سوال
میں خدا توں معافی کیویں گھن سڳداں؟
جواب
اعمال ١٣ باب ٣٨ آیت اعلان کریندی ، "پس اے بھراوو، تہاکوں پتہ ہووے جو اوندے ہی وسیلہ نال تہاکوں گناہاں دی معافی دی خبر ݙتی ویندی ھے"۔
معافی کیا ھے اتے میکوں ایندی لوڑھ کیوں ھے؟
لفظ " معاف کرݨ" دا مطلب ھے کہیں چیز کوں صاف کرݨ کیتے دھو ݙیوݨ، معاف کرݨ ، قرض کوں ختم کرݨ ، جیڑھے ویلھے اساں کہیں نال بُرا کریندے ہیں، اساں اوندے کولوں معافی دے طلبگار ھوندے ہیں تاں جو اساݙا اوندے نال تعلق دوبارہ بحال تھی ونڄے۔ کوئی مستحق نئیں ھوندا جو اونکوں معاف کیتا ونڄ سڳے ۔ معاف کرݨ ہک پیارا عمل ھے ، رحم اتے فضل ھے ۔ معاف ہک فیصلہ ھے جو کوئی چیز کہیں ݙوجھے آدمی دے خلاف برقرار کوئنی رکھݨی، چاھے انہاں تہاݙے نال کجھ وی کیتا ھووے۔
کلامِ مقدس اساکوں ݙسیندی ھے جو اساں سبھ کوں خدا دی طرفوں معافی دی لوڑھ ھے ۔ اساں ساریں گناہ کیتے۔ واعظ ٧ باب٢٠ آیت اچ اعلان کیتا ڳئے، " کیوں جو زمین تے کوئی ایجھا راست باز انسان کوئنی جیڑھا نیکی ھے کرے اتے خطا نہ کرے"۔ ١ یوحنا ١ باب٨ آیت ݙسیندی ھے ٘ "اگر اساں آکھوں جو اساں بے گناہ ہیں تاں اپݨے آپ کوں دھوکا ݙیندوں جیڑھی اساں وچ سچائی کائنی۔" ھر قسم دا گناہ خدا دے خلاف بغاوت ھے (زبور ٥١ باب ٤ آیت)۔ جیندا نتیجہ ھے جو اساکوں خدا دی طرفوں معافی دی لوڑھ ھے ۔ اگر اساݙے گناہ بخش نی ݙتے ویندے تاں اساں ہمیشاں دی سزا پیسوں کیوں جو اے اساݙے گناہاں دا انجام ھے (متی ٢٤باب ٤٦ آیت، یوحنا ٣ باب ٣٦ آیت)۔
معافی: میں معافی کیویں گھن سڳداں؟
شکر گزاری دے نال ، خدا محبت کرݨ والا اتے رحم دل ھے اساکوں گناہیں معافی ݙیوݨ دا خواہشمند ھے ٢ پطرس ٣ باب ٩ آیت اساکوں ݙسیندی ھے ، "خداوند اپݨے وعدہ اچ دیر نئیں کریندا ، جیڑھی دیر کجھ لوک سمجھدن، بھلکہ تُہاݙے بارے تحمل کریندے ، ایں واسطے جو کہیں دی ہلاکت نئیں چاہندا بھلکہ اے چاہندے جو سب دی توبہ تک نوبت پُڄے۔" خداوند اساکوں معاف کرݨ چاہندے پس او اساکوں معافی عنایت کریندے۔
اساݙے گناہاں دی سزا صرف موت ھے۔ رومیوں ٦ باب ٢٣ آیت دا پہلا حصہ اعلان کریندا ھے، " کیوں جو گناہ دی مزدور موت ھے ۔" ابدی موت اساں اپݨے گناہاں توں حاصل کر سڳدوں ۔ خداوند ،اپݨے کامل منصوبے اچ ہک انسان بݨیا یسوع مسیح(یوحنا ١ باب ١ اتے ١٤ آیت) ۔ یسوع صلیب تے مُوا ، او سزا اپݨے اُتے گھن گھدی جیندے اساں حقدار ہیں ، موت ۔ ٢ کرنتھیوں ٥ باب ٢١ آیت اساکوں سِکھیندی ھے ، " جیڑھا گناہ توں واقف نہ ہا اُنہاں اونکوں اساݙے واسظے گناہ ٹھہرایا تاں جو اساں اوندے وچوں تھی تے خدا دی راستبازی تھی ونڄوں" یسوع سلیب تے مُوا ، او سزا اپݨے اُتے گِھن گھدی جیندے اساں حقدار ہیں ایں طرحاویں خدا یسوع دی موت دے ذریعے گناہیں دا کفارہ ھے نہ صرف اساݙے ھی گناہاں دا بھلکہ تمام دنیا دے گناہاں دا وی ، " یسوع مرداں وچوں جی پویا، او گناہ اتے موت تے اپݨی کامیابی دا اعلان کریندا ھے (١کرنتھیوں ١٥ باب ١ توں ٢٨ آیت) ۔ خداوند دی تعریف ھووے ، یسوع مسیح دی موت اتے دوبارہ جی پووݨ دے ذریعے ، رومیوں ٦ باب ٢٣ آیت دا ݙوجھا حصہ اوں سچائی کوں ظاہر کریندے ، " لیکن خدا دی بخشش" اساݙے خداوند یسوع مسیح اچ ھمیشاں دی حیاتی ھے۔
کیا تُساں چاہندے وے جو تہاݙے گناہ معاف کیتے ونجن؟ کیا تُساں عیب جوئی دے گناہ دا احساس رکھیندو جیئں توں تُساں کݙاہیں چُھٹکارا حاصل کرن دی کوشش نئیں کیتی؟ تُہاکوں تُہاݙے گناہاں دی معافی مل سڳدی ھے اگر تُساں اپݨا ایمان یسوع مسیح تے رکھو جو او تہاݙا نجات دھندہ ھے۔ افسیوں ١ باب ٧ آیت ݙسیندی ھے ، " اساکوں ایندے وچ اوندے خون دے وسیلہ نال مخلصی یعنی قصوراں دی معافی اوندے فضل دی دولت دے بدلے حاصل ھے۔"یسوع نے اساݙا قرض ادا کر ݙتے ، ایں طرحاویں اساں معافی حاصل کر سڳدوں ۔ تُساں ساریں کوں خدا توں آکھݨا چاہیدے جو اساکوں یسوع مسیح دے ذریعے معاف کر ݙیوے اتے یقین رکھݨا چاہیدے جو اوں نے اساݙی معافی کیتے اپݨی جان قربان کیتی ھے اتے او تہاکوں معاف کر ݙیسے یوحنا ٣ باب ١٦ توں ١٧ آیت ایں حیرت انگیز پیغام تے مشتمل ھے ، " کیوں جو خدا نے دنیا اچ ایجھی محبت رکھی جو اوں نے اپݨا کلہا پُتر بخش ݙتے تاں جو کوئی اوندے اُتے ایمان گھن آوے ہلاک نہ تھیوے بھلکہ ھمیشاں دی حیاتی پاوے۔ کیوں جو خدا نے پُتر کوں دنیا اچ ایں واسطے نئیں بھیڄیا جو دنیا تے سزا دا حکم کرے بھلکہ ایں واسطے جو دنیا دے وسیلے نال نجات پاوے۔
معافی: کیا اے واقعی سوکھی ھے؟
ہا اے سوکھی ھے تُساں خدا توں معافی گھن نئیں سڳدے۔ تُساں خدا کوں معافی کیتے معاوضہ نئیں ݙے سڳدے، تُساں صرف اونکوں حاصل کر سڳدے ھیوے، ایمان دے ذریعے ، خداوند دے فضل اتے رحم دے ذریعے ۔ اگر تُساں یسوع کوں اپݨا نجات دھندہ قبول کریندے ھیوے اتے خدا توں معافی گھنݨ چاہندو ، مثال دے طور تے اے دعا تُساں خدا توں حاصل کر سڳدوں ۔ یاد رکھو ، ایں دعا کوں پڑھن یا کہیں ٻئی دعا کوں پڑھن نال تہاکوں نجات مِل سڳدی ھے ۔ صرف مسیح تے ایمان گھن آوے ، او تہاکوں تہاݙے گناہاں توں نجات ݙے سڳدے ، اے دعا ہک سادہ جیہا ہک رستہ ھے ، خدا توں اظہار کرݨ دا جو تہاݙا ایمان اوندے اُتے ھے اتے اوندا شکریہ ادا کرو جو اوں نے تہاکوں نجات بخشی ۔ " خدا وند'' ، میں ڄاݨداں جو میں تیݙے خلاف گناہ کیتے اتے میں سزا دا مستحق ہاں ۔ لیکن جیڑھی سزا دا میں مستحق ہم یسوع مسیح نے او سزا اپݨے اُتے گھن گھدی پس اوندے اُتے ایمان گھن آوݨ نال میں معافی پا گھدی ھے ۔ میں اپݨے گناہاں توں کنارہ کشی اختیار کرینداں اتے اپݨا ایمان تیݙے اُتے رکھینداں اپݨی نجات کیتے۔ میں شکریہ ادا کرینداں تُہاݙے حیرت انگیز فضل اتے بخشش دا جو ابدی حیاتی دا تحفہ ھے آمین''
تساں جو کجھ اِتھاں پڑھے ، کیا اوندی روشنی اچ مسیح واسطے فیصلہ کر گھدے؟ اگر اینویں ہے تاں برائے مہربانی دباؤ " اَڄ میں مسیح کوں قبول کر گھدے" تلے ݙتے بٹن کوں
English
میں خدا توں معافی کیویں گھن سڳداں؟
