Mayroon ka na bang Buhay na Walang Hanggan?

Tanong: "Mayroon ka na bang Buhay na Walang Hanggan?"

Sagot: Ang Biblia ay may maliwanag na sagot tungkol sa pagkakaroon ng buhay na walang hanggan. Una, kailangan nating kilalanin na nagkasala tayo sa Diyos. “Sapagkat ang lahat ay nagkasala at walang sinumang karapat-dapat sa paningin ng Diyos” (Roma 3:23). Nakagawa tayong lahat ng mga bagay na hindi mabuti sa paningin ng Diyos, kaya nararapat lang na parusahan tayo. Dahil ang lahat ng ating mga kasalanan ay laban sa walang hanggang Diyos, nararapat lamang na walang hanggan din ang ating kaparusahan. “Sapagkat kamatayan ang kabayaran ng kasalanan, ngunit ang kaloob ng Diyos ay buhay na walang hanggan sa pamamagitan ni Cristo Jesus na ating Panginoon” (Roma 6:23).

Si Jesu-Cristo na walang kasalanan (1 Peter 2:22), at walang hanggang Anak ng Diyos ay nagkatawang tao (Juan 1:1,14) at namatay upang mabayaran ang parusang nararapat para sa ating mga kasalanan. Ayon sa Roma 5:8, “Ipinakita ng Diyos ang kanyang pag-ibig sa atin nang mamatay si Cristo para sa atin noong mga makasalanan pa tayo.” Namatay si Jesu-Cristo sa krus (Juan:19-31-42) upang akuin ang kaparusahang nararapat sa atin (2 Corinto 5:21). Pagkaraan ng tatlong araw, nabuhay siyang muli (1 Corinto 15:1-4) bilang patunay na natalo niya ang kasalanan at kamatayan. “Dahil sa laki ng habag niya sa atin, tayo’y isinilang sa isang panibagong buhay sa pamamagitan ng muling pagkabuhay ni Jesu-Cristo. Ang bagong buhay na iyon ay nagbigay sa atin ng malaking pag-asa” (1 Pedro 1:3).

Kinakailangang manampalataya tayo kay Jesu-Cristo at talikuran ang ating mga kasalanan (Mga Gawa 3:19). Sapagkat kung sasampalataya tayo sa kanya at magtitiwala sa kanyang pagkamatay sa krus para sa kabayaran ng ating mga kasalanan, patatawarin ang ating mga kasalanan at bibigyan ng buhay na walang hanggan sa piling ng Diyos sa langit. “Gayon na lamang ang pag-ibig ng Diyos sa sanlibutan kaya ibinigay niya ang kanyang bugtong na anak, upang ang sumampalataya sa kanya ay hindi mapahamak, kundi magkaroon ng buhay na walang hanggan” (Juan 3:16). “Kung ipahahayag mo sa iyong mga labi na si Jesus ay Panginoon, at manalig ka ng buong puso na siya’y muling binuhay ng Diyos, maliligtas ka” (Roma 10:9). “Tanging ang pananampalataya kay Cristo at sa kanyang ginawa sa krus ang tunay na daan patungo sa buhay na walang hanggan, at ito ay kaloob ng Diyos, hindi mula sa inyo. Hindi ito dahil sa inyong mga gawa kaya’t walang dapat ipagmalaki ang sinuman” (Efeso 2:8,9).

Kung gusto mong tanggapin si Jesu-Cristo bilang sarili mong tagapagligtas, narito ang isang simpleng panalangin. Tandaan mo lang na hindi ang panalanging ito ang makakapagligtas sa iyo.[orig was unnatural] Tanging ang pananampalataya kay Jesu-Cristo ang makakagawa noon[redundant otherwise]. “O Diyos, alam kong nagkasala ako laban sa iyo at nararapat lamang na parusahan mo. Ngunit inako ni Jesus ang aking kasalanan at tiniis ang parusang dapat ay sa akin. At sa aking pagsampalataya sa kanya ay mapapatawad mo ako. Tinatalikuran ko ang aking mga kasalanan at magtitiwala ako kay Jesus para sa aking kaligtasan. Salamat po sa iyong kahanga-hangang biyaya at kapatawaran. At salamat din sa buhay na walang hanggan. Amen!”

Ikaw ba ay gumawa ng desisyon para kay Kristo dahil sa iyong mga nabasa dito? Kung Oo, I-Klick ang “Tinanggap ko si Kristo ngayon” sa ibabang kahon

Balik sa Tagalog Home Page