ଅନନ୍ତଜୀବନପ୍ରାପ୍ତ ହେଲେ କି?


ପ୍ରଶ୍ନ: ଅନନ୍ତଜୀବନପ୍ରାପ୍ତ ହେଲେ କି?

ଉତ୍ତର:
ଅନନ୍ତଜୀବନ ପାଇବା ପାଇଁ ବାଇବଲ ଏକ ସ୍ପଷ୍ଟ ପଥ ଉପସ୍ଥାପନା କରେ । ପ୍ରଥମତଃ, ଆମକୁ ସ୍ବୀକାର କରିବାକୁ ପଡ଼ିବ ଯେ, ଆମେ ଈଶ୍ବରଙ୍କ ବିରୁଦ୍ଧରେ ପାପ କରିଅଛୁ: “ସମସ୍ତେ ତ ପାପ କରିଅଛନ୍ତି, ପୁଣି ଈଶ୍ବରଙ୍କ ଗୌରଵରହିତ ହୋଇଅଛନ୍ତି” (ରୋମୀୟ ୩:୨୩) । ଆମେ ସମସ୍ତେ ଈଶ୍ବରଙ୍କ ଅସନ୍ତୋଷ ବିଷୟ କରିଅଛୁ, ଯାହା କି ଆମକୁ ଦଣ୍ଡବିଧାନ କରେ । କାରଣ ଆମ ସମସ୍ତଙ୍କ ପାପ, ଅନନ୍ତକାଳୀନ ଈଶ୍ବରଙ୍କ ବିରୁଦ୍ଧରେ ଅଟେ, ତେଣୁ, ଆମ ଦଣ୍ଡ ମଧ୍ୟ ଅନନ୍ତକାଳୀନ ଅଟେ । “କାରଣ ପାପର ବେତନ ମୃତ୍ୟୁ” (ରୋମୀୟ ୬:୨୩) ।

କିନ୍ତୁ, ଯୀଶୁ ଖ୍ରୀଷ୍ଟ ଯିଏ ପାପଶୂନ୍ୟ (୧ ପିତର ୨:୨୨), ଅନନ୍ତକାଳୀନ ଈଶ୍ବରଙ୍କ ପୁତ୍ର ଅଟନ୍ତି, ସେ ମନୁଷ୍ୟ ହେଲେ (ଯୋହନ ୧:୧,୧୪) ଏବଂ ଆମ ପାପର ମୂଲ୍ୟ ପରିଶୋଧ ପାଇଁ ମୃତ୍ୟୁଭୋଗ କଲେ । “କିନ୍ତୁ ଆମ୍ଭେମାନେ ପାପୀ ଥିବା ସମୟରେ ସୁଦ୍ଧା ଖ୍ରୀଷ୍ଟ ଯେ ଆମ୍ଭମାନଙ୍କ ନିମନ୍ତେ ମୃତ୍ୟୁଭୋଗ କଲେ, ସେଥିରେ ଈଶ୍ବର ଆମ୍ଭମାନଙ୍କ ପ୍ରତି ଆପଣା ପ୍ରେମ ସପ୍ରମାଣ କରୁଅଛନ୍ତି” (ରୋମୀୟ ୫:୮) । ଆମ ପାପର ଦଣ୍ଡକୁ ନିଜ ଉପରେ ନେଇ (୨ କରିନ୍ଥୀୟ ୫:୨୧), ସେ କ୍ରୁଶରେ ହତ ହେଲେ (ଯୋହନ ୧୯:୩୧-୪୨) । ପାପ ଓ ମୃତ୍ୟୁ ଉପରେ ବିଜୟ ହାସଲର ପ୍ରମାଣ ଦେଇ, ତିନି ଦିନ ଉତ୍ତାରେ ସେ ପୁନର୍ଜୀବିତ ହେଲେ (୧ ପିତର ୧:୩) ।

ଖ୍ରୀଷ୍ଟଙ୍କ ବିଷୟରେ ଯଥା- ସେ କିଏ, ସେ କଅଣ କଲେ, ଏବଂ କାହିଁକି କଲେ, ଆମ ପରିତ୍ରାଣ ନିମନ୍ତେ ଆମର ମନକୁ ବିଶ୍ବାସ ଦ୍ବାରା ଖ୍ରୀଷ୍ଟଙ୍କ ବିଷୟରେ ପରିବର୍ତ୍ତନ କରିବାକୁ ହେବ (ପ୍ରେରିତ ୩:୧୯) । ଯଦି ଆମେ ତାହାଙ୍କ ଠାରେ ବିଶ୍ବାସ ରଖୁ, ଆମ ପାପର ମୁଲ୍ୟକୁ ପରିଶୋଧ କରିବା ପାଇଁ ତାହାଙ୍କ କ୍ରୁଶୀୟ ମୃତ୍ୟୁକୁ ବିଶ୍ବାସ କରି, ତେବେ ଆମ ପାପ କ୍ଷମା କରାଯିବ ଓ ଆମେ ସ୍ବର୍ଗରେ ଅନନ୍ତଜୀବନର ପ୍ରତିଜ୍ଞା ପ୍ରାପ୍ତ ହେବା । “କାରଣ ଈଶ୍ବର ଜଗତକୁ ଏଡେ ପ୍ରେମ କଲେ ଯେ ସେ ଆପଣା ଏକମାତ୍ର ପୁତ୍ରଙ୍କୁ ଦାନ କଲେ, ଯେ କେହି ତାହାଙ୍କଠାରେ ବିଶ୍ବାସ କରେ, ସେ ବିନଷ୍ଟ ନ ହୋଇ ଅନନ୍ତ ଜୀବନ ପ୍ରାପ୍ତ ହୁଏ” (ଯୋହନ ୩:୧୬) । “ଯେଣୁ ଯଦି ତୁମେ ମୁଖରେ ଯୀଶୁଙ୍କୁ ପ୍ରଭୁ ବୋଲି ସ୍ବୀକାର କରିବା, ଆଉ ଈଶ୍ବର ତାହାଙ୍କୁ ମୃତମାନଙ୍କ ମଧ୍ୟରୁ ଉଠାଇଅଛନ୍ତି ବୋଲି ହୃଦୟରେ ବିଶ୍ବାସ କରିଵ, ତେବେ ପରିତ୍ରାଣ ପାଇବ” (ରୋମୀୟ ୧୦:୯) । କ୍ରୁଶ ଉପରେ ଖ୍ରୀଷ୍ଟ ସମାପ୍ତ କରିଥିବା କାର୍ଯ୍ୟ ଉପରେ ବିଶ୍ବାସ କରିବା ହିଁ ଅନନ୍ତଜୀବନର ସତ୍ୟ ପଥ ଅଟେ ! “କାରଣ ଅନୁଗ୍ରହରେ ବିଶ୍ବାସ ଦ୍ବାରା ତୁମ୍ଭେମାନେ ପରିତ୍ରାଣ ପାଇଅଛ; ତାହା ତୁମ୍ଭମାନଙ୍କ ନିଜଠାରୁ ହୋଇ ନାହିଁ, ତାହା ଈଶ୍ବରଙ୍କ ଦାନ” (ଏଫିସୀୟ ୨:୮,୯) ।

ଯଦି ତୁମେ ଯୀଶୁ ଖ୍ରୀଷ୍ଟଙ୍କୁ ଉଦ୍ଧାରକର୍ତ୍ତା ରୂପେ ବିଶ୍ବାସ କରିବାକୁ ଚାହଁ, ତେବେ ନିମ୍ନରେ ଏକ ସରଳ ପ୍ରାର୍ଥନା ଦିଆଯାଇଛି । ମନେ ରଖନ୍ତୁ, ଏହି ପ୍ରାର୍ଥନା କରିବା ଦ୍ବାରା ଅବା ଏହି ପରି ଅନ୍ୟ କୌଣସି ପ୍ରାର୍ଥନା ତୁମକୁ ଉଦ୍ଦାର ଦେଇପାରିବ ନାହିଁ କିନ୍ତୁ କେବଳ ଖ୍ରୀଷ୍ଟଙ୍କ ଠାରେ ବିଶ୍ବାସ କଲେ ତୁମେ ପାପରୁ ଉଦ୍ଧାର ପାଇପାରିବ । ଏହି ପ୍ରାର୍ଥନାର ଉଦ୍ଦେଶ୍ୟ ହେଉଛି, ତୁମେ ଏହା ଦ୍ବାରା ଈଶ୍ବର ଠାରେ ତୁମର ବିଶ୍ବାସକୁ ପ୍ରକାଶ କରି ପାରିବ ଓ ତୁମର ପରିତ୍ରାଣ ନିମନ୍ତେ ଈଶ୍ବର ଯାହା ସାଧନ କରିଅଛନ୍ତି ସେଥି ସକାଶେ ତାହାଙ୍କୁ ଧନ୍ୟବାଦ ଦେଇ ପାରିବ । ପ୍ରାର୍ଥନା - “ହେ ଈଶ୍ବର, ମୁଁ ଜାଣେ ଯେ ମୁଁ ତୁମ ବିରୁଦ୍ଧରେ ପାପ କରିଅଛି ଏବଂ ମୁଁ ଦଣ୍ଡ ପାଇବା ପାଇଁ ଯୋଗ୍ୟ । କିନ୍ତୁ ମୁଁ ବିଶ୍ବାସ କରେ ଯେ ପ୍ରଭୁ ଯୀଶୁ ଖ୍ରୀଷ୍ଟ ମୋର ପାପର ଦଣ୍ଡକୁ କୃଶରେ ଭୋଗ କରି ଅଛନ୍ତି । ତାହାଙ୍କ ଠାରେ ବିଶ୍ବାସ କରିବା ଦ୍ବାରା ମୋର ପାପକ୍ଷମା ହୋଇପାରିବ । ପରିତ୍ରାଣ ପାଇବା ପାଇଁ ମୁଁ ତୁମ ଠାରେ ବିଶ୍ବାସ କରୁଅଛି । ତୁମର ମହା ଅନୁଗ୍ରହ, କ୍ଷମା ଓ ଅନନ୍ତ ଜୀବନ ପାଇଁ ମୁଁ ତୁମକୁ ଧନ୍ୟବାଦ ଦେଉଅଛି” ଆମେନ୍ ।

ଆପଣ ଏଠାରେ ଯାହା ପଢିଲେ, ସେଥି ସକାଶେ ଆପଣ ଖ୍ରୀଷ୍ଟଙ୍କୁ ଅନୁଗମନ କରିବାର ନିଷ୍ପତି ନେଇଅଛନ୍ତି କି? ଯଦି “ହଁ”, ତେବେ “ଆଜି ମୁଁ ଖ୍ରୀଷ୍ଟଙ୍କୁ ଗ୍ରହଣ କରିଅଛି” ବଟନ୍ ରେ କ୍ଲିକ୍ କରନ୍ତୁ ।



ଓଡିଆ ପେଜ୍ କୁ ପ୍ରତ୍ୟାବର୍ତ୍ତନ କରନ୍ତୁ



ଅନନ୍ତଜୀବନପ୍ରାପ୍ତ ହେଲେ କି?