ଯେଉଁମାନେ ଯୀଶୁଙ୍କ ବିଷୟରେ ଶୁଣିବାର କେବେ ସୁଦ୍ଧା ସୁଯୋଗ ପାଇନାହାନ୍ତି ସେମାନଙ୍କ ପ୍ରତି କ’ଣ ହେବ?


ପ୍ରଶ୍ନ: ଯେଉଁମାନେ ଯୀଶୁଙ୍କ ବିଷୟରେ ଶୁଣିବାର କେବେ ସୁଦ୍ଧା ସୁଯୋଗ ପାଇନାହାନ୍ତି ସେମାନଙ୍କ ପ୍ରତି କ’ଣ ହେବ? ଈଶ୍ବରଙ୍କ ବିଷୟରେ କେବେ ଶୁଣିନଥିବା ଜଣେ ବ୍ୟକ୍ତିକୁ ଈଶ୍ବର ଦଣ୍ଡ ଦେବେ କି?

ଉତ୍ତର:
“ତାହାଙ୍କ ବିଷୟରେ ଶୁଣିଥିବା” ବା ନ ଶୁଣିଥିବା ପ୍ରତ୍ୟେକ ଲୋକ ଈଶ୍ବରଙ୍କୁ ହିସାବ ଦେବାକୁ ହେବ । ବାଇବଲ ଆମ୍ଭମାନଙ୍କୁ କୁହେ ଯେ ଈଶ୍ବର ପ୍ରକୃତିରେ (ରୋମୀ 1:20) ଏବଂ ଲୋକମାନଙ୍କ ହୃଦୟରେ (ଉପଦେଶକ 3:11) ନିଜକୁ ପ୍ରକାଶ କରିଅଛନ୍ତି । ସମସ୍ୟା ହେଉଛି ଯେ ମନୁଷ୍ୟଜାତି ପାପପୂର୍ଣ୍ଣ ଅଟନ୍ତି; ଆମେ ଈଶ୍ବରଙ୍କ ଜ୍ଞାନକୁ ଏଡାଇ ଦେଇ ତାହାଙ୍କ ବିରୁଦ୍ଧରେ ବିଦ୍ରୋହ କରୁ (ରୋମୀୟ 1:21-23) । ଯଦି ଈଶ୍ବରଙ୍କ ଅନୁଗ୍ରହ ଆମପ୍ରତି ନ ଥାନ୍ତା, ଆମ୍ଭମାନଙ୍କ ହୃଦୟର ପାପପୂର୍ଣ୍ଣ ଇଛା ଅନୁସାରେ ଆମ୍ଭେମାନେ କାର୍ଯ୍ୟ କରିଥାନ୍ତୁ ଓ ଜାଣିପାରିଥାନ୍ତୁ ଯେ ଈଶ୍ବରଙ୍କ ବିହୂନେ ଆମ୍ଭମାନଙ୍କ ଜୀବନ କିପରି ବ୍ୟବହାର ଅଯୋଗ୍ୟ ଓ ଅସୁଖୀ ଅଟେ । ଯେଉଁମାନେ ତାହାଙ୍କୁ ବାରମ୍ବାର ଏଡାଇଚାଲିଛନ୍ତି ସେମାନଙ୍କ ପ୍ରତି ସେ ଏହା କରନ୍ତି (ରୋମୀୟ 1:24-32) ।

ବାସ୍ତବତା ଦୃଷ୍ଟିରୁ ଦେଖିଲେ, ଲୋକମାନେ ଯେ ଈଶ୍ବରଙ୍କ ବିଷୟରେ ଶୁଣିନାହାନ୍ତି, ଏପରି ନୁହେଁ । ବରଂ ସେମାନଙ୍କର ସମସ୍ୟା ହେଉଛି ସେମାନେ ଯାହା ଶୁଣିଅଛନ୍ତି ଓ ପ୍ରକୃତିରେ ଯାହା ଦେଖାଦେଇଛି, ତାହାକୁ ସେମାନେ ଏଡାଇ ଦେଇଛନ୍ତି । ଦ୍ବିତୀୟ ବିବରଣ 4:29 କୁହେ “ମାତ୍ର ସେହି ସ୍ଥାନରୁ ଯେବେ ତୁମ୍ଭେମାନେ ତୁମ୍ଭ ସଦାପ୍ରଭୁ ପରମେଶ୍ବରଙ୍କ ଅନ୍ବେଷଣ କରିବ, ସମସ୍ତ ଅନ୍ତଃକରଣ ଓ ସମସ୍ତ ପ୍ରାଣ ସହ ଅନ୍ବେଷଣ କଲେ ତାହାଙ୍କର ଉଦ୍ଦେଶ୍ୟ ପାଇବ ।” ଏହି ପଦ ଏକ ଗୁରୁତ୍ବପୂର୍ଣ୍ଣ ନୀତି ଶିକ୍ଷା ଦିଏ – ଈଶ୍ବରଙ୍କୁ ପ୍ରକୃତରେ ଖୋଜୁଥିବା ପ୍ରତ୍ୟେକ ବ୍ୟକ୍ତି ତାହାଙ୍କୁ ପାଇବ । ଯଦି ଜଣେ ବ୍ୟକ୍ତି ପ୍ରକୃତରେ ଈଶ୍ବରଙ୍କୁ ଜାଣିବା ନିମନ୍ତେ ଇଛା କରେ, ଈଶ୍ବର ନିଜକୁ ତାହାଠାରେ ପ୍ରକାଶ କରିବେ ।

ସମସ୍ୟାଟି ହେଉଛି “ଯେ ବୁଝେ ଏପରି କେହି ନାହିଁ; ଯେ ଈଶ୍ବରଙ୍କ ଅନ୍ବେଷଣ କରେ ଏପରି ଜଣେ ନାହିଁ ” (ରୋମୀୟ 3:11) । ଲୋକମାନେ ପ୍ରକୃତିରେ ଓ ସେମାନଙ୍କ ନିଜ ହୃଦୟରେ ଥିବା ଈଶ୍ବରଙ୍କ ଜ୍ଞାନକୁ ଏଡାଇ ଦିଅନ୍ତି, ଏବଂ ସେମାନେ ନିଜେ ସୃଷ୍ଟି କରିଥିବା ଏକ “ଈଶ୍ବର”ଙ୍କୁ ଉପାସନା କରିବାକୁ ନିଷ୍ପତ୍ତି ନିଅନ୍ତି । ଖ୍ରୀଷ୍ଟଙ୍କ ସୁସମାଚାର ଶୁଣିବାର ସୁଯୋଗ କେବେ ପାଇନଥିବା ଜଣେ ବ୍ୟକ୍ତିକୁ ଈଶ୍ବର ନରକକୁ ପଠାଇବାର ନ୍ୟାୟ ବା ଅନ୍ୟାୟ ବିଷୟରେ ତର୍କ କରିବା ମୂର୍ଖତା ଅଟେ । ଈଶ୍ବର ଲୋକମାନଙ୍କୁ ଯାହା ପ୍ରକାଶ କରିଅଛନ୍ତି ସେଥିପାଇଁ ସେମାନେ ଈଶ୍ବରଙ୍କ ନିକଟରେ ଦାୟୀ ରୁହନ୍ତି । ବାଇବଲ କୁହେ ଯେ ଲୋକମାନେ ଏହି ଜ୍ଞାନକୁ ଏଡାଇ ଦିଅନ୍ତି, ସେଥିପାଇଁ ସେମାନଙ୍କୁ ନରକ ଦଣ୍ଡ ଦେବା ଈଶ୍ବରଙ୍କ ପକ୍ଷରେ ନ୍ୟାୟ ଅଟେ ।

ଯେଉଁମାନେ କେବେ ଶୁଣିନାହାନ୍ତି ସେମାନଙ୍କର ଭାଗ୍ୟ ବା ଅବସ୍ଥା କ’ଣ ହେବ ସେ ବିଷୟରେ ତର୍କ ନ କରି, ଖ୍ରୀଷ୍ଟିୟାନ ଭାବରେ ସେମାନେ ଯେପରି ତାହା ଶୁଣିପାରିବେ ସେଥିପାଇଁ ଆମ୍ଭମାନଙ୍କର ପାରୁପର୍ଯ୍ୟନ୍ତ ଚେଷ୍ଟା କରିବା । ସମଗ୍ର ଜାତି ନିକଟରେ ସୁସମାଚାର ପ୍ରସାର କରିବା ନିମନ୍ତେ ଆମ୍ଭମାନଙ୍କୁ କୁହାଯାଇଛି (ମାଥିଉ 28:19-20; ପ୍ରେରିତ 1:8) । ଆମେ ଜାଣୁ ଯେ ପ୍ରକୃତିରେ ପ୍ରକାଶ କରାଯାଇଥିବା ଈଶ୍ବରଙ୍କ ଜ୍ଞାନକୁ ଲୋକମାନେ ଏଡାନ୍ତି, ଏବଂ ଯୀଶୁଖ୍ରୀଷ୍ଟଙ୍କ ଦ୍ବାରା ଶୁଭ ସମ୍ବାଦ ଘୋଷଣା କରିବା ନିମନ୍ତେ ସେହି ବିଷୟ ଆମ୍ଭମାନଙ୍କୁ ପ୍ରେରଣା ଦେବା ନିହାତି ଆବଶ୍ୟକ । ପ୍ରଭୁ ଯୀଶୁଖ୍ରୀଷ୍ଟଙ୍କ ଦ୍ବାରା ଈଶ୍ବରଙ୍କ ଅନୁଗ୍ରହକୁ ଗ୍ରହଣ କରିବା ଦ୍ବାରା ହିଁ ଲୋକମାନେ ସେମାନଙ୍କ ପାପରୁ ଉଦ୍ଧାର ପାଇପାରିବେ ଏବଂ ଈଶ୍ବରଙ୍କ ବିହୂନେ ଅନନ୍ତକାଳ ଅଲଗା ହୋଇ ରହିବା ଅବସ୍ଥାରୁ ରକ୍ଷା ପାଇପାରିବେ ।

ଯେଉଁମାନେ କେବେ ସୁଦ୍ଧା ଈଶ୍ବରଙ୍କ ବାକ୍ୟ ଶୁଣିନାହାନ୍ତି ସେମାନେ ସେ ବିଷୟରେ ଈଶ୍ବରଙ୍କ ଅନୁଗ୍ରହ ପାଇବେ ବୋଲି ଯଦି ଆମେ ଧରି ନେଉ, ତେବେ ଆମେ ଏକ ଭୟଙ୍କର ସମସ୍ୟା ମଧ୍ୟକୁ ଚାଲିଯିବା । ସୁସମାଚାର କେବେ ଶୁଣିନଥିବା ଲୋକମାନେ ଯଦି ଉଦ୍ଧାର ପାଆନ୍ତି, ତେବେ ଲୋକମାନେ କେବେ ସୁସମାଚାର ନ ଶୁଣନ୍ତୁ ବୋଲି ଆମେ ନିଶ୍ଚିତ କରିବା ତର୍କ ଦୃଷ୍ଟିକୋଣରୁ ଠିକ୍‍ ହେବ । ସବୁଠାରୁ ଅଧିକ ଭୟଙ୍କର ବିଷୟ ହେଉଛି ଯଦି ଆମେ ଜଣେ ବ୍ୟକ୍ତିଙ୍କ ନିକଟରେ ସୁସମାଚାର ପ୍ରଚାର କରିବା ଓ ଶୁଣୁଥିବା ବ୍ୟକ୍ତି ଏହାକୁ ଏଡାଇ ଦେବ । ଯଦି ସେପରି ହେଉଥାନ୍ତା, ତେବେ ସେ ଦୋଷୀ ହୋଇଥାନ୍ତେ ବା ଦଣ୍ଡ ପାଇଥାନ୍ତେ । ଯେଉଁମାନେ ସୁସମାଚାର ଶୁଣୁନାହାନ୍ତି, ସେମାନେ ନିହାତି ଦଣ୍ଡ ପାଇବା ଉଚିତ, ଯଦି ସେପରି ନ ହୁଏ, ତେବେ ସୁସମାଚାର କାର୍ଯ୍ୟ କରିବା ପାଇଁ ଆମ୍ଭମାନଙ୍କୁ ପ୍ରେରଣା ମିଳନ୍ତା ନାହିଁ । ଲୋକମାନେ ଯଦି ସୁସମାଚାର ନ ଶୁଣିଥିବା ଦ୍ବାରା ପୂର୍ବରୁ ହିଁ ଉଦ୍ଧାର ପାଇଯାଇଛନ୍ତି, ତେବେ ଆମେ କାହିଁକି ସୁସମାଚାର ପ୍ରଚାର କରିବା ଓ ସୁସମାଚାର ଏଡାଇଲେ ଯେଉଁ ଦଣ୍ଡ ରହିଛି, ସେମାନଙ୍କ ନିକଟକୁ କାହିଁକି ସେହି ସାମ୍ଭାବ୍ୟ ଦଣ୍ଡକୁ ଡାକିଆଣିବା?



ଓଡିଆ ପେଜ୍ କୁ ପ୍ରତ୍ୟାବର୍ତ୍ତନ କରନ୍ତୁ



ଯେଉଁମାନେ ଯୀଶୁଙ୍କ ବିଷୟରେ ଶୁଣିବାର କେବେ ସୁଦ୍ଧା ସୁଯୋଗ ପାଇନାହାନ୍ତି ସେମାନଙ୍କ ପ୍ରତି କ’ଣ ହେବ? ଈଶ୍ବରଙ୍କ ବିଷୟରେ କେବେ ଶୁଣିନଥିବା ଜଣେ ବ୍ୟକ୍ତିକୁ ଈଶ୍ବର ଦଣ୍ଡ ଦେବେ କି?