سوال
یسوع کوں اپݨا شخصی نجات دھندہ قبول کرݨ دا کیا مطلب ھے؟
جواب
کیا تُساں کݙاہیں یسوع کوں اپݨا شخصی نجات دھندہ قبول کیتے؟ ایں توں پہلے جو تساں جواب ݙیوو، میکوں اجازت ݙیو جو میں سوال کوں بیان کر سڳاں ۔ ایں سوال کوں چنڳی طرحاویں سمجھݨ کیتے ، تہاکوں پہلے اے سمجھݨا پوسے "یسوع مسیح" ، "شخصی" اتے" نجات دھندہ"۔
یسوع مسیح کون ہے؟ ٻہوں سارے لوک یسوع مسیح کوں ہک چنڳا انسان منیندن ، عظیم استاد ، یا خدا دا پیغمبر ۔ اے چیزاں یسوع واسطے نہایت مناسب ہِن ، پر چیزاں واضع نئیں کریندیاں جو او اصل اچ ھے کون۔ کلامِ مقدس اساکوں ݙسیندے جو یسوع مسیح مسجم خدا ھے ، خدا انسان بݨیا ( ݙیکھو یوحنا ١ باب اتے ١٤ آیت)۔ خدا زمین تے آیا اساکوں تعلیم ݙیوݨ کیتے ، اساکوں شفا ݙیوݨ کیتے ، اساکوں درست کرݨ واسطے ، اساکوں معاف کرݨ واسطے اتے اساݙے واسطے مرݨ واسطے یسوع مسیح خدا ھے ، پیدا کرݨ والا ھے ، بادشاہاں دا بادشاہ ھے ، کیا تُساں اوں یسوع کوں قبول کریندو۔
ہک نجات دھندہ کیا ھے اتے اساکوں ہک نجات دھندہ دی کیوں لوڑھ ھے؟ کلامِ مقدس اساکوں ݙسیندے جو اساں سبھنائیں گناہ کیتا ،اساں سبھنائیں بُرے اعمال کیتے ( رومیوں ٣ باب ١٠ توں ١٨ آیت) ۔ اساݙے گناہ دا نتیجہ ھے جو اساں خدا دے غضب اتے عدالت دے لائق ہیسے۔ بالکل ایں طرحاں لا محدود اتے ابدی خدا دے خلاف کیتے ھوئے گناہ دی سزا ہمیشاں دی سزا ھے (رومیوں ٦ باب ٢٣ آیت، ٢٠ باب ١١ توں ١٥ آیت)۔ ایں واسطے اساکوں ہک نجات دھندہ دی لوڑھ ھے۔
یسوع مسیح دنیا اچ آیا اتے اساݙی جاہ مُوا۔ یسوع دی موت ، انسانی جامہ اچ خدا ، اساݙے گناہاں دی بے انتہا قیمت ھئی (٢ ۔ کرنتھیوں ٥ باب ٢١ آیت)۔ یسوع نے مر تے اساݙے گناہاں دا کفارہ ادا کیتا (رومیوں ٥ باب ٨ آیت)۔ یسوع نے او قیمت ادا کیتی جیڑھی اساں ادا نئیں کر سڳدے ۔ یسوع دا مُردیں وچوں جی پووݨ ثابت کریندے جو اساݙے گناہاں دی پاداش اچ اوندی موت ہی کافی ھئی ۔ ایں وجہ نال یسوع ہک اتے صرف ہک ہی نجات دھندہ ھے ( یوحنا ١٤ باب ٦ آیت، اعمال ٤ باب ١٢ آیت) کیا تُساں یسوع کوں اپݨا نجات دھندہ تسلیم کریندے ھاؤ۔
کیا یسوع تہاݙا " شخصی" نجات دھندہ ھے؟ بہوں سارے لوکاں دا خیال ھے جو گرجا گھر اچ ونڄݨ ، رسماں دا ادا کرݨ ، یقینی گناھاں کوں نہ کرݨا مسیحیت ھے ۔ اے مسیحیت نئیں ۔ یسوع مسیح دے نال ذاتی تعلق سچی مسیحیت ھے۔ یسوع مسیح کوں اپݨا شخصی نجات دھندہ قبول کرݨ دا مطلب ھے جو ذاتی طور تے اوندے اُتے اپݨا ایمان تے یقین رکھݨا۔ کہیں ٻئے تے ایمان رکھݨ نال اساں نجات نئیں پا سڳدے۔ چنڳے کمیں دی وجہ نال کہیں کوں معافی نئیں مِل سڳدی ۔ نجات دا حاصل کرݨ صرف ایہو ہک طریقہ ھے جو یسوع کوں اپݨا شخصی نجات دھندہ قبول کیتا ونڄے، اوندی موت تے یقین رکھو جو اوں نے اساݙے گناہاں دی قیمت ادا کر ݙتی ہے ، اتے اوندا مُردیں وچوں جی پووݨ تہاݙی ابدی زندگی دی ضمانت ھے (یوحنا ٣ باب ١٦ آیت) ۔کیا یسوع تہاݙا شخصی نجات دھندہ ہے؟
اگر تساں یسوع کوں اپݨا شخصی نجات دھندہ قبول کرݨ چاہندے ہیوے ، ذیل اچ ݙتے ڳئے الفاظ خدا کوں آکھو۔ یاد رکھو ، ایں دعا کون پڑھݨ یا کوئی ٻئی دعا کوں پڑھݨ نال تہاکوں نجات نئیں مل سڳدی ۔ صرف مسیح تے ایمان گھن آوے او تہاکوں تہاݙے گناہاں توں نجات ݙے سڳدا ہے ۔ اے دعا ہک سادہ جیہا ہک رستہ ہے خدا توں اظہار کرݨ دا جو تہاݙا ایمان اوندے تے ہے اتے اوندا شکریہ ادا کرو جو اوں نے تہاکوں نجات بخشی۔ "خداوند" میں ڄاݨداں جو میں تیݙے خلاف گناہ کیتا اتے میں سزا دا مستحق ہاں ۔ لیکن جیڑھی سزا دا میں مستحق ہم یسوع میسح نے او سزا اپݨے اُتے گھن گھدی ، بس اوندے تے ایمان گھن آوݨ نال میں معافی پا گھدی۔ میں اپݨے گناہاں توں کنارہ کشی اختیار کرینداں اتے اپݨا ایمان تئیں تے رکھینداں اپݨی نجات واسطے۔ میں شکریہ ادا کرینداں تہاݙے حیرت انگیز فضل اتے بخشش دا جو ابدی زندگی دا تحفہ ہے ۔ آمین"
تساں جو کجھ اِتھاں پڑھے ، کیا اوندی روشنی اچ مسیح واسطے فیصلہ کر گھدے؟ اگر اینویں ہے تاں برائے مہربانی دباؤ " اَڄ میں مسیح کوں قبول کر گھدے" تلے ݙتے بٹن کوں
English
یسوع کوں اپݨا شخصی نجات دھندہ قبول کرݨ دا کیا مطلب ھے؟
