سوال
میں خداوند دے نال کیویں راست رہ سڳداں؟
جواب
خداوند دے نال " راست" راھݨ واسطے اساکوں سبھ توں پہلے چاہیدے جو " برائی" دی سُنڄاݨ کروں۔ جیڑھا ھُݨ ھے گناہ۔ " کوئی نیکو کار کائنی ، ہک وی نئیں " ( زبور ١٤ باب ٣ آیت) ۔ اساں خداوند دے احکام توں باغی تھی ڳئے۔ اساٻ سبھے بھیݙاں دی طرحاویں بٹھک ڳئے ہیں" یسعیاہ ٥٣ باب ٦ آیت)۔
بری خبر اے ہے جو گناہ دی سزا موت ھے ۔" جیڑھی جان گناہ کریندی ھے اوہا مرسے" ( حزقی ایل ٨ باب٤ آیت)۔ چنڳی خبر اے ھے جو خدا محبت توں بھریا ھے اتے اساکوں نجات ݙیوݨ کیتے ڳولیندے۔ یسوع اعلان کریندے جو ایندا مقصد ھا " رُلے ہوئیں کوں ڳولیندے اتے نجات ݙیندے" (لوقا ١٩ باب ١٠ آیت) ، اتے اوں نے اپݨا مقصد اعلانیہ طور تے پورا کیتا جݙاں اوں نے اے الفاظ آکھ تے صلیب تے اپݨی ڄاݨ ݙے ݙتی "تمام تھیا" (یوحنا ١٩ باب ٣٠ آیت)۔
خدا توں راست تعلق قائم کرݨ کیتے اپݨے گناہاں دا اقرار کرݨا چاہیدے۔ بعد اچ میں خاکساری دے نال خدا نال اپݨے گناہ دا اعتراف کرو ( یسعیاہ ٥٧ باب ١٥ آیت) اتے گناہ کوں ترک کرݨ دا ارادہ کرو۔ " نجات کیتے اقرار مونہہ نال کیتا ویندے" (رومیوں ١٠ باب ١٠ آیت)۔
اے توبہ پورے ایمان دے نال ہووݨی چاہیدی اے ۔ خاص طور تے ، اے جو ایمان رکھو جو یسوع مسیڄ دی قربانی اتے معجزانہ طور تے اوندا جی پووݨ اونکوں اساݙا نجات دھندہ بݨا ݙیندے ۔ " جو اگر توں اپݨی زبان نال یسوع دے خداوند ھووݨ دا اقرار کرے اتے اپݨے دل نال ایمان گھن آوے جو خدا نے اونکون مرداں وچوں جلایا تاں نجات پیسے" (رومیوں ١٠ باب ٩ آیت)۔ بہوں ݙوجھے طریقیاں نال اساں ایمان دی اھمیت نال ڳالھ مہاڑ کر سڳدے ہیں جیویں یوحنا ٢٠ باب ٢٧، اعمال ١٦ باب ٣١ آیت ، گلتیوں ٢ باب ٢٦ ، ١١، ٣ اتے افسیوں ٢ باب ٨ آیت۔
خدا دے نال راست راہݨ دا مطلب تہاݙا رد عمل ھے جو خدا وند نے تہاݙے کیتے کیا کجھ کیتے۔ اوں نے نجات دھندہ کوں بھیڄیا، اوں نے قربانی ݙتی تاں جو تھاݙے گناہ مٹائے ونڄن ( یوحنا ١ باب ٢٩ آیت)، اتے او تہاݙے کولوں ہک وعدہ کریندے " اتے اینویں تھیسے جو کوئی خدا وند دا ناں گھنسے نجات پیسے" (اعمال ٢ باب ١٢ آیت)۔
توبہ اتے معافی دی ہک سوھݨی تشریح مسرف بیٹے دی تمثیل ھے (لوقا ١٥ باب ١١ تا ٣٢ آیت۔ چھوٹے بیٹھے نے اپݨا مال بدچلنی اچ اُݙا ݙتا۔ (آیت١٣) ۔ جݙاں اوں نے اپݨی غلطی کوں ڄاݨیا، اوں نے فیصلہ کیتا جو او گھر واپس چلیا ونڄے (آیت ١٨) ۔ اوں نے سوچا جو میں ہُݨ ایں لائق کوئنی جو میݙا تیݙا پُتر آکھواواں ( آیت ١٩) ، پر او غلط ھا، پیو واپس آوݨ آلے سرکش پُتر توں ہمیشاں دی طرح ٻہوں محبت کریندا ھا (آیت ٢٠)۔ تمام گناہ معاف کر ݙتے اتے خوشی مناوݨ دا حکم ݙتا۔(آیت٢٤)۔
خداوند بھلا ھے اتے اپݨے وعدیں اچ سچا ھے ، معافی وی انہاں وعدہ اچ شامل ھے ۔" خداوند شکستہ دِلاں دے نیڑے ھے اتے خستہ جاناں کوں بچیندے " (زبور ٣٤ آیت ١٨)۔
اگر تُساں خدا دے نال راست راہݨ چاہندے ہو ، اے دعا دا ہک نمونہ ھے ، یاد رکھو ، ایں دعا کوں پڑھن یا کوئی ٻئی دعا کوں پڑھݨ نال تہاکوں نجات نئیں مل سڳدی ۔ صرف مسیح تے ایمان گھن آوے اتے تہاکوں اپݨے گناہاں توں نجات ݙے سڳدے۔ اے دعا سادہ جیہا ہک رستہ ہے خدا توں اظہار کرݨ دا جو تہاݙا ایمان ایندے اُتے ہے اتے ایندا شکریہ ادا کرو جو اوں نے تہاکوں نجات بخشی۔"خداوند " میں ڄاݨداں جو میں تیݙے خلاف گناہ کیتا اتے میں سزا دا مستحق ہاں ، لیکن جیڑھی سزا دا میں مستحق ہاں یسوع مسیح نے او سزا اپݨے اُتے گھن گھدی ، بس اوندے اُتے ایمان گھن آوݨ نال میں معافی پا گھدی ھے ۔ میں اپݨے گناہاں توں کنارہ کشی اختیار کرینداں اتے اپݨا ایمان تیݙے تے رکھینداں ، اپݨی نجات کیتے۔ میں شکریہ ادا کرینداں تہاݙے حیرت انگیز فضل اتے بخشش دا جو ابدی حیاتی دا تحفہ ھے آمین"۔
تساں جو کجھ اِتھاں پڑھے ، کیا اوندی روشنی اچ مسیح واسطے فیصلہ کر گھدے؟ اگر اینویں ہے تاں برائے مہربانی دباؤ " اَڄ میں مسیح کوں قبول کر گھدے" تلے ݙتے بٹن کوں
English
میں خداوند دے نال کیویں راست رہ سڳداں؟
