O le a le aoaoga a le Tusi Paia i le fefaaipoipoa'i o tagata o atunu'u ese?




Fesili: O le a le aoaoga a le Tusi Paia i le fefaaipoipoa'i o tagata o atunu'u ese?

Tali:
Ua faatulafonoina i le Feagaiga Tuai ina ia aua ne'i fefaaipoipoa'i tagata Isaraelu. O le mafuaaga o lea tulafono ina ia 'aua ne'i tuulafoa'iina e Isaraelu lo latou Atua ae faaipoipo i e ifo i tupua, le talitonu, pe faapaupau. O loo iai foi se tulafono faapea i le Feagaiga Fou, ae e iai sina eseesega: "Aua tou te amio faalegatasi ma e le talitonu; aua pe faapefea ona faatasi o le amiotonu ma le amio leaga" (2 Korinito 6:14). E pei lava ona aoaoina Isaraelu (o e talitonu i le Atua moni e toatasi) ia 'aua ne'i faaipoipo i e le talitonu, e faapea foi Kerisiano (o e talitonu i le Atua moni e toatasi) ona aoaoina ia 'aua ne'i faaipoipo i latou i e le talitonu. Ae o le tali moni lava o lea fesili, o le leai, e le o fai mai le Tusi Paia e sese le faaipoipo o ni tagata mai atunu'u eseese.

E tatau ona tatou faamasinoina le isi tagata i lona tagata moni, ae le o lona lanu. E tatau ia te i tatou uma ona faaeteete ina ia 'aua ne'i faailoga tagata i niisi, ma le faataualoaina niisi (Iakopo 2:1-10, vaai toto'a i fuaiupu 1 ma le 9). O le tulaga e tatau mo se tamaloa poo se fafine Kerisiano o loo sailia se to'alua, o le su'esu'e lelei lea poo se Kerisiano le tagata ua ia alofa iai (2 Korinito 6:14), o se tasi ua fanaufouina i le faatuatua ia Iesu Keriso (Ioane 3:3-5). Faatuatua ia Keriso, ae e le o le lanu o le tino, o lea le ala ua filifilia e le Tusi Paia mo le sailia o se to'alua. O le fefaaipoipoa'i la o atunu'u ese e le o se mataupu o le sa'o poo le sese, ae o le tomai, vaaiga faaleagaga, ma le tatalo.

O le isi lava mea e tatau ona iloilo ma vaavaai lelei iai e ua fenofoa'i ma tagata mai se isi atunu'u ese, ona o le faigata o le tuufaatasiga o aganu'u aua e iai taimi e le talia ai e le isi le aganu'u a le isi. E tele ulugalii faapea ua o'o i faigata ma le faalumaina, e oo lava i le va ma aiga galua. O isi ulugalii faapea ua oo i faigata o latou aiga ona ua lanu eseese niisi o le fanau, ua le tutusa ma le lanu o matua po'o le isi foi vaega o le fanau. O ni tagata se to'alua o loo fuafua e faaipoipo e tatau ona iloilo lelei nei tulaga uma ma ia saunia ai i la'ua, ae le'i oo ina faaipoipo. Toe faapea atu, e pau lava le faatapula'a o loo tuuina i le o loo mana'o e faaipoipo i se tasi Kerisiano, o le mautinoa lelei lea poo ia o se totino moni o le Tino o Keriso.


Toe taga'i i le itulau ua faaliliuina i le gagana Samoa

O le a le aoaoga a le Tusi Paia i le fefaaipoipoa'i o tagata o atunu'u ese?