ବାଇବଲର ଈଶ୍ବର ନିଶ୍ବସିତ ପୁସ୍ତକ (କାନନ୍) (canon) କିପରି ଏବଂ କେତେବେଳେ ଏକାଠି କରାଗଲା?



ପ୍ରଶ୍ନ: ବାଇବଲର ଈଶ୍ବର ନିଶ୍ବସିତ ପୁସ୍ତକ (କାନନ୍) (canon) କିପରି ଏବଂ କେତେବେଳେ ଏକାଠି କରାଗଲା?

ଉତ୍ତର:
"କାନନ୍" (“canon”) ଶବ୍ଦଟି ସେହି ପୁସ୍ତକଗୁଡିକ ଯାହା ଈଶ୍ବର ନିସୃତ ବାକ୍ୟ ଅଟେ ତେଣୁ ସେଗୁଡିକ ବାଇବଲର ଅନ୍ତର୍ଗତ ଅଟେ | ବାଇବଲ କାନନ୍ (canon) ନିର୍ଦ୍ଧାରଣ କରିବାର କଷ୍ଟକର ବିଷୟ ହେଉଛି ଯାହା ବାଇବଲରେ ସ୍ଥାନିତ ହେବ ବାଇବଲ୍ ସେପରି ଏକ ତାଲିକା ପ୍ରଦାନ କରେନାହିଁ | କାନନ୍ (canon) ନିର୍ଦ୍ଧାରଣ କରିବା ଏକ ଧାରା ଥିଲା ଯାହା ଯିହୂଦୀ ରାବ୍ବୀ ବା ଗୁରୁ ଏବଂ ପଣ୍ଡିତଗଣ ଏବଂ ପରେ ଆଦ୍ୟ ଖ୍ରୀଷ୍ଟିୟାନମାନଙ୍କ ଦ୍ବାରା କରାଯାଇଥିଲା | ପରିଶେଷରେ, କେଉଁ ପୁସ୍ତକ ବାଇବଲ୍ କାନନ(canon)ରେ ରହିବ ତାହା ଈଶ୍ବର ନିଷ୍ପତ୍ତି ନେଲେ | ଶାସ୍ତ୍ରର ଏକ ପୁସ୍ତକ କାନନ୍ (canon)ରେ ଅନ୍ତର୍ଭୁକ୍ତ ହେଲା ସେହିକ୍ଷଣି ଯେତେବେଳେ ଈଶ୍ବର ଏହାର ଲେଖାକୁ ଅନୁପ୍ରାଣିତ କଲେ | ସରଳ ଭାବେ ଏହା ହେଉଛି କେଉଁ ପୁସ୍ତକ ବାଇବଲରେ ଅନ୍ତର୍ଭୁକ୍ତ ହେବ ସେ ବିଷୟରେ ଈଶ୍ବରଙ୍କ ମାନବ ଅନୁଗାମୀମାନଙ୍କୁ ଈଶ୍ବର ହୃତ୍ ବୋଧ କରାଇବା ଏକ ବିଷୟ |

ନୂତନ ନିୟମ ସହ ତୁଳନା କଲେ, ପୁରାତନ ନିୟମ ବିଷୟରେ ଅତି ଅଳ୍ପ ବିବାଦ ଅଛି | ଏବ୍ରୀୟ ବିଶ୍ବାସୀମାନେ ଈଶ୍ବରଙ୍କ ବାର୍ତ୍ତାବହମାନଙ୍କୁ ଚିହ୍ନିଲେ ଏବଂ ସେମାନଙ୍କର ଲେଖାଗୁଡିକୁ ଈଶ୍ବର ନିଶ୍ବସିତ ଭାବରେ ଗ୍ରହଣ କଲେ | ଯଦିଓ ପୁରାତନ ନିୟମ କାନନ୍ (canon) ବିଷୟରେ କିଛି ଅନସ୍ବୀକାର୍ଯ୍ୟ ବିତର୍କ ରହିଥିଲା, ୨୫୦ ଶତାବ୍ଦୀ ବେଳକୁ ହିବ୍ରୁ ଶାସ୍ତ୍ରର କାନନ୍ (canon)ରେ ସାର୍ବଜନୀନ ସହମତ ଆସିଯାଇଥିଲା | ରହିଯାଇଥିବା ଏକମାତ୍ର ବିତର୍କର ବିଷୟ ଆପୋକ୍ରିଫା (Apocrypha) ଥିଲା ଯେଉଁଠି କିଛି ବିବାଦ ଏବଂ ଆଲୋଚନା ଏପର୍ଯ୍ୟନ୍ତ ସୁଦ୍ଧା ରହିଆସିଛି | ହିବ୍ରୁ ପଣ୍ଡିତଗଣଙ୍କର ଅଧିକ ସଂଖ୍ୟା ଆପୋକ୍ରିଫା (Apocrypha) କୁ ଉତ୍ତମ ଐତିହାସିକ ଏବଂ ଧର୍ମ ଲେଖା ଭାବରେ ବିବେଚନା କଲେ, କିନ୍ତୁ ହିବ୍ରୁ ଶାସ୍ତ୍ର ପରି ସେମାନେ ଏହାକୁ ସେପରି ବିବେଚନା କରୁ ନ ଥିଲେ |

ନୂତନ ନିୟମ ନିମନ୍ତେ, ଶାସ୍ତ୍ରର ମାନ୍ୟତା ଏବଂ ଏହାର ସଂଗ୍ରହ ଖ୍ରୀଷ୍ଟିୟ ମଣ୍ଡଳୀର ପ୍ରଥମ ଶତାବ୍ଦୀରେ ଆରମ୍ଭ ହୋଇଥିଲା | ଅତି ପ୍ରଥମ ଭାଗରୁ, କିଛି ନୂତନ ନିୟମ ପୁସ୍ତକଗୁଡିକ ମାନ୍ୟତାପ୍ରାପ୍ତ ହୋଇଆସୁଥିଲା | ପାଉଲ ଲୂକଙ୍କର ଲେଖାକୁ ପୁରାତନ ନିୟମ ପରି କ୍ଷମତାପ୍ରାପ୍ତ ଭାବେ ବିବେଚନା କରୁଥିଲେ (୧ତିମଥି ୫:୧୮; ଦ୍ବିତୀୟ ବିବରଣ ୨୫:୪ ଏବଂ ଲୂକ ୧୦:୭ ମଧ୍ୟ ଦେଖନ୍ତୁ) | ପିତର ପାଉଲଙ୍କ ଲେଖାସକଳକୁ ଶାସ୍ତ୍ରର ମାନ୍ୟତା ପ୍ରଦାନ କରିଥିଲେ (୨ପିତର ୩:୧୫-୧୬) | ନୂତନ ନିୟମର କିଛି ପୁସ୍ତକ ମଣ୍ଡଳୀଗଣଙ୍କ ମଧ୍ୟରେ ବଣ୍ଟନ କରାଯାଉଥିଲା (କଲସୀୟ ୪:୧୬; ୧ଥେସଲନିକୀୟ ୫:୨୭) | ରୋମ୍ ର କ୍ଲେମେଣ୍ଟ୍ ଅତି କମ୍ ରେ ଆଠଗୋଟି ପୁସ୍ତକ ଲେଖିଛନ୍ତି (୯୫ ଖ୍ରୀଷ୍ଟାବ୍ଦ) | ଆନ୍ତିୟଖିଆର ଇଗ୍ନାଟିଅସ୍ ପ୍ରାୟ ସାତଗୋଟି ପୁସ୍ତକକୁ ସ୍ବୀକୃତି ଦେଇଥିଲେ (୧୧୫ ଖ୍ରୀଷ୍ଟାବ୍ଦ) | ପ୍ରେରିତ ଯୋହନଙ୍କ ଜଣେ ଶିଷ୍ୟ ପଲିକାର୍ପ୍ ପନ୍ଦରଗୋଟି ପୁସ୍ତକକୁ ସ୍ବୀକୃତି ଦେଇଥିଲେ (୧୦୮ ଖ୍ରୀଷ୍ଟାବ୍ଦ) | ପରବର୍ତ୍ତୀ ସମୟରେ ଇରେନିୟସ୍ ଏକୋଇଶି ଗୋଟି ପୁସ୍ତକ ଲେଖିଲେ (୧୮୫ ଖ୍ରୀଷ୍ଟାବ୍ଦ) | ହିପୋଲିଟସ୍ ବାଇଶି ଗୋଟି ପୁସ୍ତକକୁ ମାନ୍ୟତା ପ୍ରଦାନ କରିଥିଲେ (୧୭୦ - ୨୩୫ ଖ୍ରୀଷ୍ଟାବ୍ଦ) | ଅଧିକ ମଧ୍ୟକୁ ଆସିଥିବା ନୂତନ ନିୟମର ପୁସ୍ତକଗୁଡିକ ହେଉଛି ଏବ୍ରୀ, ଯାକୁବ, ୨ପିତର, ୨ଯୋହନ ଏବଂ ୩ଯୋହନ |

ପ୍ରଥମ "କାନନ୍" ହେଉଛି Muratorian କାନନ୍ ଯାହା ୧୭୦ ଖ୍ରୀଷ୍ଟାବ୍ଦରେ ସଂକଳିତ ହୋଇଥିଲା | Muratorian କାନନ୍ ଟି ଏବ୍ରୀ, ଯାକୁବ, ଏବଂ ୩ଯୋହନ ବ୍ୟତୀତ ନୂତନ ନିୟମର ସମସ୍ତ ପୁସ୍ତକକୁ ଅନ୍ତର୍ଭୁକ୍ତ କରିଥିଲା | ୩୬୩ ଖ୍ରୀଷ୍ଟାବ୍ଦରେ, ଲାଓଦିକିଆ ସମ୍ମିଳନୀ (the Council of Laodicea) ଦର୍ଶାଇଲା ଯେ କେବଳ ପୁରାତନ ନିୟମ (ଆପୋକ୍ରିଫା ସମେତ) ଏବଂ ନୂତନ ନିୟମର ୨୭ ଗୋଟି ପୁସ୍ତକ ମଣ୍ଡଳୀ ଗୁଡିକରେ ପାଠ କରାଯିବ | ହିପ୍ପୋ ସମ୍ମିଳନୀ (The Council of Hippo) ଠିକ୍ ସେହି ୨୭ ଗୋଟି ପୁସ୍ତକକୁ ଅଧିକାରପ୍ରାପ୍ତ ଭାବେ ନିଶ୍ଚିତ କଲା |

ନୂତନ ନିୟମର ପୁସ୍ତକସକଳ ବାସ୍ତବରେ ପବିତ୍ରଆତ୍ମାଙ୍କ ଦ୍ବାରା ନିଶ୍ବସିତ କି ନା ସେ ବିଷୟକୁ ନିର୍ଦ୍ଧାରଣ କରିବା ନିମନ୍ତେ ଥିବା ନିମ୍ନ ନୀତି ଗୁଡିକ ପରି ସମାନ ଥିବା କିଛି ବିଷୟକୁ ସମ୍ମିଳନୀ (councils) ଗୁଡିକ ଅନୁକରଣ କରୁଥିଲେ : ୧) ପୁସ୍ତକଟିର ଲେଖକ ଜଣେ ପ୍ରେରିତ ଥିଲେ କିମ୍ବା ଜଣେ ପ୍ରେରିତଙ୍କର ଅତି ଘନିଷ୍ଠ ଥିଲେ କି? ୨) ସାମଗ୍ରିକ ଭାବରେ ଖ୍ରୀଷ୍ଟଙ୍କ ଶରୀର ଦ୍ବାରା ପୁସ୍ତକଟି ଗ୍ରହଣୀୟ ହୋଇଆସୁଛି କି? ୩) ପୁସ୍ତକଟି କ'ଣ ତତ୍ତ୍ବଗୁଡିକର ସମାନତା ବଜାୟ ରଖୁଛି କିମ୍ବା ନୈତିକତାକୁ ସମର୍ଥନ କରୁଥିବା ଶିକ୍ଷା ଧାରଣ କରିଛି? ୪) ପୁସ୍ତକଟି କ'ଣ ଉଚ୍ଚ ନୈତିକ ଏବଂ ଆତ୍ମିକ ମୂଲ୍ୟର ପ୍ରମାଣ ଧାରଣ କରିଛି ଯାହାକି ପବିତ୍ରଆତ୍ମାଙ୍କର ଏକ କାର୍ଯ୍ୟର ପ୍ରତିଫଳନ କରୁଛି? ପୁନଶ୍ଚ, ସ୍ମରଣ କରିବା ନିମନ୍ତେ ଏହା ଏକ ଅତିଗୁରୁତ୍ବପୂର୍ଣ୍ଣ ବିଷୟ ଯେ, ମଣ୍ଡଳୀ କାନନ୍ କୁ ନିର୍ଦ୍ଧାରଣ କରିନାହିଁ | କୌଣସି ଆଦ୍ୟ ମଣ୍ଡଳୀ ସମ୍ମିଳନୀ (council) କାନନ୍ ଉପରେ ନିଷ୍ପତ୍ତି ନେଲେନାହିଁ | ଈଶ୍ବର ଓ କେବଳ ଈଶ୍ବର ହିଁ ବାଇବଲରେ କେଉଁ ପୁସ୍ତକ ଗୁଡିକ ରହିବ ତାହା ନିର୍ଦ୍ଧାରଣ କଲେ | ସରଳ ଭାବରେ ଏହା ହେଉଛି ଈଶ୍ବର ଯାହା ନିଷ୍ପତ୍ତି ନେଇସାରିଥିଲେ ସେ ବିଷୟକୁ ତାଙ୍କ ମାନବୀୟ ଅନୁଗାମୀଗଣଙ୍କୁ ପ୍ରଦାନ କରିଥିଲେ | ବାଇବଲରେ ଥିବା ପୁସ୍ତକସକଳର ସଂଗ୍ରହର ମାନବିକ ଧାରା ତୃଟିପୂର୍ଣ୍ଣ ଥିଲା, କିନ୍ତୁ ଈଶ୍ବର ତାଙ୍କ ସାର୍ବଭୌମତ୍ବରେ ଏବଂ ଆମ୍ଭମାନଙ୍କର ଅଜ୍ଞତା ଏବଂ ଜିଦ୍ ଖୋର୍ ପ୍ରବୃତ୍ତି ସତ୍ତ୍ବେ ସେ ଅନୁପ୍ରାଣିତ କରିଥିବା ପୁସ୍ତକସକଳକୁ ଆଦ୍ୟ ମଣ୍ଡଳୀ ଦ୍ବାରା ମାନ୍ୟତା ପ୍ରଦାନ କଲେ |



ଓଡିଆ ହୋମ୍ ପେଜକୁ ପ୍ରତ୍ୟାବର୍ତ୍ତନ କରନ୍ତୁ



ବାଇବଲର ଈଶ୍ବର ନିଶ୍ବସିତ ପୁସ୍ତକ (କାନନ୍) (canon) କିପରି ଏବଂ କେତେବେଳେ ଏକାଠି କରାଗଲା?