Fesili
O le a le vaaiga a le Kerisiano i le ua pule i lona ola? O le a le aoaoga a le Tusi Paia i lea mea?
Tali
E faatatau i le Tusi Paia, poo le pule o se tasi i lona ola pe leai e le faatatau lava iai lona ulufale atu i le lagi. Afai e pule i le ola se tasi e le'i faaolaina, e leai se mea tele ua faia e lena tagata, ae pau le mea, ua ia "faavavevaveina" lana faigamalaga i le lepa afi. O le mea moni lava, o le tagata ua pule i lona ola ua muamua atu i seoli e nofomau ai ona o lona fulitua i le faaolataga e ala ia Keriso, ae e le ina ua pule o ia i lona ola. O loo manino lelei i le Tusi Paia ni tagata sa pule i o latou ola: Apimeleka (Faamasino 9:54), Saulo (I Samuelu 31:4), O le soatau a Saulo (I Samuelu 31:4-6), Aitofele (2 Samuelu 17:23), Semeri (I Tupu 16:18), ma Iuta (Mataio 27:50. O i latou nei ta'itoatasi o ni tagata amio leaga, ulufia e le tiapolo, ma o ni tamaloloa agasala (e le lava tusitusiga e uiga i le soatau a Saulo e mafai ona faia ai se faai'uga o lea tagata ma ona uiga). O niisi ua manatu o Samasoni foi le tasi na pule i lona ola (Faamasino 16:26-31), ae o le tumutumuga o le manaoga o Samasoni ina ia fasiotia Filisitia; ae le o ia. O le vaaiga a le Tusi Paia i le pule i le ola e tutusa lelei ma le fasioti tagata -- o le mea lava e tasi -- o le fasiotia e le tagata o ia lava. O le Atua e ana le filifiliga i le taimi ma le auala e fa'agata ai aso o le soifuaga o le tagata. O le pulea la e le tagata ma avea le mana o lea Pule i ona lava lima, e tusa ma le upu a le Tusi Paiae faapea o le anatema lea i le Atua.
O le a la le aoaoga a le Tusi Paia e faatatau i le Kerisiano ua pule i lona ola? Ou te le talitonu ua leiloa le faaolataga o se Kerisiano ua pule i lona ola, ma ua alu o ia i seoli. seoli. O loo a'oa'oina e le Tusi Paia faapea o le taimi e talitonu ai se tasi ia Keriso, ua maua e lea tagata le ola e faavavau. Fai mai le Tusi Paia, e mafai e Kerisiano ona iloa i luma atu o le masalosalo, o loo ia te i latou le ola e faavavau e tusa lava poo a tulaga e oo iai. "Ua ou tusi atu nei mea ia te outou o e faatuatua i le suafa o le Alo o le Atua, ina ia outou iloa ai ua ia te outou le ola e faavavau, ina ia outou faatuatua foi i le suafa o le Alo o le Atua" (I Ioane 5:13). E leai se mea na te mafaia ona tu'ueseeseina le Kerisiano ma le alofa o le Atua! "Aua ua ou mautinoa, e le mafaia e le oti, po o le ola, po o agelu, po o alii, po o e malolosi, po o mea i nei ona po, po o agelu, po o alii, po o e malolosi, po o mea i nei ona po, po o mea atali, po o le maualuga, po o le loloto, po o se tasi mea na faia, e le mafaia e ia mea ona faateaeseina mai i tatou i le alofa o le Atua, o oo ia Keriso Iesu lo tatou Alii" (Roma 8:38-39). Afai e le mafaia e se "mea na faia" ona faateaeseina se Kerisiano mai le alofa o le Atua, ma o le Kerisiano ua pule i lona ola o se "mea ua na faia," o lona uiga, e ui ina ua pule i le ola, e le mafaia lava e lena tulaga ona faateaeseina ai o ia mai le alofa o le Atua. Na maliu Iesu mo a tatou agasala uma...ma afai o se Kerisiano moni, i se taimi ua faataugaina ai o ia i se taua faaleagaga ma ua vaivai ai ma pule i lona ola -- e avea lava lena agasala ma mafua'aga na maliu ai Iesu.
E le faapea la o le pule i le ola e le o se agasala matuia e faasagatau i le Atua. A faatatau i le Tusi Paia, o le pule i le ola o le fasioti tagata, o se tulaga e matua sese lava. Ou te masalosalo lelei pe moni le faatuatua o soo se tasi ua taua o le Kerisiano ae ua pule i lona ola. E leai se tulaga e mafai ona ta'uamiotonuina ai se tasi, ae maise o se Kerisiano, ua pule i lona lava ola. Ua valaauina Kerisiano ina ia ave o latou ola mo le Atua -- o le filifiliga i le taimi e faamuta ai lona soifua e i le Atua ma e na o le Atua e toatasi. Pe mata o se ala lelei lava e faata'ita'i ai le pule i le ola o le Kerisiano e maua lea i le Tusi o Eseta. I Peresia, o loo iai se tulafono e faapea afai e iai se tasi e o'o i luma o le tupu e le'i valaauliaina e mafai ona o'o le oti ia te ia se'i vagana ua faaloloa mai le tootoo o le tupu i lena tagata -- e faailoa ai lona alofa ia te ia. O le pule i le ola mo le Kerisiano o le faia lava e oe lou lava avanoa e te vaai ai i le Tupu, nai lo lou faatalitali seia aami mai oe e Ia. Na te faaloaloa mai lona tootoo ia te oe, faafualoaina lou ola e faavavau, ae e le tautuli ina faapea o fiafia o ia ia te oe. E ui ina e le o foliga o se ua pule i le ola, ae o le fuaiupu o le Tusi Paia o loo maua i le I Korinito 3:15 o loo iai se faapupulaga e faatatau tonu lava i le mea e tupu i le Kerisiano e pule i le ola: "peita'i ane e sao o ia, a e pei o se na ui mai i le afi."
English
O le a le vaaiga a le Kerisiano i le ua pule i lona ola? O le a le aoaoga a le Tusi Paia i lea mea?