ଛାଡପତ୍ର ଓ ପୁନଃବିବାହ ବିଷୟରେ ବାଇବଲ ଆମ୍ଭମାନଙ୍କୁ କ’ଣ କୁହେ?


ପ୍ରଶ୍ନ: ଛାଡପତ୍ର ଓ ପୁନଃବିବାହ ବିଷୟରେ ବାଇବଲ ଆମ୍ଭମାନଙ୍କୁ କ’ଣ କୁହେ?

ଉତ୍ତର:
ପ୍ରଥମତଃ, ଛାଡପତ୍ର ବିଷୟରେ ଜଣେ ବ୍ୟକ୍ତିର ଚିନ୍ତାଧାରା ଯାହା ଥାଉନା କାହିଁକି, ମଲାଖୀ 2:16 ସ୍ମରଣରେ ରଖିବା ଗୁରୁତ୍ବପୂର୍ଣ୍ଣ ବିଷୟ ଅଟେ: “କାରଣ ଆମ୍ଭେ ସ୍ତ୍ରୀ-ତ୍ୟାଗ ଘୃଣା କରୁ, ଏହା ସଦାପ୍ରଭୁ ଇଶ୍ରାୟେଲର ପରମେଶ୍ବର କହନ୍ତି ।” ବାଇବଲ ଅନୁଯାୟୀ, ବିବାହ ହେଉଛି ଏକ ଜୀବନବ୍ୟାପୀ ପ୍ରତିଶୃତିବଦ୍ଧତା ବା ବିଶ୍ବସ୍ତତା । “ଏଣୁ ସେମାନେ ଆଉ ଦୁଇ ନୁହଁନ୍ତି, କିନ୍ତୁ ଏକାଙ୍ଗ ଅଟନ୍ତି । ଅତଏବ, ଈଶ୍ବର ଯାହା ସଂଯୁକ୍ତ କରିଅଛନ୍ତି, ମନୁଷ୍ୟ ତାହା ବିଭିନ୍ନ ନ କରୁ” (ମାଥିଉ 19:6) । ଯଦିଓ ଈଶ୍ବର ହୃଦୟଙ୍ଗମ କରନ୍ତି ଯେ ବିବାହ ଦୁଇଗୋଟି ପାପପୂର୍ଣ୍ଣ ମନୁଷ୍ୟକୁ ନେଇ ହୁଏ, ସେଥିଯୋଗୁଁ ଛାଡପତ୍ର ଘଟିଥାଏ । ପୁରାତନ ନିୟମରେ, ସେ ଛାଡପତ୍ର ପାଉଥିବା ବ୍ୟକ୍ତିର, ବିଶେଷତଃ ସ୍ତ୍ରୀମାନଙ୍କର ଅଧିକାରକୁ ସୁରକ୍ଷା ଦେବା ପାଇଁ କିଛି ବ୍ୟବସ୍ଥା କରିଥିଲେ (ଦ୍ବିତୀୟ ବିବରଣ 21:1-4) । ଈଶ୍ବର ସୂଚୀତ କରି ଦେଖାଇଲେ ଯେ ଈଶ୍ବରଙ୍କ ଇଛା ଯୋଗୁଁ ଏହି ସମସ୍ତ ବ୍ୟବସ୍ଥା ଦିଆଯାଇଥିଲା, କିନ୍ତୁ ଏହା ଲୋକମାନଙ୍କର ହୃଦୟର କଠିନତା ଯୋଗୁଁ ଦିଆଯାଇଥିଲା (ମାଥିଉ 19:8) ।

ଛାଡପତ୍ର ଓ ପୁନଃବିବାହ ବାଇବଲ ଅନୁଯାୟୀ ଅନୁମୋଦିତ ଅଟେ ନା ନାହିଁ ସେ ବିଷୟକ ବିରୋଧାଭାସ ମୁଖ୍ୟତଃ ମାଥିଉ 5:32 ଓ 19:9ରେ ଥିବା ଯୀଶୁଙ୍କ ବାକ୍ୟକୁ ସମାଧାନ କରେ । “ବିବାହ ଅନ୍ତର୍ଭୁକ୍ତ ଅବିଶ୍ବସ୍ତତା ବ୍ୟତୀତ” ବାକ୍ୟାଂଶ ହେଉଛି ଶାସ୍ତ୍ରରେ ଏକମାତ୍ର ବିଷୟ ଯେଉଁଥିରେ ସମ୍ଭବତଃ ଛାଡପତ୍ର ଓ ପୁନଃବିବାହ ନିମନ୍ତେ ଈଶ୍ବର ଅନୁମତି ଦେଇଥାନ୍ତି । ଅନେକ ଅନୁବାଦକ ଏହି “ବ୍ୟତିକ୍ରମ ଅଂଶ”କୁ “ବାଗ୍‍‍ଦାନ” ସମୟରେ “ବୈବାହିକ ଅବିଶ୍ବସ୍ତତା” ଭାବରେ ଦର୍ଶାନ୍ତି । ଯିହୂଦୀମାନଙ୍କ ରୀତି ଅନୁଯାୟୀ, ଜଣେ ପୁରୁଷ ଓ ଜଣେ ସ୍ତ୍ରୀ “ବାଗ୍‍‍ଦାନ” ହୋଇଥିଲେ ମଧ୍ୟ ସେମାନଙ୍କୁ ବିବାହିତ ଭାବରେ ବିଚାର କରାଯାଏ । ଏହି ମତ ଅନୁଯାୟୀ, “ବାଗ୍‍‍ଦାନ” ସମୟରେ ଯୌନଗତ ଅଶୁଚିତାକୁ ଛାଡପତ୍ରର ଏକ ବୈଧ ବା ଠିକ୍‍ କାରଣ ଭାବରେ ବିଚାର କରାଯିବ ।

ଅଥଚ, “ବୈବାହିକ ଅବିଶ୍ବସ୍ତତା” ନିମନ୍ତେ ବ୍ୟବହୃତ ଗ୍ରୀକ୍‍ ଶବ୍ଦ ହେଉଛି ଏକ ଶବ୍ଦ ଯାହାର ଅର୍ଥ ଯେକୌଣସି ପ୍ରକାର ଯୌନଗତ ଅଶୁଚିତା । ଏହା ଲମ୍ପଟତା, ବେଶ୍ୟାଗମନ, ବ୍ୟଭିଚାର ଇତ୍ୟାଦିକୁ ବୁଝାଇପାରେ । ଯୀଶୁ ସମ୍ଭବତଃ କହୁଅଛନ୍ତି ଯେ ଯଦି ଯୌନଗତ ଅନୈତିକତା ହୁଏ, ତେବେ ଛାଡପତ୍ର ପାଇଁ ଅନୁମତି ରହିଛି । ବୈବାହିକ ବନ୍ଧନରେ ଯୌନ ସମ୍ପର୍କ ଏକ ଅବିଚ୍ଛେଦ୍ୟ ଅଂଶ: “ସେହି ଦୁଇଜଣ ଏକ ହେବେ” (ଆଦି 2:24; ମାଥିଉ 19:5; ଏଫିସୀୟ 5:31) । ଅତଏବ, ବିବାହ ପରିସର ବାହାରେ ଘଟୁଥିବା ଯେକୌଣସି ଯୌନଗତ ସମ୍ପର୍କ ଛାଡପତ୍ର ନିମନ୍ତେ ଅନୁମତିର ଏକ କାରଣ ହେବ । ଯଦି ସେପରି ହୁଏ, ଏହି ଶାସ୍ତ୍ରାଂଶରେ ଯୀଶୁଙ୍କ ମନରେ ପୁନଃବିବାହର ବିଷୟ ରହିଛି । “ଅନ୍ୟକୁ ବିବାହ କରେ” (ମାଥିଉ 19:9) ବାକ୍ୟାଂଶଟି ଦର୍ଶାଏ ଯେ ଏହା ଯାହା ହୋଇଥିବାର ଅନୁବାଦ କରାଯାଉନା ପଛକେ ବ୍ୟତିକ୍ରମ ଅଂଶରେ ଛାଡପତ୍ର ଓ ପୁନଃବିବାହ ଅନୁମୋଦିତ ଅଟେ । ଉଲ୍ଲେଖଯୋଗ୍ୟ ଯେ କେବଳ ନିର୍ଦ୍ଦୋଷ ଥିବା ପକ୍ଷ ହିଁ ପୁନଃବିବାହ କରିବା ନିମନ୍ତେ ଅନୁମୋଦିତ ଅଟନ୍ତି । ଯଦିଓ ଏହି ଶାସ୍ତ୍ରାଂଶରେ ଉଲ୍ଲେଖ କରାଯାଇନାହିଁ, ତଥାପି ପୁନଃବିବାହ କରିବାର ଅନୁମତି ସେହି ବ୍ୟକ୍ତି ପାଇଛନ୍ତି ଯାହା ବିରୁଦ୍ଧରେ ପାପ କରାଯାଇଛି, କିନ୍ତୁ ଏହା ପାପ କରିଥିବା ଅର୍ଥାତ୍‍ ଛାଡପତ୍ର ଦେଇଥିବା ବ୍ୟକ୍ତି ନିମନ୍ତେ ନୁହେଁ । କିଛି ଘଟନା ଥାଇପାରେ, ଯେଉଁଠି ଦୋଷ କରିଥିବା ବ୍ୟକ୍ତି ପୁନଃ ବିବାହ କରିବାର ଅନୁମତି ପାଇଥାଏ, କିନ୍ତୁ ଏହା ଶାସ୍ତ୍ରରେ ଲେଖାଯାଇନାହିଁ ।

କିଛି ବ୍ୟକ୍ତି 1କରିନ୍ଥୀୟ 7:15କୁ ଏକ “ବ୍ୟତିକ୍ରମ” ଭାବେ ବୁଝନ୍ତି ଯେଉଁଥିରେ ଜଣେ ଅବିଶ୍ବାସୀ ଜଣେ ବିଶ୍ବାସୀକୁ ଛାଡପତ୍ର ଦେଲେ ପୁନଃବିବାହ କରିବାର ଅନୁମତି ରହିଛି ବୋଲି ସେମାନେ ଭାବନ୍ତି । ଅଥଚ, ଶାସ୍ତ୍ରାଂଶଟି ପୁନଃବିବାହ ବିଷୟରେ ଉଲ୍ଲେଖ କରେନାହିଁ, କେବଳ ଏତିକି କୁହେ ଯେ ଯଦି ଜଣେ ଅବିଶ୍ବାସୀ ପରିତ୍ୟାଗ କରିବାକୁ ଚାହେଁ ତେବେ ଜଣେ ବିଶ୍ବାସୀ ବିବାହକୁ ବଳବତ୍ତର କରି ରଖିବା ଜରୁରୀ ନୁହେଁ । ଅନ୍ୟମାନେ ଦାବୀ କରନ୍ତି ଯେ ବାଇବଲରେ ସ୍ଥାନ ପାଇନଥିଲେ ସୁଦ୍ଧା (ଜୀବନସାଥି ବା ପିଲା)କୁ ଖରାପ ବ୍ୟବହାର ଦେଖାଇଲେ ଛାଡି ଚାଲିଯିବା ଏକ ଯଥାର୍ଥ କାରଣ ହେବ । ଯଦିଓ ଏହା ଅତି ସୁନ୍ଦର ଘଟନା ହୋଇପାରେ, ତଥାପି ଏହା ଈଶ୍ବରଙ୍କ ବାକ୍ୟରେ ଲେଖାଯାଇଛି ବୋଲି ଭାବିବା ବୁଦ୍ଧିମାନର କାର୍ଯ୍ୟ ନୁହେଁ ।

ବେଳେବେଳେ ବ୍ୟତିକ୍ରମ ଅଂଶ ଉପରେ ଯୁକ୍ତିତର୍କରେ ହଜିଯିବା ହେଉଛି “ବୈବାହିକ ଅବିଶ୍ବସ୍ତତା”ର ଅର୍ଥ ଯାହା ହେଉନା ପଛକେ, ଏହା ଛାଡପତ୍ରର ଏକ ପାଉଣା କିନ୍ତୁ ଏଥିର ଆବଶ୍ୟକତା ନୁହେଁ । ଏପରିକି ଯଦି ବ୍ୟଭିଚାର କରାଯାଏ, ଜୀବନସାଥିମାନେ ଈଶ୍ବରଙ୍କ ଅନୁଗ୍ରହ ଦ୍ବାରା କ୍ଷମା ଦେବାର ଶିଖି ସେମାନଙ୍କର ବିବାହକୁ ପୁନଃଗଠନ କରିପାରିବେ । ଈଶ୍ବର ଆମ୍ଭମାନଙ୍କୁ ଏତେ ଅଧିକ ଭାବରେ କ୍ଷମା ଦେଇଅଛନ୍ତି । ନିଶ୍ଚିତ ଆମ୍ଭେମାନେ ତାହାଙ୍କ ଉଦାହରଣକୁ ଅନୁକରଣ କରି ବ୍ୟଭିଚାର ପାପକୁ କ୍ଷମା ଦେଇପାରିବା (ଏଫିସୀୟ 4:32) ।

ଅଥଚ, ଅନେକ ଘଟନାରେ, ଜଣେ ଜୀବନସାଥି ଅନୁତପ୍ତବିହୀନ ହୋଇଥାଏ ଓ ଯୌନଗତ କାର୍ଯ୍ୟକଳାପରେ ଲାଗିଥାଏ । ଯେଉଁଠି ମାଥିଉ 19:9କୁ ସମ୍ଭବତଃ ପ୍ରୟୋଗ କରାଯାଇପାରେ । ଅନେକ, ସେମାନଙ୍କ ଛାଡପତ୍ର ପରେ ସେମାନେ ଏକାକୀ ରହିବା ବିଷୟରେ ଈଶ୍ବରଙ୍କ ଇଛାକୁ ନ ବୁଝି ସାଙ୍ଗେ ସାଙ୍ଗେ ପୁନଃବିବାହ କରନ୍ତି । ବେଳେବେଳେ ଈଶ୍ବର ଲୋକମାନଙ୍କୁ ଏକାକୀ ରହିବାକୁ ଆହ୍ବାନ କରନ୍ତି ଯେପରିକି ସେମାନଙ୍କର ମନୋନିବେଶ ଭାଗ ହେବନାହିଁ (1କରିନ୍ଥୀୟ 7:32-35) । ଛାଡପତ୍ର ପରେ ପୁନଃବିବାହ କରିବା କିଛି କ୍ଷେତ୍ରରେ ଏକ ବିକଳ୍ପ ହୋଇପାରେ, କିନ୍ତୁ ଏହାର ଅର୍ଥ ନୁହେଁ ଯେ ଏହା କେବଳ ଏକମାତ୍ର ବିକଳ୍ପ ଅଟେ ।

ଏକ ଅନୁଶୋଚନାର ବିଷୟ ଯେ ନିଜକୁ ଖ୍ରୀଷ୍ଟିୟାନ କହୁଥିବା ଲୋକମାନଙ୍କ ମଧ୍ୟରେ ଛାଡପତ୍ର ଅବିଶ୍ବାସୀମାନଙ୍କଠାରେ ଦେଖାଯାଉଥିବା ଛାଡପତ୍ରର ହାର ସହ ପାଖାପାଖି ସମାନ । ବାଇବଲ ଅତି ସ୍ବଷ୍ଟ ଭାବେ ଦର୍ଶାଇଅଛି ଯେ ଈଶ୍ବର ଛାଡପତ୍ର ଘୃଣା କରନ୍ତି (ମଲାଖୀ 2:16) ଏବଂ ପୁନଃମିଳନ ଓ କ୍ଷମାଶୀଳତା ଜଣେ ବିଶ୍ବାସୀଙ୍କ ଜୀବନର ଚିହ୍ନ ହେବା ଉଚିତ (ଲୂକ 11:4; ଏଫିସୀୟ 4:32) । ଅଥଚ, ଈଶ୍ବର ଜାଣନ୍ତି ଯେ ଏପରିକି ତାଙ୍କ ନିଜ ସନ୍ତାନମାନଙ୍କ ମଧ୍ୟରେ ମଧ୍ୟ ଛାଡପତ୍ର ଘଟିବ । ଜଣେ ଛାଡପତ୍ର ପାଇଥିବା ଏବଂ/କିମ୍ବା ପୁନଃବିବାହ କରିଥିବା ବିଶ୍ବାସୀ ଅନୁଭବ କରିବା କଥା ନୁହେଁ ଯେ ଈଶ୍ବର ତାହାଙ୍କୁ କମ୍‍ ପ୍ରେମ କରନ୍ତି ଯଦିଓ ଛାଡପତ୍ର କିମ୍ବା/ଏବଂ ପୁନଃବିବାହ ମାଥିଉ 19:9ର ସାମ୍ଭାବ୍ୟ ବ୍ୟତିକ୍ରମ ଅଂଶରେ ଆସେନାହିଁ । ଈଶ୍ବର ଅନେକ ସମୟରେ ଖ୍ରୀଷ୍ଟିୟାନମାନଙ୍କର ପାପପୂର୍ଣ୍ଣ ଆଜ୍ଞାବହତାକୁ ମହାନ୍‍ ଉଦ୍ଦେଶ୍ୟ ନିମନ୍ତେ ବ୍ୟବହାର କରିଥାନ୍ତି ।



ଓଡ଼ିଆ ପେଜ୍ କୁ ଫେରି ଯାଅନ୍ତୁ



ଛାଡପତ୍ର ଓ ପୁନଃବିବାହ ବିଷୟରେ ବାଇବଲ ଆମ୍ଭମାନଙ୍କୁ କ’ଣ କୁହେ?