ପରିତ୍ରାଣ ନିମନ୍ତେ ରୋମୀୟ ପଥ କ'ଣ ଅଟେ?



ପ୍ରଶ୍ନ: ପରିତ୍ରାଣ ନିମନ୍ତେ ରୋମୀୟ ପଥ କ'ଣ ଅଟେ?

ଉତ୍ତର:
ପରିତ୍ରାଣ ନିମନ୍ତେ ରୋମୀୟ ପଥ ହେଉଛି ରୋମୀୟ ପୁସ୍ତକରୁ ପଦଗୁଡିକ ବ୍ୟବହାର କରି ପରିତ୍ରାଣର ଶୁଭ ସମ୍ବାଦକୁ ବୁଝାଇବାର ଏକ ପଦ୍ଧତି | ଆମେ କାହିଁକି ପରିତ୍ରାଣର ଆବଶ୍ୟକ କରୁ, ଈଶ୍ଵର କିପରି ପରିତ୍ରାଣ ପ୍ରଦାନ କରିଛନ୍ତି, ଆମେ କିପରି ପରିତ୍ରାଣ ପାଇବା ଏବଂ ପରିତ୍ରାଣର ଫଳାଫଳଗୁଡିକ କ'ଣ ଅଟେ ତାହା ବୁଝାଇବାର ଏହା ଏକ ସରଳ କିନ୍ତୁ ଶକ୍ତିଶାଳୀ ପଦ୍ଧତି |

ପରିତ୍ରାଣ ନିମନ୍ତେ ରୋମୀୟ ପଥର ପ୍ରଥମ ପଦ ହେଉଛି ରୋମୀୟ ୩:୨୩, "ସମସ୍ତେ ତ ପାପ କରିଅଛନ୍ତି ଓ ଈଶ୍ଵରଙ୍କ ଗୌରବରହିତ ହୋଇଅଛନ୍ତି;" ଆମେ ସମସ୍ତେ ପାପ କରିଅଛୁ | ଆମେ ଈଶ୍ଵରଙ୍କୁ ଅସନ୍ତୁଷ୍ଟ କଲାପରି ସମସ୍ତ କାର୍ଯ୍ୟ କରିଅଛୁ | କୌଣସି ବ୍ୟକ୍ତି ନାହାନ୍ତି ଯେ ସେ ନିର୍ଦ୍ଦୋଷ ଅଟନ୍ତି | ଆମ ଜୀବନରେ ପାପ କିପରି ଦେଖାଯାଏ? ତାହାର ଏକ ସବିଶେଷ ବିବରଣୀ ରୋମୀୟ ୩:୧୦-୧୮ରେ ଦେଖାଯାଏ | ପରିତ୍ରାଣ ନିମନ୍ତେ ରୋମୀୟ ପଥର ଦ୍ବିତୀୟ ଶାସ୍ତ୍ରାଂଶ ହେଉଛି ରୋମୀୟ ୬:୨୩, ଯାହା ପାପର ପରିଣାମ ବିଷୟରେ ଶିକ୍ଷା ଦିଏ - "କାରଣ ପାପର ବେତନ ମୃତ୍ୟୁ, କିନ୍ତୁ ଈଶ୍ଵରଙ୍କ ଅନୁଗ୍ରହ ଦାନ ଆମ୍ଭମାନଙ୍କ ପ୍ରଭୁ ଖ୍ରୀଷ୍ଟଯୀଶୁଙ୍କ ସହଭାଗୀତାରେ ଅନନ୍ତ ଜୀବନ ଅଟେ |" ଆମ ପାପ ନିମନ୍ତେ ଆମେ ଅର୍ଜନ କରିଥିବା ଦଣ୍ଡ ହେଉଛି ମୃତ୍ୟୁ | ଏହା କେବଳ ଶାରିରୀକ ମୃତ୍ୟୁ ନୁହେ କିନ୍ତୁ ଆତ୍ମିକ ମୃତ୍ୟୁ ଅଟେ !

ପରିତ୍ରାଣ ନିମନ୍ତେ ରୋମୀୟ ପଥର ଶେଷ ପଦକ୍ଷେପ ହେଉଛି ପରିତ୍ରାଣର ଫଳାଫଳ | ରୋମୀୟ ୫:୧ରେ ଏହି ଆଶ୍ଚର୍ଯ୍ୟଜନକ ବାର୍ତ୍ତା ରହିଅଛି, "ଅତଏବ, ଵିଶ୍ଵାସ ଦ୍ବାର ଧାର୍ମିକଗଣିତ ହେବାରୁ ଆମ୍ଭେମାନେ ଆମ୍ଭମାନଙ୍କ ପ୍ରଭୁ ଯୀଶୁଖ୍ରୀଷ୍ଟଙ୍କ ଦ୍ବାରା ଈଶ୍ଵରଙ୍କ ସହିତ ଶାନ୍ତିରେ ଅଛୁ |" ଯୀଶୁଖ୍ରୀଷ୍ଟଙ୍କ ମାଧ୍ୟମରେ ଆମେ ଈଶ୍ଵରଙ୍କ ସହ ଶାନ୍ତିର ସମ୍ପର୍କ ରଖିପାରିବା | ରୋମୀୟ ୮:୧ ଶିକ୍ଷା ଦିଏ "ଅତଏବ, ଯେଉମାନେ ଖ୍ରୀଷ୍ଟଯୀଶୁଙ୍କଠାରେ ଅଛନ୍ତି, ସେମାନଙ୍କ ପ୍ରତି ବର୍ତ୍ତମାନ କୌଣସି ଦଣ୍ଡାଜ୍ଞା ନାହି |" ଆମ ପକ୍ଷରୁ ଯୀଶୁଙ୍କ ମୃତ୍ୟୁ ଯୋଗୁଁ, ଆମ ପାପ ହେତୁ ଆମେ କେବେ ବି ଦଣ୍ଡାଜ୍ଞାପ୍ରାପ୍ତ ହେବା ନାହି | ପରିଶେଷରେ, ରୋମୀୟ ୮:୩୮-୩୯ରେ ଈଶ୍ଵରଙ୍କ ଠାରୁ ଏହି ମୂଲ୍ୟବାନ୍ ପ୍ରତିଜ୍ଞା ଅଛି "କାରଣ ମୃତ୍ୟୁ କି ଜୀବନ, ଦୂତ କି କର୍ତ୍ତାପଣ, ବର୍ତ୍ତମାନ କି ଭବିଷ୍ୟଦ କି ପରାକ୍ରମ, ଉଚ୍ଚସ୍ଥ ବିଷୟ କି ନୀଚ୍ଚସ୍ଥ ବିଷୟ କି ଅନ୍ୟ କୌଣସି ସୃଷ୍ଟ ବସ୍ତୁ ଆମ୍ଭମାନଙ୍କ ପ୍ରଭୁ ଖ୍ରୀଷ୍ଟଯୀଶୁଙ୍କ ଦ୍ବାରା ପ୍ରକାଶିତ ଈଶ୍ଵରଙ୍କ ପ୍ରେମରୁ ଯେ ଆମ୍ଭମାନଙ୍କୁ ବିଚ୍ଛିନ୍ନ କରିପାରିବ ନାହି, ଏହା ମୁ ନିଶ୍ଚୟ ଜାଣେ |"

ଆପଣ ପରିତ୍ରାଣ ନିମନ୍ତେ ରୋମୀୟ ପଥ ଅନୁସରଣ କରିବାକୁ ଚାହାନ୍ତି କି? ଯଦି ଚାହାନ୍ତି, ଏଠାରେ ଏକ ସରଳ ପ୍ରାର୍ଥନା ଦିଆଗଲା, ଯାହା ଆପଣ ଈଶ୍ଵରଙ୍କ ନିକଟରେ କରିପାରିବେ | ମନେ ରଖନ୍ତୁ, ଏହି ପ୍ରାର୍ଥନା କିମ୍ବା ଅନ୍ୟ ଯେକୌଣସି ପ୍ରାର୍ଥନା ଆପଣଙ୍କୁ ଉଦ୍ଧାର କରିବ ନାହିଁ | କେବଳ ଖ୍ରୀଷ୍ଟଙ୍କଠାରେ ଆପଣ ଭରସା ରଖିଲେ ହିଁ ଏହା ଆପଣଙ୍କୁ ପାପରୁ ଉଦ୍ଧାର କରିବ | ଏହି ପ୍ରାର୍ଥନା ହେଉଛି କେବଳ ଈଶ୍ଵରଙ୍କଠାରେ ଆପଣଙ୍କ ଵିଶ୍ଵାସ ଥିବା ବିଷୟଟି ତାଙ୍କୁ ପ୍ରକାଶ କରିବା ପୁଣି ଆପଣଙ୍କୁ ପରିତ୍ରାଣ ଯୋଗାଇବା ନିମନ୍ତେ ତାଙ୍କୁ ଧନ୍ୟବାଦ ଦେବାର ଏକ ପଦ୍ଧତି ଅଟେ | "ଈଶ୍ଵର", ମୁଁ ଜାଣେ ଯେ, ମୁଁ ଆପଣଙ୍କ ବିରୁଦ୍ଧରେ ପାପ କରିଅଛି ଏବଂ ଦଣ୍ଡ ପାଇବାର ଯୋଗ୍ୟ ଅଟେ | କିନ୍ତୁ ମୁଁ ଯେଉ ଦଣ୍ଡ ପାଇବାର ଥିଲା ଯୀଶୁଖ୍ରୀଷ୍ଟ ସେହି ଦଣ୍ଡକୁ ନେଲେ ଯେପରିକି ତାଙ୍କଠାରେ ଵିଶ୍ଵାସ କରିବା ଦ୍ବାରା ମୁଁ କ୍ଷମାପ୍ରାପ୍ତ ହୋଇପାରିବି | ପରିତ୍ରାଣ ନିମନ୍ତେ ମୁଁ ଆପଣଙ୍କ ଠାରେ ମୋର ଵିଶ୍ଵାସ ସ୍ଥାପନ କରୁଅଛି | ଅନନ୍ତ ଜୀବନର ଦାନ ଯେ ଆପଣଙ୍କର ଆଶ୍ଚର୍ଯ୍ୟ ଅନୁଗ୍ରହ ଓ କ୍ଷମାଶୀଳତା, ସେଇଥିଯୋଗୁଁ ଆପଣଙ୍କୁ ଧନ୍ୟବାଦ ଦିଏ! ଆମେନ୍ !"

ଏଠାରେ ଆପଣ ଯାହା ପଢିଲେ ସେହି କାରଣରୁ ଖ୍ରୀଷ୍ଟଙ୍କ ନିମନ୍ତେ ଗୋଟିଏ ନିଷ୍ପତ୍ତି ନେଲେ କି ? ଦୟାକରି ନିମ୍ନରେ ଥିବା "ମୁଁ ଆଜି ଖ୍ରୀଷ୍ଟଙ୍କୁ ଗ୍ରହଣ କଲି" ବୋତାମକୁ କ୍ଲିକ୍ କରନ୍ତୁ



ଓଡିଆ ହୋମ୍ ପେଜକୁ ପ୍ରତ୍ୟାବର୍ତ୍ତନ କରନ୍ତୁ



ପରିତ୍ରାଣ ନିମନ୍ତେ ରୋମୀୟ ପଥ କ'ଣ ଅଟେ?