ଖ୍ରୀଷ୍ଟିୟମତରେ ଆତ୍ମହତ୍ୟା କ'ଣ? ଆତ୍ମହତ୍ୟା ବିଷୟରେ ବାଇବଲ୍ କ'ଣ କୁହେ?



ପ୍ରଶ୍ନ: ଖ୍ରୀଷ୍ଟିୟମତରେ ଆତ୍ମହତ୍ୟା କ'ଣ? ଆତ୍ମହତ୍ୟା ବିଷୟରେ ବାଇବଲ୍ କ'ଣ କୁହେ?

ଉତ୍ତର:
ବାଇବଲ ନିର୍ଦ୍ଧିଷ୍ଟ ଛ' ଜଣଙ୍କ ବିଷୟରେ ଉଲ୍ଲେଖ କରେ ଯେଉଁମାନେ କି ଆତ୍ମହତ୍ୟା କରିଥିଲେ: ଅବୀମେଲକ୍ (ବିଚାରକର୍ତ୍ତା ୯:୫୪), ଶାଉଲ (୧ଶାମୁୟେଲ ୩୧:୪), ଶାଉଲଙ୍କ ଅସ୍ତ୍ରବାହକ (୧ଶାମୁୟେଲ ୩୧:୪-୬), ଅହୀଥୋଫଲ୍ (୨ଶାମୁୟେଲ ୧୭:୨୩), ସିମ୍ରି (୧ରାଜାବଳୀ ୧୬:୧୮), ଏବଂ ଈଷ୍କୋରିୟୋଥ ଯିହୂଦା (ମାଥିଉ ୨୭:୫) | ସେମାନଙ୍କ ମଧ୍ୟରୁ ପାଞ୍ଚ ଜଣ ଦୁଷ୍ଟ ଓ ପାପପୂର୍ଣ୍ଣ ବ୍ୟକ୍ତି ଥିଲେ (ଶାଉଲଙ୍କ ଅସ୍ତ୍ରବାହକଙ୍କ ଚରିତ୍ର ବିଷୟରେ ବିଚାର କରି ଯଥେଷ୍ଟ କିଛି କୁହାଯାଇପାରିବ ନାହିଁ) | କେତେକ ଶାମଶୋନଙ୍କୁ ଆତ୍ମହତ୍ୟା ଘଟନାରେ ବିଚାରକୁ ନିଅନ୍ତି (ବିଚାରକର୍ତ୍ତା ୧୬:୨୬-୩୧), କିନ୍ତୁ ଶାମଶୋନଙ୍କ ଲକ୍ଷ୍ୟ ନିଜକୁ ହତ୍ୟା କରିବା ନ ଥିଲା କିନ୍ତୁ ପଲେଷ୍ଟିୟମାନଙ୍କୁ | ବାଇବଲ ଆତ୍ମହତ୍ୟାକୁ ନରହତ୍ୟା ଭାବରେ ଦେଖେ, ଯାହାକି ନିଜକୁ ହତ୍ୟା କରିବା | ଜଣେ ବ୍ୟକ୍ତି କେତେବେଳେ ଓ କିପରି ମୃତ୍ୟୁଭୋଗ କରିବ ତାହା କେବଳ ଈଶ୍ବର ଏକମାତ୍ର ବ୍ୟକ୍ତି ଭାବେ ନିଷ୍ପତ୍ତି ନେବା କଥା |

ବାଇବଲ ଅନୁଯାୟୀ, ଜଣେ ବ୍ୟକ୍ତି ସ୍ବର୍ଗରେ ପ୍ରବେଶ କରିପାରେ ନା ନାହିଁ ସେ ବିଷୟ ଆତ୍ମହତ୍ୟା ନିର୍ଦ୍ଧାରଣ କରେନାହିଁ | ଯଦି ଜଣେ ଉଦ୍ଧାରପାଇନଥିବା ବ୍ୟକ୍ତି ଆତ୍ମହତ୍ୟା କରେ, ସେ କିଛି କରିନାହିଁ କିନ୍ତୁ ନରକକୁ ତା' ଯାତ୍ରାକୁ ତ୍ବାରାନ୍ମିତ କରେ | ଅଥଚ, ଆତ୍ମହତ୍ୟା କରିଥିବା ସେହି ବ୍ୟକ୍ତି ଆତ୍ମହତ୍ୟା କରିଥିବା କାରଣ ଯୋଗୁଁ ଯେ ପରିଶେଷରେ ନରକରେ ରୁହେ ତାହା ନୁହେଁ କିନ୍ତୁ ଖ୍ରୀଷ୍ଟଙ୍କ ଦ୍ବାରା ପରିତ୍ରାଣକୁ ଉପେକ୍ଷା କରିଥିବାରୁ ସେ ନରକରେ ରୁହେ | ଜଣେ ଆତ୍ମହତ୍ୟା କରିଥିବା ଖ୍ରୀଷ୍ଟିୟାନ ବିଷୟରେ ବାଇବଲ କ'ଣ କୁହେ? ବାଇବଲ ଶିକ୍ଷା ଦିଏ ଯେ ଆମେ ବାସ୍ତବରେ ଖ୍ରୀଷ୍ଟଙ୍କଠାରେ ବିଶ୍ବାସ କରିବା କ୍ଷଣରୁ ଆମେ ଅନନ୍ତଜୀବନର ନିଶ୍ଚିତତା ପାଉ (୧ଯୋହନ ୩:୧୬) | ବାଇବଲ ଅନୁଯାୟୀ, ସନ୍ଦେହର ଊର୍ଦ୍ଧ୍ବରେ ରହି ଜାଣିପାରେ ଯେ, ସେ ଅନନ୍ତ ଜୀବନ ପାଇଛି (୧ଯୋହନ ୫:୧୩) | ଈଶ୍ବରଙ୍କ ପ୍ରେମରୁ କୌଣସି ବିଷୟ ଖ୍ରୀଷ୍ଟିୟାନକୁ ପୃଥକ୍ କରିପାରିବ ନାହିଁ, ଏପରିକି ଆତ୍ମହତ୍ୟା କରିଥିବା ଜଣେ ଖ୍ରୀଷ୍ଟିୟାନ ଏକ "ସୃଷ୍ଟ ବିଷୟ" ଅଟେ, ତେବେ ଏପରିକି ଆତ୍ମହତ୍ୟା ମଧ୍ୟ ଈଶ୍ବରଙ୍କ ପ୍ରେମରୁ ଜଣେ ଖ୍ରୀଷ୍ଟିୟାନକୁ ପୃଥକ୍ କରିପାରିବ ନାହିଁ | ଖ୍ରୀଷ୍ଟ ଆମ ସମସ୍ତଙ୍କର ପାପ ନିମନ୍ତେ ମୃତ୍ୟୁଭୋଗ କଲେ, ଏବଂ ଏକ ବାସ୍ତବ ଖ୍ରୀଷ୍ଟିୟାନ ଆତ୍ମିକ ଆକ୍ରମଣ ଓ ଦୁର୍ବଳତା ସମୟରେ ଆତ୍ମହତ୍ୟା କରେ, ତେବେ ସେହି ପାପ ମଧ୍ୟ ଖ୍ରୀଷ୍ଟଙ୍କ ରକ୍ତ ଦ୍ବାରା ଆଚ୍ଛାଦିତ ହୋଇପାରୁଥିବା ଏକ ପାପ ହେବ |

ଆତ୍ମହତ୍ୟା ତଥାପି ଈଶ୍ବରଙ୍କ ବିରୁଦ୍ଧରେ ଏକ ଗୁରୁତର ପାପ ଅଟେ | ବାଇବଲ ଅନୁଯାୟୀ, ଆତ୍ମହତ୍ୟା ହେଉଛି ହତ୍ୟା; ଏହା ସର୍ବଦା ଭୁଲ୍ ଅଟେ | ଯେଉଁ ବ୍ୟକ୍ତି ନିଜକୁ ଖ୍ରୀଷ୍ଟିୟାନ ବୋଲି ଘୋଷଣା କରେ ତଥାପି ଆତ୍ମହତ୍ୟା କରେ, ତା' ବିଶ୍ବାସର ଯଥାର୍ଥତା ଉପରେ ଗୁରୁତର ସନ୍ଦେହ ପ୍ରକଟ କରାଯିବା ଉଚିତ୍ | ଏପରି କୌଣସି ପରିସ୍ଥିତି ନାହିଁ, ଯେଉଁଥିପାଇଁ ଜଣେ ବ୍ୟକ୍ତି, ବିଶେଷତଃ ଜଣେ ଖ୍ରୀଷ୍ଟିୟାନ ତା' ନିଜ ଜୀବନ ନେବା ଯୁକ୍ତିଯୁକ୍ତ ବୋଲି କୁହାଯାଇପାରିବ | ଖ୍ରୀଷ୍ଟିୟାନମାନେ ଈଶ୍ବରଙ୍କ ନିମନ୍ତେ ସେମାନଙ୍କ ଜୀବନ ଜୀଇଁବା ନିମନ୍ତେ ଆହ୍ବାନ ପ୍ରାପ୍ତ ଅଟନ୍ତି ଏବଂ କେତେବେଳେ ମୃତ୍ୟୁ ହେବ ତାହାର ନିଷ୍ପତ୍ତି ଈଶ୍ବରଙ୍କର ଓ କେବଳ ଈଶ୍ବରଙ୍କର ଅଟେ | ଯଦିଓ ୧କରିନ୍ଥୀୟ ୩:୧୫ ଆତ୍ମହତ୍ୟା ବର୍ଣ୍ଣନା କରେନାହିଁ, ତଥାପି ଜଣେ ଖ୍ରୀଷ୍ଟିୟାନ ଆତ୍ମହତ୍ୟା କଲେ କ'ଣ ହୁଏ, ଏ ବିଷୟରେ ଏହା ଏକ ଉତ୍ତମ ବର୍ଣ୍ଣନ : "ଯଦି କାହାରି କର୍ମ ପୋଡିଯିବ, ତା'ର କ୍ଷତି ହେବ, ତଥାପି ସେ ନିଜେ ରକ୍ଷା ପାଇବ |"



ଓଡିଆ ହୋମ୍ ପେଜକୁ ପ୍ରତ୍ୟାବର୍ତ୍ତନ କରନ୍ତୁ



ଖ୍ରୀଷ୍ଟିୟମତରେ ଆତ୍ମହତ୍ୟା କ'ଣ? ଆତ୍ମହତ୍ୟା ବିଷୟରେ ବାଇବଲ୍ କ'ଣ କୁହେ?