ଯୀଶୁ ଆମ୍ଭମାନଙ୍କ ପାପ ଯୋଗୁଁ ମୃତ୍ୟୁଭୋଗ କରିବା ପୂର୍ବରୁ ଲୋକମାନେ କିପରି ଉଦ୍ଧାରପ୍ରାପ୍ତ ହେଉଥିଲେ?


ପ୍ରଶ୍ନ: ଯୀଶୁ ଆମ୍ଭମାନଙ୍କ ପାପ ଯୋଗୁଁ ମୃତ୍ୟୁଭୋଗ କରିବା ପୂର୍ବରୁ ଲୋକମାନେ କିପରି ଉଦ୍ଧାରପ୍ରାପ୍ତ ହେଉଥିଲେ?

ଉତ୍ତର:
ମନୁଷ୍ୟର ପତନଠାରୁ, ଖ୍ରୀଷ୍ଟଙ୍କ ମୃତ୍ୟୁ ହିଁ ପରିତ୍ରାଣର ଆଧାର ବା ମୂଳମନ୍ତ୍ର ଭାବରେ ରହିଆସିଛି । (ଯୀଶୁଙ୍କ) କ୍ରୁଶ ପୂର୍ବରୁ ବା (ଯୀଶୁଙ୍କ) କ୍ରୁଶ ପରେ ପୃଥିବୀ ଇତିହାସର ସେହି ମୁଖ୍ୟ ଘଟନା ଛଡା କୌଣସି ବ୍ୟକ୍ତି ଉଦ୍ଧାର ପାଇନାହାନ୍ତି । ଖ୍ରୀଷ୍ଟଙ୍କ ମୃତ୍ୟୁ ପୁରାତନ ନିୟମରେ ଥିବା ସାଧୁମାନଙ୍କ ପୂର୍ବ ପାପଗୁଡିକର ଓ ନୂତନ ନିୟମରେ ଥିବା ସାଧୁମାନଙ୍କର ଭବିଷ୍ୟତ ପାପର ପାଉଣାକୁ ପରିଶୋଧ କଲା ।

ପରିତ୍ରାଣର ଆବଶ୍ୟକତା ସର୍ବଦା ବିଶ୍ବାସରୁ ହୋଇଛି । ଜଣେ ବ୍ୟକ୍ତିଙ୍କ ପରିତ୍ରାଣର ବିଶ୍ବାସର ବିଷୟ ସର୍ବଦା ଈଶ୍ବର ଅଟନ୍ତି । ଗୀତରଚକ ଲେଖିଲେ “ପୁତ୍ରଙ୍କୁ ଚୁମ୍ବନ କର, ନୋହିଲେ ସେ କ୍ରୁଦ୍ଧ ହେବେ ଓ ତୁମ୍ଭେମାନେ ପଥରେ ବିନଷ୍ଟ ହେବ“ (ଗୀତ 2:12) । ଆଦି 15:6 ଆମ୍ଭମାନଙ୍କୁ କୁହେ ଯେ ଅବ୍ରହାମ ଈଶ୍ବରଙ୍କଠାରେ ବିଶ୍ବାସ କଲେ ଓ ତାହା ତାହାଙ୍କୁ ଧାର୍ମିକଗଣନା କରିବା ନିମନ୍ତେ ଯଥେଷ୍ଟ ଥିଲା (ରୋମୀୟ 4:3-8 ମଧ୍ୟ ଦେଖନ୍ତୁ) । ଏବ୍ରୀ 10:1-10 ଯେପରି ଶିକ୍ଷା ଦେଇଥାଏ, ସେହି ଶିକ୍ଷା ଅନୁଯାୟୀ ପୁରାତନ ନିୟମରେ ଥିବା ବଳିଦାନ ପ୍ରଥା ପାପକୁ ନେଇଯାଏ ନାହିଁ, ଅଥଚ, ଏହା ସେହି ଦିନକୁ ଦେଖାଇଥାଏ ଯେଉଁଦିନ ଈଶ୍ବରଙ୍କ ପୁତ୍ର ପାପପୂର୍ଣ୍ଣ ମାନବଜାତି ନିମନ୍ତେ ତାହାଙ୍କ ରକ୍ତ ବୁହାଇବେ ।

ଯୁଗ ଯୁଗ ଧରି ଯେଉଁ ବିଷୟ ପରିବର୍ତ୍ତିତ ହୋଇଛି, ତାହା ହେଉଛି ଜଣେ ବିଶ୍ବାସୀଙ୍କ ବିଶ୍ବାସର ବିଷୟବସ୍ତୁ । କେଉଁ ବିଷୟକୁ ନିହାତି ବିଶ୍ବାସ କରାଯିବ ସେହି କଥା ସେ ବିଷୟରେ ଈଶ୍ବରଙ୍କ ଆବଶ୍ୟକତା ସେହି ପ୍ରକାଶନର ପରିମାଣ ଉପରେ ଆଧାରିତ ଯାହା ସେ ସେହି ସମୟ ପର୍ଯ୍ୟନ୍ତ ମନୁଷ୍ୟଜାତି ନିକଟରେ ନିଜକୁ ପ୍ରକାଶ କରିଛନ୍ତି । ଆଦି 3:15ରେ ଥିବା ପ୍ରତିଜ୍ଞାକୁ ଆଦମ ବିଶ୍ବାସ କଲେ ଯେ ନାରୀଙ୍କ ଗର୍ଭରୁ ଜନ୍ମ ସନ୍ତାନ ଶୟତାନକୁ ଜୟଯୁକ୍ତ କରିବେ । ଆଦମ ତାହାଙ୍କ କଥାରେ ବିଶ୍ବାସ କଲେ, ହବାଙ୍କୁ ସେ ଦେଇଥିବା ନାମରେ ତାହାକୁ ପ୍ରକାଶ କଲେ (20 ପଦ) ଏବଂ ପ୍ରଭୁ ଚମଡାର ବସ୍ତ୍ର ତିଆରି କରି ତାହାଙ୍କ ଗ୍ରହଣ କରିବା କାର୍ଯ୍ୟ ସେମାନଙ୍କୁ ସାଙ୍ଗେ ସାଙ୍ଗେ ଦର୍ଶାଇଲେ (21 ପଦ) । ସେହି ସମୟରେ ଆଦମ କେବଳ ସେତିକି ଜାଣିଥିଲେ, କିନ୍ତୁ ସେ ତାହା ବିଶ୍ବାସ କଲେ ।

ଆଦି 12 ଓ 15ରେ ଈଶ୍ବର ଅବ୍ରହାମଙ୍କ ନିକଟରେ ଯେଉଁ ପ୍ରତିଜ୍ଞା କରିଥିଲେ ଓ ଯେଉଁଭଳି ଭାବରେ ନିଜକୁ ପ୍ରକାଶ କଲେ ସେଥିରେ ଅବ୍ରହାମ ଈଶ୍ବରଙ୍କଠାରେ ବିଶ୍ବାସ କଲେ । ମୋଶାଙ୍କ ପୂର୍ବରୁ ଶାସ୍ତ୍ରର କୌଣସି ବିଷୟ ଲେଖାଯାଇନଥିଲା, କିନ୍ତୁ ଈଶ୍ବର ଯାହା ପ୍ରକାଶ କରିଥିଲେ ସେଥିପ୍ରତି ମନୁଷ୍ୟର ଦାୟିତ୍ବ ରହିଥିଲା । ପୁରାତନ ନିୟମ ସାରା, ବିଶ୍ବାସୀମାନେ ପରିତ୍ରାଣ ପାଇଲେ କାରଣ ସେମାନେ ବିଶ୍ବାସ କରିଥିଲେ ଯେ ଈଶ୍ବର ଦିନେ ସେମାନଙ୍କ ପାପର ସମସ୍ୟାକୁ ସମାଧାନ କରିବେ । ଆଜି, ଆମେ ପଛକୁ ଚାହିଁ ଦେଖିଲେ ଆମେ ବିଶ୍ବାସ କରୁ ଯେ ସେ ଆମ୍ଭମାନଙ୍କ ପାପକୁ କ୍ରୁଶରେ ନେଇସାରିଛନ୍ତି (ଯୋହନ 3:16; ଏବ୍ରୀ 9:28)

ଖ୍ରୀଷ୍ଟଙ୍କ ସମୟରେ ଥିବା ବିଶ୍ବାସୀ, (ଯୀଶୁଙ୍କ) କ୍ରୁଶ ପୂର୍ବରୁ ଓ ପୁନରୁତ୍ଥାନ ପୂର୍ବରୁ ଥିବା ବିଶ୍ବାସୀମାନଙ୍କ ବିଷୟରେ କ’ଣ କୁହାଯିବ? ସେମାନେ କେଉଁ ବିଷୟକୁ ବିଶ୍ବାସ କରୁଥିଲେ? ସେମାନଙ୍କ ପାପ ନିମନ୍ତେ ଖ୍ରୀଷ୍ଟ ମରିବାର ପୂରା ଛବିକୁ ବୁଝିପାରିଥିଲେକି? ଯୀଶୁଙ୍କ ସେବାକାର୍ଯ୍ୟର ଶେଷ ଭାଗ ଆଡକୁ, “ସେହି ସମୟଠାରୁ ଯୀଶୁଖ୍ରୀଷ୍ଟ ଆପଣା ଶିଷ୍ୟମାନଙ୍କୁ ବୁଝାଇବାକୁ ଲାଗିଲେ ଯେ, ତାହାଙ୍କୁ ଅବଶ୍ୟ ଯିରୁଶାଲମକୁ ଯିବାକୁ ହେବ ଏବଂ ପ୍ରାଚୀନ, ପ୍ରଧାନ ଯାଜକ ଓ ଶାସ୍ତ୍ରୀମାନଙ୍କ ହସ୍ତରେ ବହୁତ ଦୁଃଖଭୋଗ କରି ହତ ହେବାକୁ ହେବ, ପୁଣି ତୃତୀୟ ଦିବସରେ ଉତ୍ଥିତ ହେବାକୁ ହେବ । ସେଥିରେ ପିତର ତାହାଙ୍କୁ ଗୋଟିଏ ପାଖକୁ ଘେନିଯାଇ ଅନୁଯୋଗ କରି କହିବାକୁ ଲାଗିଲେ, ହେ ପ୍ରଭୁ, ଈଶ୍ବର ଆପଣଙ୍କୁ ଦୟା କରନ୍ତୁ, ଏହା ଆପଣଙ୍କ ପ୍ରତି କେବେ ହେଁ ନ ଘଟୁ“ (ମାଥିଉ 16:21-22) । ଏହି ସମ୍ବାଦ ବା ବାର୍ତ୍ତା ଶୁଣି ଶିଷ୍ୟମାନେ କିପରି ପ୍ରତିକ୍ରିୟା ରଖିଥିଲେ? “ସେଥିରେ ପିତର ତାହାଙ୍କୁ ଗୋଟିଏ ପାଖକୁ ଘେନିଯାଇ ଅନୁଯୋଗ କରି କହିବାକୁ ଲାଗିଲେ ‘ହେ ପ୍ରଭୁ, ଈଶ୍ବର ଆପଣଙ୍କୁ ଦୟା କରନ୍ତୁ, ଏହା ଆପଣଙ୍କ ପ୍ରତି କେବେ ହେଁ ନ ଘଟୁ’“ ପିତର ଓ ଅନ୍ୟ ଶିଷ୍ୟମାନେ ପୂର୍ଣ୍ଣ ସତ୍ୟତାକୁ ଜାଣିପାରିନଥିଲେ, ତଥାପି ସେମାନେ ଉଦ୍ଧାର ପାଇଥିଲେ କାରଣ ସେମାନେ ବିଶ୍ବାସ କରିଥିଲେ ଯେ ଈଶ୍ବର ସେମାନଙ୍କ ପାପ ସମସ୍ୟାର ସମାଧାନ କରିବେ । ଈଶ୍ବର କିପରି ଭାବରେ କରିବେ ତାହା ସେମାନେ ଅବିକଳ ଜାଣିନଥିଲେ; ଆଦମ, ଅବ୍ରହାମ, ମୋଶା ଓ ଦାଉଦ ଯେପରି ଭାବରେ ଏହା ଜାଣିଥିଲେ ସେମାନେ ସେପରି ଏହାକୁ ଜାଣିପାରିନଥିଲେ, କିନ୍ତୁ ସେମାନେ ଈଶ୍ବରଙ୍କଠାରେ ବିଶ୍ବାସ କରିଥିଲେ ।

ଖ୍ରୀଷ୍ଟଙ୍କ ପୁନରୁତ୍ଥାନ ପୂର୍ବରୁ ଥିବା ଲୋକମାନେ ଯେପରି ଈଶ୍ବରଙ୍କ ପ୍ରକାଶନ ପାଇଥିଲେ ତାହା ଅପେକ୍ଷା ଆମେ ଅଧିକ ପ୍ରକାଶନ ପାଇଛୁ; ଆମେ ସମ୍ପୂର୍ଣ୍ଣ ଛବି ପାଇଛୁ । “ଈଶ୍ବର ପୁରାକାଳରେ ବିଭିନ୍ନ ଭାଗରେ ଓ ବିଭିନ୍ନ ପ୍ରକାରେ ଭାବବାଦୀମାନଙ୍କ ଦ୍ବାରା ପିତୃପୁରୁଷମାନଙ୍କୁ କଥା କହି ଏହି ଶେଷକାଳରେ ପୁତ୍ରଙ୍କ ଦ୍ବାରା ଆମ୍ଭମାନଙ୍କୁ କଥା କହିଅଛନ୍ତି । ତାହାଙ୍କୁ ସେ ସମସ୍ତ ବିଷୟର ଅଧିକାର କରି ନିଯୁକ୍ତ କଲେ । ତାହାଙ୍କ ଦ୍ବାରା ମଧ୍ୟ ସମସ୍ତ ବିଷୟ ସୃଷ୍ଟ କଲେ“ (ଏବ୍ରୀ 1:1-2) । ଆମ୍ଭମାନଙ୍କର ପରିତ୍ରାଣ ଏବେ ସୁଦ୍ଧା ଖ୍ରୀଷ୍ଟଙ୍କ ମୃତ୍ୟୁ ଉପରେ ଆଧାରିତ ଅଟେ, ପରିତ୍ରାଣ ପାଇବା ପାଇଁ ଆମେ ଏବେ ସୁଦ୍ଧା ବିଶ୍ବାସ କରିବାର ଆବଶ୍ୟକତା ରହିଛି, ଏବଂ ଈଶ୍ବର ଏବେ ସୁଦ୍ଧା ଆମ ବିଶ୍ବାସର ବିଷୟ ଅଟନ୍ତି । ଯୀଶୁଖ୍ରୀଷ୍ଟ ଆମ୍ଭମାନଙ୍କ ପାପ ପାଇଁ ମଲେ, ସେ ସମାଧିପ୍ରାପ୍ତ ହେଲେ, ଏବଂ ସେ ତୃତୀୟ ଦିନରେ ଉଠିଲେ (1କରିନ୍ଥୀୟ 15:3-4) ଏହି ବିଷୟ ଆମ୍ଭମାନଙ୍କ ନିମନ୍ତେ ଆଜି ବିଶ୍ବାସର ବିଷୟବସ୍ତୁ ଅଟେ ।



ଓଡିଆ ପେଜ୍ କୁ ପ୍ରତ୍ୟାବର୍ତ୍ତନ କରନ୍ତୁ



ଯୀଶୁ ଆମ୍ଭମାନଙ୍କ ପାପ ଯୋଗୁଁ ମୃତ୍ୟୁଭୋଗ କରିବା ପୂର୍ବରୁ ଲୋକମାନେ କିପରି ଉଦ୍ଧାରପ୍ରାପ୍ତ ହେଉଥିଲେ?