رومیوں کیویں نجات دا رستہ ہے؟




سوال: رومیوں کیویں نجات دا رستہ ہے؟

جواب:
رومیوں نجات دا ہک ایجھا رستہ ہے جیندے وچ کلامِ مقدس دی کتاب رومیوں دے ناں دی آیات کوں ورتیندے ہوئے نجات دی خوشخبری کوں ونڈیا ویندے ۔ اے سادہ اتے حالی تک دا بیان کرݨ دا طاقت طریقہ ہے جو اساکوں نجات دی لوڑھ ھے ، خدا کیویں نجات ݙیندا ھے ، اساں کیویں نجات حاصل کر سڳدوں اتے نجات دے ثمرات کیا ہِن۔

پہلی آیت رومیوں نجات دے رستہ تے اے ہے رومیوں ٣ باب ٢٣ آیت، " ایں واسطے جو سبھ نے گناہ کیتے اتے خدا دے جلال نال محروم ہن"۔ اساں ساریں گناہ کیتے ، اساں سارے ایجھے کم کریندے ہیں جو خدا کوں رنجیدہ کریندوں ۔ اِتھاں کوئی بے گناہ کائنی ۔ رومیون ٣ باب ١٠ توں ١٨ آیت ہک واضع تصویر ݙکھائی ݙیندی ہے جو گناہ اساݙی زندگیاں اچ کیویں ݙِکھائی ݙیندا ھے ۔ رومیوں ٣ باب ١٠ توں ١٨ آیت ہک واضع تصویر ݙکھائی ݙیندا ھے جو گناہ اساݙی زندگیاں اچ کیویں ݙکھائی ݙیندے۔ ݙوجھا حوالہ جو رومیون نجات دے رستہ توں ہے ، رومیوں ٦ باب ٢٣ آیت ، گناہ دے انجام دے بارے اچ تعلیم ݙیندی ہے" ۔ سزا جو اساں اپݨے گناہ دے ذریعے کمیندے ہیں او موت ھے ۔ اے صرف جسمانی موت کائنی بھلکہ ابدی موت۔

تریجھی آیت جو رومیوں نجات دے رستہ توں ھے رومیوں ٦ باب ٢٣ آیت توں گھدی ڳئی ھے ختم تھیندی ھے ، "پر خدا دی بخشش اساݙے خداوند مسیح یسوع اچ ہمیشاں دی حیاتی ھے" ۔ رومیوں ٥ باب ٨ آیت اعلان کریندی ھے ، یسوع مسیح اساݙی خاطر مُوا یسوع دی موت نے اساݙے گناہاں دی قیمت ادا کیتی ۔ یسوع دا مُردیں وچوں جی پووݨ ثابت کریندے جو خدا نے یسوع دی موت کوں اساݙے گناہاں دی قیمت دے طور تے قبول کیتے۔

چوتھا سنگِ میل رومیون دے نجات دے رستہ اچ ہے رومیوں ١٠ باب ٩ آیت، " جو اگر توں اپݨی زبان نال یسوع دے خداوند ہووݨ دا اقرار کرے اتے اپݨے دل نال ایمان گھن آنویں جو خدا نے اونکوں مُردیں وچوں ساڑیا تاں نجات پا گھنسیں" کیوں جو یسوع اساݙی جاہ مریا۔ اساں ساریں کوں چاہیدے جو اوندے تے یقین رکھوں ، اوندی موت تے یقین رکھوں جو اوں نے اساݙے گناہ دی قیمت ادا کیتی اتے اساں سارے نجات پا گھنسوں رومیوں ١٠ باب ١٣ آیت دوبارہ آہدا ہے ، "کیوں جو کوئی خداوند دا ناں گھنسے نجات پیسے" ۔ یسوع نے مر تے اساݙے گناہاں دا جرمانہ ادا کیتا اتے اساکوں ابدی موت توں بچایا۔ نجات ، گناہاں دی معافی ، ہر کہیں واسطے دستیاب ہے جو یسوع مسیح کوں اپݨا خداوند اتے نجات دھندہ ہووݨ دا یقین رکھیسے۔

رومیوں نجات دے رستہ دا چھیکڑی رُخ ہے نجات دے نتیجے ۔ رومیوں ٥ باب ١ آیت ٻہوں حیرت انگیز پیغام رکھیندی ہے، " پس جݙاں اساں ایمان توں راستباز ٹھہرے تاں خدا دے نال اپݨے خداوند یسوع مسیح دے وسیلہ نال صلح رکھوں" ۔ یسوع مسیح دے ذریعے اساں خدا دے نال امن دا رشتہ رکھ سڳدے ہیں۔ رومیوں ٨ باب ١ آیت اساکوں ݙسیندی ہے ، "بس ہُݨ جیڑھا مسیح یسوع تے ہن انہاں تے سزا دا حکم کائنی ۔ کیوں جو یسوع دی موت اساݙے واسطے ہے، اساں اپݨے گناہاں دی وجہ نال کݙاہیں سزا کائناں پیسوں ، آخر کار ، اساں اے بیش قیمت وعدہ رکھیندوں ، رومیوں ٨ باب ٣٨ توں ٣٩ آیت ، " کیوں جو میکوں یقین ہے جو خدا دی جو محبت اساݙے خداوند یسوع مسیح وچوں ہے اوندے کولوں اساکوں نہ موت جدا کر سڳدی ہے نہ زندگی۔ نہ فرشتے نہ حکومتاں ، نہ حال نہ استقبال دیاں چیزاں ، نہ قدرتاں نہ اُچاڑ نہ جِھکاڑ نہ کوئی ٻئی مخلوق۔

کیا تُساں پسند کریسو جو تُساں رومیوں نجات دے رستہ دی پیروی کریسو؟ اگر اینویں ہے ، اِتھاں ہک سادہ جہی دعا ہے جو تُساں ادا کر سڳدے ہیوے۔ ایں دعا کوں آکھݨ نال تُساں اظہار کریدے ہیوے جو تُساں اپݨی نجات واسطے یسوع مسیح تے ایمان رکھیندے ہیوے ۔ صرف الفاظ ہی تہاکوں نجات نئیں ݙے سڳدے۔ صرف یسوع مسیح تے ایمان رکھݨ نال تُساں نجات پا سڳدے ہیوے" خداوند" میں ڄاݨداں جو میں تیݙے خلاف گناہ کیتا اتے میں سزا دا مستحق ہاں۔ پر جیڑھی سزا دا میں مستق ہاں یسوع میسح نے او سزا اپݨے اُٹے گھن گھدی ، بس اوندے اُتے ایمان گھن آوݨ نال میں معافی پا گھدی ، میں اپݨے گناہاں توں کنارہ کشی اختیار کریندا اتے اپݨا ایمان تیݙے تے رکھینداں اپݨی نجات واسطے ، میں شکریہ ادا کرینداں تہاݙے حیرت انگیز فضل اتے بخشش دا جو ابدگی زندگی دا تحفہ ہے آمین"۔

تساں جو کجھ اِتھاں پڑھے ، کیا اوندی روشنی اچ مسیح واسطے فیصلہ کر گھدے؟ اگر اینویں ہے تاں برائے مہربانی دباؤ " اَڄ میں مسیح کوں قبول کر گھدے" تلے ݙتے بٹن کوں



واپس سراییکی / ملتانی زبان دے پہلے صفے تے



رومیوں کیویں نجات دا رستہ ہے؟