سوال
نجات دا منصوبہ کیا ہے؟
جواب
کیا تُساں بُکھے ہیوے؟ جسمانی طور تے نئیں ، کیا تُساں اپݨی زندگی اچ کہیں ٻئی چیز دی زیادہ بُکھ رکھیندے ہیوے؟ کوئی چیز تہاݙے اندر ہے ، جیڑھی کݙاہیں نظر نئیں آندی؟ بس اگر یسوع رستہ ہے یسوع نے آکھیا ، " زندگی دی روٹی میں ہاں ، جیڑھا میݙے کول آؤسے او ہرگز بُھکا کائناں ہوسے اتے جیڑھا میݙے تے ایمان گھن آسے او کݙاہیں تسا کائنا تھیسی" (یوحنا ٦ باب ٣٥ آیت)۔
کیا تُساں پریشان ہیوے؟ کیا تُساں کݙاہیں اپݨی زندگی دا رستہ اتے مقصد معلوم کرݨ چاہندے ہیوے؟ کیا کݙاہیں تہاکوں اینویں لڳے جو تمام روشنیاں بند کر ݙیون اتے تہاکوں بٹن نئیں ملدا پیا ، بس اگر یسوع رستہ ھے تاں یسوع اعلان کریندے ، " دنیا دا نور میں ہاں ، جیڑھا میݙی پیروی کریسے جو اندھارے اچ کائنا ویسے زندگی دا نور پیسے " ( یوحنا ٨ باب ١٢ آیت)۔
کیا تُساں کݙاہیں محسوس کیتے جو جیویں جو تُساں کہیں قید اچ ہیوے؟ تُساں ٻہوں دروازیں توں اِتھون نکلݨ دی ٻہوں کوشش کیتی اتے تُساں پاتا جو انہاں دے پچھوں کجھ وی کائنی اتے او بے مقصد ہِن؟ کیا تُساں ہک بھرپور زندگی اچ داخل تھیوݨ کیتے رستہ ڳولیندے پیو؟ اگر اینویں ہے تاں یسوع رستہ ہے یسوع اعلان کریندے ، " دروازہ میں ہاں ، اگر کوئی اِتھوں داخل تھیوے تاں نجات پیسے ۔ اتے اندر ٻاہر آ ونڄ سڳسے ، اتے خلاصی پیسے" (یوحنا ١٠ باب ٩ آیت)
کیا ݙوجھے لوک تہاکوں ہمیشاں گھٹیا سمجھدن؟ کیا تہاݙے تعلقات ٻہوں ہلکے اتے بے معانی ہِن؟ کیا تہاکوں اینویں لڳدے جو ہر کوئی تہاݙے کولوں فائدہ چاوݨ دی کوشش کریندے؟ بس اگر اینویں ہے تاں یسوع رستہ ہے یسوع نے فرمایا، " چنڳا آڄڑی میں ہاں ، چنڳاں آڄڑی اپݨی بھیݙاں واسطے اپݨی جان ݙے سڳدے ، چنڳاں آڄڑی میں ہاں ، جیویں پیو میکوں ڄاݨدے اتے میں پیو کوں ڄاݨداں " (یوحنا ١٠ باب ١١ اتے ١٤ آیت)۔
کیا تُساں حیران ہیوے جو ایں زندگی دے بعد کیا تھیوݨ والا ہے؟ کیا تُساں زندگیا چ ایجھیاں چیزاں واسطے کوشش کریندے ریہے ہیوے جیڑھیاں صرف سڑدین اتے انہاں کوں زنگ لڳ ویندا ہے؟ کیا تُساں کݙاہیں اینویں محسوس کیتے جو زندگی دا کوئی مطلب ہے ؟ کیا تُساں مرݨ دے بعد زندہ راہݨ چاہندے ھیوے بس اگر یسوع رستہ ہے ، یسوع اعلان کریندے " یسوع نے اونکوں آکھیا قیامت اتے زندگی تاں میں ہاں ، جیڑھا میݙے اُتے ایمان گھن آندے او اگر مر وی ونڄے تاں وی زندہ راہسے ۔ اتے جو کوئی زندہ ھے اتے میݙے تے ایمان گھن آندے اوہ ابد تک کݙاہیں کائناں مرسے ۔ " (یوحنا ١١ باب ٢٥ توں ٢٦ آیت) ۔
رستہ کیا ہے ؟ سچائی کیا ھے؟ زندگی کیا ھے ؟ یسوع نے جواب ݙتا، " راہ اتے حق اتے زندگی میں ہاں ۔ کوئی میڈے وسیلہ دے بغیر پیو دے کول کائنی آندا"(یوحنا ١٤ باب ٦ آیت)۔
جیڑھی بُکھ تُساں محسوس کریندے ہیوے او روحانی بُکھ ھے اتے صرف یسوع دے ذریعے ہی مٹ سڳدی ھے ۔ صرف یسوع ہی ھے جو تاریخی کوں دور کر سڳدے۔ یسوع تسلی بخش زندگی دا دروازہ ھے ، یسوع دوست اتے چرواہا ھے جیکوں تُساں ڳولیندے پئے ھیوے ۔ یسوع زندگی ھے ایں دنیا اچ اتے اڳلی دنیا اچ۔ یسوع نجات دا رستہ ہے۔
تہاݙی بُکھ دی وجہ ، تُسان اندھارے اچ گم تھیوݨ لڳدے ہیوے ، ایں واسطے تُساں زندگی دے اصل معنی نئیں ڳولیندے پئے ، کیا تُساں خدا توں جدا تھی ڳئے ہیوے ۔ کلام مقدس اساکوں ݙسیندے جو اساں ساریں گناہ کیتے اتے ایں وجہ نال خدا توں پرے تھی ڳئے۔ ( واعظ ٧ باب ٢٠ آیت، رومیوں ٣ باب ٢٣ آیت) ۔ تُساں اپݨی زندگی اچ جو خالی پن محسوس کریندے ہیوے او خدا ھے جیڑھا تہاݙی زندگی اچ موجود کائنی ، اساں خدا دے نال تعلق رکھݨ واسطے پیدا تھئے ہاسے ، گناہ دی وجہ نال اساݙا تعلق ختم تھی ڳیا ، ایں ودھ بُرا اے تھیا جو گناہ دی وجہ نال اساں ہمیشاں واسطے خدا توں انج تھی ڳئے ایندے وچ اتے آوݨ آلی حیاتی اچ (رومیوں ٦ باب ٢٣ آیت ، یوحنا ٣ باب ٣٦ آیت)۔
اے اوکھ کیویں حل تھیسے ؟ یسوع رستہ ہے ، یسوع نے اساݙے گناہ اپݨے اُتے گھن گھدے، (٢ ۔ کرنتھیوں ٥ باب ٢١ آیت)۔ یسوع اساݙی جاہ مُوا (رومیوں ٥ باب ٨ آیت) او سزا سہی جیندے اساں حقدار ہاسے ، ترائے ݙینھ بعد ، یسوع مُردیں وچوں جی پیا ، اپݨی کامبیابی کوں گناہ اتے موت تے ثابت کیتا (رومیوں ٦ باب ٤ تا ٥ آیت )۔ اوں نے اے کیوں کیتا؟ یسوع نے خود ھی ایندا جواب ݙتا، " ایں توں ودھ محبت کوئی نئیں کریندا جو اپݨی جان اپݨے دوستاں واسطے ݙے ݙیوے" (یوحنا ١٥ باب ١٣ آیت) ۔ یسوع مُوا تاں جو اساں زندہ رہ سڳوں ۔ اگر اساں اپݨ ایمان یسوع تے رکھیندے ہیں اتے ایمان رکھیندن ہیں جو اوں نے موت دے ذریعے اساݙے گناہاں دی قیمت ادا کیتی اساݙے تمام گناہ معاف تھی ڳئے اتے دھویج ڳِن۔ تاں اساݙی روحانی بُکھ کوں تسلی ملسے ، روشنی دوبارہ واپس آ ویسے ۔ اساں بھرپور زندگی تک رسائی حاسل کریسوں ۔ اساں اپݨے سچے دوست اتے چنڳے آجڑی کول ویسوں۔ اساں ڄاݨسوں جو اساں مرݨ دے بعد زندگی رکھیندے ہیں ، مُردیں وچوں جی پووݨ دے بعد یسوع دے نال آسمان تے ہمیشاں دی زندگی واسطے
کیوں جو خدا نے دنیا دے نال ایجھی محبت رکھی جو اوں نے اپݨا کلہا پُتر بخش ݙتے جو کوئی ایندے اُتے ایمان گھنا ٓوے ہلاک نہ تھیوے بھل کہ ہمیشاں دی زندگی پاوے " (یوحنا ٣ باب ١٦ آیت)۔
تساں جو کجھ اِتھاں پڑھے ، کیا اوندی روشنی اچ مسیح واسطے فیصلہ کر گھدے؟ اگر اینویں ہے تاں برائے مہربانی دباؤ " اَڄ میں مسیح کوں قبول کر گھدے" تلے ݙتے بٹن کوں
English
نجات دا منصوبہ کیا ہے؟
