଶଆଜ୍ଞା) ତାହା ସେମାନଙ୍କୁ ପ୍ରକାଶ କରିବା | କେତୋଟି ନିୟମ ଏଇଥିପାଇଁ ଦତ୍ତ ହୋଇଥିଲା ଯେପରିକି ଇଶ୍ରାୟେଲୀୟମାନେ କିପରି ଈଶ୍ବରଙ୍କ ଉପାସନା କରିବା ଓ ପାପର ପ୍ରାୟଶ୍ଚିତ କରିବା (ବଳିଦାନ ପ୍ରଥା) | କେତେକ ନିୟମ ସେମାନଙ୍କୁ ଏଇଥିପାଇଁ ଦତ୍ତ ହୋଇଥିଲା ଯେପରିକି ସେମାନଙ୍କୁ ଅନ୍ୟ ଦେଶଗୁଡିକ ଠାରୁ ସ୍ବତନ୍ତ୍ର କରିବା (ଖାଦ୍ୟ ଓ ପାନୀୟ ନୀତିନିୟମ ସକଳ) | ପୁରାତନ ନିୟମରେ ଥିବା କୌଣସି ନିୟମ ଆଜି ଆମ୍ଭମାନଙ୍କ ନିମନ୍ତେ ପ୍ରଯୁଜ୍ୟ ନୁହେଁ | ଯୀଶୁ ଯେତେବେଳେ କ୍ରୁଶ ଉପରେ ମୃତ୍ୟୁଭୋଗ କଲେ, ସେ ପୁରାତନ ନିୟମସକଳ ଗୁଡିକର ପୂର୍ଣ୍ଣଚ୍ଛେଦ ଆଣିଲେ (ରୋମୀୟ ୧୦:୪; ଗାଲାତୀୟ ୩:୨୩-୨୫; ଏଫିସୀୟ ୨:୧୫) |

ପୁରାତନ ନିୟମରେ ଥିବା ବ୍ୟବସ୍ଥା (ନିୟମ) ପରିବର୍ତ୍ତେ, ଆମେ ଖ୍ରୀଷ୍ଟଙ୍କ ନିୟମରେ ବାସ କରୁଛୁ (ଗାଲାତୀୟ ୬:୨), ଯାହାକି "ତୁମ୍ଭେ ଆପଣାର ସମସ୍ତ ଅନ୍ତଃକରଣ, ସମସ୍ତ ପ୍ରାଣ ଓ ସମସ୍ତ ମନ ଦେଇ ପ୍ରଭୁ ଆପଣା ଈଶ୍ବରଙ୍କୁ ପ୍ରେମ କର...... ଆପଣା ପ୍ରତିବାସୀକି ଆତ୍ମତୁଲ୍ୟ ପ୍ରେମ କର" (ମାଥିଉ ୨୨:୩୭-୩୯) | ଯଦି ଆମେ ଏହି ସମସ୍ତ ଆଜ୍ଞା ସକଳ ପାଳନ କରୁ, ତେବେ ଖ୍ରୀଷ୍ଟ ଆମ୍ଭମାନଙ୍କଠାରୁ ଯେଉଁ ସମସ୍ତ ଆବଶ୍ୟକ କରନ୍ତି ଆମେ ସେହି ସମସ୍ତ ପରିପୂରଣ କରିପାରୁଥିବା: "ଏହି ଦୁଇ ଆଜ୍ଞା ଉପରେ ସମସ୍ତ ବ୍ୟବସ୍ଥା ଓ ଭାବବାଦୀମାନଙ୍କର ଧର୍ମଶାସ୍ତ୍ର ନିର୍ଭର କରେ" (ମାଥିଉ ୨୨:୪୦) | ବର୍ତ୍ତମାନ, ଏହା ବୁଝାଏ ନାହିଁ ଯେ ଆଜି ପୁରାତନ ନିୟମରେ ଥିବା ବ୍ୟବସ୍ଥା ଅସଙ୍ଗତ ଅଟେ | ପୁରାତନ ନିୟମରେ ଥିବା ଅନେକ ଆଜ୍ଞା (ନିୟମ) "ଈଶ୍ବରଙ୍କ ପ୍ରେମ କରିବା" ଓ "ପ୍ରତିବାସୀଙ୍କୁ ପ୍ରେମ କରିବା" ଭାଗରେ ପଡେ |

ଈଶ୍ବରଙ୍କୁ କିପରି ପ୍ରେମ କରିବାକୁ ପଡିବ ଓ ଆପଣଙ୍କ ପ୍ରତିବାସୀଙ୍କୁ ପ୍ରେମ କରିବା ଜାଣିବାର ପଥ ପ୍ରଦର୍ଶନ ସ୍ତମ୍ଭ ଭାବେ ପୁରାତନ ନିୟମକୁ ନିଆଯାଇପାରେ | ଠିକ୍ ସେହି ଏକା ସମୟରେ, ପୁରାତନ ନିୟମ ଯେ ଆଜିକା ଖ୍ରୀଷ୍ଟିୟାନମାନଙ୍କ ନିମନ୍ତେ ପ୍ରଯୁଜ୍ୟ ତାହା କହିବା ମଧ୍ୟ ଠିକ୍ ନୁହେଁ | ପୁରାତନ ନିୟମରେ ଥିବା ବ୍ୟବସ୍ଥା ହେଉଛି ଏକ ଏକକ (ଯାକୁବ ୨:୧୦) | ହୁଏତ ଏଥିର ସମସ୍ତ ଲାଗୁ ହୁଏ କିମ୍ବା ଏଥିରୁ କୌଣସିଟି ବି ଲାଗୁ ହୁଏନାହିଁ | ଯଦି ଖ୍ରୀଷ୍ଟ ଏଥିମଧ୍ୟରୁ କେତୋଟିକୁ ସଫଳ କଲେ, ଯେପରିକି ବଳିଦାନ ପ୍ରଥା, ତେବେ ସେ ଏଥିର ସମସ୍ତକୁ ସଫଳ କଲେ |

"କାରଣ ଈଶ୍ବରଙ୍କୁ ପ୍ରେମ କରିବାର ଅର୍ଥ ତାହାଙ୍କ ଆଜ୍ଞା ପାଳନ କରିବା, ଆଉ ତାହାଙ୍କ ଆଜ୍ଞା ସବୁ ଭାରସ୍ବରୂପ ନୁହେଁ" (୧ଯୋହନ ୫:୩) | ଦଶଆଜ୍ଞା ମୂଳତଃ ପୁରାତନ ନିୟମରେ ଥିବା ସମଗ୍ର ଆଜ୍ଞାର ଏକ ସାରାଂଶ | ପୁରାତନ ନିୟମରେ ଥିବା ଦଶଆଜ୍ଞା ମଧ୍ୟରୁ ନ' ଟି ନୂତନ ନିୟମରେ ବାରମ୍ବାର ଉଲ୍ଲିଖିତ ହୋଇଛି (ବିଶ୍ରାମବାର ପାଳନ କରିବାର ଆଜ୍ଞା ବ୍ୟତୀତ) | ସ୍ବଷ୍ଟ ଭାବେ, ଯଦି ଆମେ ଈଶ୍ବରଙ୍କୁ ପ୍ରେମ କରୁ, ଆମେ ମିଥ୍ୟା ଈଶ୍ବରଗଣଙ୍କୁ ପୂଜା କରିବା ନାହିଁ କିମ୍ବା ପ୍ରତିମାକୁ ପ୍ରଣାମ କରିବା ନାହିଁ | ଯଦି ଆମେ ଆମ ପ୍ରତିବାସୀଙ୍କୁ ପ୍ରେମ କରୁଛୁ, ଆମେ ସେମାନଙ୍କୁ ହତ୍ୟା କରିବା ନାହିଁ, ସେମାନଙ୍କୁ ମିଥ୍ୟା କହିବା ନାହିଁ, ସେମାନଙ୍କ ବିରୁଦ୍ଧରେ ବ୍ୟଭିଚାର କରିବା ନାହିଁ କିମ୍ବା ସେମାନଙ୍କ ସ୍ବତ୍ତ୍ବରେ ଥିବା କୌଣସି ବସ୍ତୁକୁ ଲୋଭ କରିବା ନାହିଁ | ପୁରାତନ ନିୟମରେ ଥିବା ନିୟମ ସକଳର ଉଦ୍ଦେଶ୍ୟ ହେଉଛି ଆଜ୍ଞା ପାଳନ କରିବାରେ ଆମର ଅସାମର୍ଥ୍ୟତା ବିଷୟରେ ଲୋକମାନଙ୍କୁ ହୃତ୍ ବୋଧ କରାଇବା ଏବଂ ଯୀଶୁଖ୍ରୀଷ୍ଟଙ୍କୁ ଆମର ଉଦ୍ଧାରକର୍ତ୍ତା ଭାବେ ଗ୍ରହଣ କରିବାର ଆବଶ୍ୟକତା ବିଷୟରେ ଆମକୁ ନିର୍ଦ୍ଦେଶ କରାଇବା (ରୋମୀୟ ୭:୭-୯; ଗାଲାତୀୟ ୩:୨୪) | ପୁରାତନ ନିୟମରେ ଉଲ୍ଲିଖିତ ନିୟମ ସକଳ ସବୁ ଲୋକଙ୍କ ନିମନ୍ତେ ଓ ସବୁ ସମୟର ଲୋକଙ୍କ ନିମନ୍ତେ ଈଶ୍ବରଙ୍କ ଦ୍ବାରା ଏକ ସର୍ବ ଜଗତ ନିୟମ ନ ଥିଲା | ଆମେ ଈଶ୍ବରଙ୍କୁ ଓ ଆମର ପ୍ରତିବାସୀଙ୍କୁ ପ୍ରେମ କରିବାକୁ ଅଛି | ଯଦି ଆମେ ଏହି ଦୁଇଗୋଟି ଆଜ୍ଞାକୁ ବିଶ୍ବସ୍ତ ସହକାରେ ପାଳନ କରୁ, ତେବେ ଆମ ବିଷୟରେ ଈଶ୍ବର ଯାହା ଆବଶ୍ୟକ କରନ୍ତି ସେସମସ୍ତକୁ ଆମେ ସମର୍ଥନ କରୁଥିବା |



ଓଡିଆ ହୋମ୍ ପେଜକୁ ପ୍ରତ୍ୟାବର୍ତ୍ତନ କରନ୍ତୁ



ଖ୍ରୀଷ୍ଟିୟାନମାନେ ପୁରାତନ ନିୟମର ନିୟମସକଳକୁ ପାଳନ କରିବା ଆବଶ୍ୟକ ଅଟେ କି?