ମୁଁ କିପରି ଭାବରେ ଈଶ୍ଵରଙ୍କ ସହ ମିଳିତ ହେଉଛି?



ପ୍ରଶ୍ନ: ମୁଁ କିପରି ଭାବରେ ଈଶ୍ଵରଙ୍କ ସହ ମିଳିତ ହେଉଛି?

ଉତ୍ତର:
ଈଶ୍ଵରଙ୍କ ସହ ମିଳିତ ହେବା ନିମନ୍ତେ ଆମେ "ଭୁଲ୍ କ'ଣ ତାହା ନିହାତି ଜାଣିବା ଉଚିତ | ଉତ୍ତରଟି ହେଉଛି ପାପ | "ସୁକର୍ମକାରୀ କେହି ନାହିଁ, ନା, ଜଣେ ହେ ନାହିଁ |" (ଗୀତସଂହିତା ୧୪:୩) ଆମେ ଈଶ୍ଵରଙ୍କ ଆଜ୍ଞାସକଳ ବିପକ୍ଷକରେ ବିଦ୍ରୋହ କରିଅଛୁ; ଆମେ "ମେଷଗଣ ତୁଲ୍ୟ ବିପଥଗାମୀ ହୋଇଅଛୁ" (ଯିଶାଇୟ ୫୩:୬) ଦୁଃସମ୍ବାଦଟି ହେଉଛି 'ପାପର ବେତନ ମୃତ୍ୟୁ', "ଯେଉ ପ୍ରାଣୀ ପାପ କରେ, ସେହି ମରିବ |" (ଯିହିଜିକଲ ୧୮:୪), ସୁସମ୍ବାଦ ହେଉଛି ପ୍ରେମମୟ ଈଶ୍ଵର ଆମର ପରିତ୍ରାଣ ନିମନ୍ତେ ଆମ୍ଭମାନଙ୍କର ଅନୁଧାବନ କରୁଛନ୍ତି | ଯୀଶୁ ଘୋଷଣା କଲେ ତାହାଙ୍କ ଉଦ୍ଦେଶ୍ୟ "ଯାହା ହଜିଅଛି, ତାହା ଖୋଜି ରକ୍ଷା କରିବା " (ଲୂକ ୧୯:୧୦), ପୁଣି ସେ ତାଙ୍କ କ୍ରୁଶ ଉପରେ ଯେତେବେଳେ "ସମାପ୍ତ ହେଲା !" (ଯୋହନ ୧୯:୩୦) କହିଲେ, ସେତେବେଳେ ସେ ତାଙ୍କ ଉଦ୍ଦେଶ୍ୟ ସଫଳୀକୃତ ହେବାର ସ୍ବଷ୍ଟ କଲେ |

ଈଶ୍ଵରଙ୍କ ସହିତ ଠିକ୍ ସମ୍ପର୍କ ରଖିବା ଆପଣଙ୍କ ପାପ ଅଛି ବୋଲି ସ୍ବୀକାର କରିବାରୁ ଆରମ୍ଭ ହୋଇଥାଏ | ତା'ପରେ ଆପଣଙ୍କ ପାପକୁ ଈଶ୍ଵରଙ୍କ ନିକଟରେ ନମ୍ର ଭାବରେ ସ୍ବୀକାର କରିବାକୁ ପଡିଥାଏ (ଯିଶାଇୟ ୫୭:୧୫) ଏବଂ ପାପ ପରିତ୍ୟାଗ କରିବାର ଏକ ଦୃଢ ନିଷ୍ପତ୍ତିରୁ ଆରମ୍ଭ ହୋଇଥାଏ | "କାରଣ ଧାର୍ମିକତା ପ୍ରାପ୍ତି ନିମନ୍ତେ ମନୁଷ୍ୟ ହୃଦୟରେ ଵିଶ୍ଵାସ କରେ ଓ ପରିତ୍ରାଣ ପ୍ରାପ୍ତି ନିମନ୍ତେ ମୁଖରେ ସ୍ବୀକାର କରେ |" (ରୋମୀୟ ୧୦:୧୦)

ଏହି ଅନୁତାପ ଵିଶ୍ଵାସ ସହ ହେବା ନିହାତି ଆବଶ୍ୟକ - ବିଶେଷତଃ ଯୀଶୁଙ୍କର ବଳିକୃତ ମୃତ୍ୟୁ ଓ ଆଶ୍ଚର୍ଯ୍ୟଜନକ ପୁନରୁତ୍ଥାନ ଯେ ଆପଣଙ୍କ ଉଦ୍ଧାରକର୍ତ୍ତା ହେବା ପାଇଁ ତାଙ୍କୁ ଯୋଗ୍ୟ ବିବେଚିତ କରେ ଏହା ଵିଶ୍ଵାସ କରିବା | "ଯେଣୁ ତୁମ୍ଭେ ଯଦି ମୁଖରେ ଯୀଶୁଙ୍କୁ ପ୍ରଭୁ ବୋଲି ସ୍ବୀକାର କରିବ, ଆଉ ଈଶ୍ଵର ତାହାଙ୍କୁ ମୃତମାନଙ୍କ ମଧ୍ୟରୁ ଉଠାଇଅଛନ୍ତି ବୋଲି ହୃଦୟରେ ଵିଶ୍ଵାସ କରିବ, ତେବେ ପରିତ୍ରାଣ ପ୍ରାପ୍ତ ହେବ; (ରୋମୀୟ ୧୦:୯) | ଆହୁରି ଅନେକ ଶାସ୍ତ୍ରାଂଶ ଅଛି ଯାହା ଵିଶ୍ଵାସର ଆବଶ୍ୟକତା ବିଷୟରେ କୁହେ, ଯେପରିକି ଯୋହନ ୨୦:୨୭; ପ୍ରେରିତ ୧୬:୩୧; ଗାଲାତୀୟ ୨:୧୬; ୩:୧୧ ଏବଂ ଏଫିସୀୟ ୨:୮ |

ଈଶ୍ଵରଙ୍କ ସହିତ ସଠିକ୍ ସମ୍ପର୍କ ରଖିବା ହେଉଛି ଈଶ୍ଵର ଆପଣଙ୍କ ପକ୍ଷରୁ କ'ଣ କରିଛନ୍ତି ସେଥିପ୍ରତି ଆପଣଙ୍କର ଥିବା ପ୍ରତିକ୍ରିୟାର ଏକ ବିଷୟ | ସେ ଉଦ୍ଧାରକର୍ତ୍ତାଙ୍କୁ ପ୍ରେରଣ କଲେ, ସେ ଆପଣଙ୍କ ପାପ ନେଇଯିବା ନିମନ୍ତେ ବଳିଦାନ ଯୋଗାଇଲେ (ଯୋହନ ୧:୨୯), ପୁଣି ସେ ଆପଣଙ୍କୁ ସେହି ପ୍ରତିଜ୍ଞା ଯାଚୁଛନ୍ତି; "ଯେକେହି ପ୍ରଭୁଙ୍କ ନାମରେ ପ୍ରାର୍ଥନା କରିବ, ସେ ପରିତ୍ରାଣ ପାଇବ |" (ପ୍ରେରିତ ୨:୨୧)

ଅନୁତାପ ଓ କ୍ଷମାର ଏକ ସୁନ୍ଦର ବ୍ୟାଖ୍ୟା ହେଉଛି ଅପବ୍ଯୟୀ ପୁତ୍ରର ଦୃଷ୍ଟାନ୍ତ (ଲୂକ ୧୫:୧୧-୩୨) | ସାନ ପୁଅ ପିତାଙ୍କ ଦାନକୁ ଲଜ୍ଜାଜନକ ପାପରେ ନଷ୍ଟ କଲା (୧୩ ପଦ) | ଯେତେବେଳେ ତା' ଭୁଲ୍ କାର୍ଯ୍ୟର ବୋଧ ପାଇଲା, ସେ ଘରକୁ ଯିବା ନିମନ୍ତେ ନିଷ୍ପତ୍ତି ନେଲା (୧୮ ପଦ) | ସେ ଧରିନେଲା ଯେ, ସେ ଆଉ ପୁତ୍ର ବୋଲି ଡକାଯିବାର ଯୋଗ୍ୟ ନୁହେଁ (୧୯ ପଦ), କିନ୍ତୁ ତାହା ସେପରି ନ ଥିଲା | ପିତା ତାଙ୍କ ବିଦ୍ରୋହୀ ପୁତ୍ରକୁ ପ୍ରତିକ୍ଷଣରେ ଯେପରି ଭଲ ପାଉଥିଲେ, ସେପରି ଭାବେ ତାକୁ ଭଲ ପାଇଲେ (୨୦ ପଦ) | ଈଶ୍ଵର ଏତେ ଉତ୍ତମ ଅଟନ୍ତି ଯେ କ୍ଷମା ଦେବାର ପ୍ରତିଜ୍ଞା ସହ ଈଶ୍ଵର ତାଙ୍କ ସମସ୍ତ ପ୍ରତିଜ୍ଞା ରକ୍ଷା କରନ୍ତି | "ସଦାପ୍ରଭୁ ଭଗ୍ନାନ୍ତଃକରଣମାନଙ୍କର ନିକଟବର୍ତ୍ତୀ ଅଟନ୍ତି ଓ ସେ ଚୂର୍ଣ୍ଣମନାମାନଙ୍କୁ ତ୍ରାଣ କରନ୍ତି |" (ଗୀତସଂହିତା ୩୪:୧୮) |

ଯଦି ଆପଣ ଈଶ୍ଵରଙ୍କ ସହ ସଠିକ୍ ସମ୍ପର୍କ ରଖିବାକୁ ଚାହାନ୍ତି, ତେବେ ଏଠାରେ ଏକ ନମୁନା ପ୍ରାର୍ଥନା ଦତ୍ତ ହେଲା | ମନେ ରଖନ୍ତୁ, ଏହି ପ୍ରାର୍ଥନା କିମ୍ବା ଅନ୍ୟ ଯେକୌଣସି ପ୍ରାର୍ଥନା ଆପଣଙ୍କୁ ଉଦ୍ଧାର କରିବ ନାହିଁ | କେବଳ ଖ୍ରୀଷ୍ଟଙ୍କଠାରେ ଆପଣ ଭରସା ରଖିଲେ ହିଁ ଏହା ଆପଣଙ୍କୁ ପାପରୁ ଉଦ୍ଧାର କରିବ | ଏହି ପ୍ରାର୍ଥନା ହେଉଛି କେବଳ ଈଶ୍ଵରଙ୍କଠାରେ ଆପଣଙ୍କ ଵିଶ୍ଵାସ ଥିବା ବିଷୟଟି ତାଙ୍କୁ ପ୍ରକାଶ କରିବା ପୁଣି ଆପଣଙ୍କୁ ପରିତ୍ରାଣ ଯୋଗାଇବା ନିମନ୍ତେ ତାଙ୍କୁ ଧନ୍ୟବାଦ ଦେବାର ଏକ ପଦ୍ଧତି ଅଟେ | "ଈଶ୍ଵର", ମୁଁ ଜାଣେ ଯେ, ମୁଁ ଆପଣଙ୍କ ବିରୁଦ୍ଧରେ ପାପ କରିଅଛି ଏବଂ ଦଣ୍ଡ ପାଇବାର ଯୋଗ୍ୟ ଅଟେ | କିନ୍ତୁ ମୁଁ ଯେଉ ଦଣ୍ଡ ପାଇବାର ଥିଲା ଯୀଶୁଖ୍ରୀଷ୍ଟ ସେହି ଦଣ୍ଡକୁ ନେଲେ ଯେପରିକି ତାଙ୍କଠାରେ ଵିଶ୍ଵାସ କରିବା ଦ୍ବାରା ମୁଁ କ୍ଷମାପ୍ରାପ୍ତ ହୋଇପାରିବି | ପରିତ୍ରାଣ ନିମନ୍ତେ ମୁଁ ଆପଣଙ୍କ ଠାରେ ମୋର ଵିଶ୍ଵାସ ସ୍ଥାପନ କରୁଅଛି | ଅନନ୍ତ ଜୀବନର ଦାନ ଯେ ଆପଣଙ୍କର ଆଶ୍ଚର୍ଯ୍ୟ ଅନୁଗ୍ରହ ଓ କ୍ଷମାଶୀଳତା, ସେଇଥିଯୋଗୁଁ ଆପଣଙ୍କୁ ଧନ୍ୟବାଦ ଦିଏ! ଆମେନ୍ !"

ଏଠାରେ ଆପଣ ଯାହା ପଢିଲେ ସେହି କାରଣରୁ ଖ୍ରୀଷ୍ଟଙ୍କ ନିମନ୍ତେ ଗୋଟିଏ ନିଷ୍ପତ୍ତି ନେଲେ କି ? ଦୟାକରି ନିମ୍ନରେ ଥିବା "ମୁଁ ଆଜି ଖ୍ରୀଷ୍ଟଙ୍କୁ ଗ୍ରହଣ କଲି" ବୋତାମକୁ କ୍ଲିକ୍ କରନ୍ତୁ



ଓଡିଆ ହୋମ୍ ପେଜକୁ ପ୍ରତ୍ୟାବର୍ତ୍ତନ କରନ୍ତୁ



ମୁଁ କିପରି ଭାବରେ ଈଶ୍ଵରଙ୍କ ସହ ମିଳିତ ହେଉଛି?