Karapat-dapat ba na manalangin nang paulit-ulit tungkol sa parehong bagay, o nararapat ba na ang ating panalangin ay isang beses lamang?

Tanong: "Karapat-dapat ba na manalangin nang paulit-ulit tungkol sa parehong bagay, o nararapat ba na ang ating panalangin ay isang beses lamang?"

Sagot: Ayon sa Lucas 18:1-7, gumamit si Jesus ng talinghaga upang ilarawan ang kahalagahan ng masigasig na pananalangin. Kaniyang ikinuwento ang kasaysayan ng isang byuda na dumating sa isang huwes na hindi makatarungan at ang byudang ito ay naghahangad ng hustisya laban sa kaniyang kaaway. Dahil sa masigasig na pananalangin ng byuda, ang kalooban ng huwes ay naglubay. Ang punto ni Jesus ay kung ang isang huwes na hindi makatarungan ay nakapagkaloob ng petisyon sa isang tao na masigasig sa paghingi ng hustisya, mas gaano pa ang Diyos na nagmamahal sa atin—“ang Kaniyang mga hirang” (b. 7)—na sagutin ang ating masigasig na pananalangin? Ang talinghaga ay hindi nagtuturo, gaya ng maling pag-iisip, na kapag tayo ay nanalangin nang pauli-ulit tungkol sa isang bagay, ang Diyos ay mapipilitang ipagkaloob ito sa atin. Higit na magaling, ipinangako ng Diyos na ipaghiganti Niya ang Kaniyang kinikilalang mga anak, na sila ay ipagwalang-sala, ituwid ang kanilang mga pagkakamali, gumawa ng katarungan, at iligtas sila sa kanilang mga kalaban. Ito ay Kaniyang ginagawa dahil sa Kaniyang hustisya, Kaniyang kabanalan, at Kaniyang pagkamuhi sa kasalanan; sa pagsagot sa panalangin, Kaniyang tinutupad ang Kaniyang mga pangako at Kaniyang ipinakikita ang Kaniyang kapangyarihan.

Nagbigay pa ng isang halimbawa ng pananalangin si Jesus sa Lucas 11:5-12. Katulad ng talinghaga tungkol sa huwes na hindi makatarungan, and mensahe ni Jesus dito sa siping ito ay kung ang isang tao ay magigipit dahil sa pagtulong na kaniyang ginawa sa isang kaibigan na nangangailangan, and Diyos ay magbibigay sa atin ng mas marami pa para sa ating mga pangangailangan, dahil walang kahilingan sa Diyos na Siya ay magigipit. Minsan pa, hindi ito nagbibigay ng pangako na ating tatanggapin ang kahit anomang ating hingin kahit ang ating paghingi ay paulit-ulit. Ang pangako ng Diyos sa Kaniyang mga anak ay tustusan ang kanilang mga pangangailangan, hindi ang kanilang mga nais. At mas alam Niya kaysa sa atin ang ating mga pangangailangan. Kaparehong pangako ang inulit sa Mateo 7:7-11 at sa Lucas 11:13, na ipinaliwanag ng husto na ang “mabuting handog” ay ang Espiritu Santo.

Ang kapwang sipi na ito ay naghihimok sa atin na tayo ay panalangin at patuloy na manalangin. Walang masama sa paghingi sa isang bagay nang paulit-ulit. Habang ang ating idinadalangin ay ayon sa kalooban ng Diyos (1 Ni Juan 5:14-15), patuloy tayong manalangin hanggang ang Diyos ay ipinagkaloob sa atin ang ating hinihingi o di kaya naman ay Kaniyang inalis ang pagnanais sa ating puso. Kung minsan, tayo ay pinupuwersa ng Diyos na maghintay sa kasagutan sa ating mga panalangin upang tayo ay turuan ng katiyagaan at kasigasigan. Kung minsan, ang ating ipinanalangin ay wala pa sa tamang kapanahunan ng Diyos upang ito ay ibigay sa atin. Kung minsan, tayo ay dumadalangin para sa isang bagay na wala sa kalooban ng Diyos para sa atin, at Siya ay sasagot sa atin ng “hindi.” Ang ating pananalangin ay hindi lamang upang ilahad ang ating mga kahilingan sa Diyos; ito ay pamamaraan ng Diyos upang ilahad ang Kaniyang kalooban sa ating mga puso. Patuloy na humingi, patuloy na kumatok, at patuloy na maghanap hanggang ibigay sa atin ng Diyos ang ating mga kahilingan o di kaya naman na ikaw ay naniniwala na ito ay hindi kalooban ng Diyos para sa iyo.

Balik sa Tagalog Home Page

Karapat-dapat ba na manalangin nang paulit-ulit tungkol sa parehong bagay, o nararapat ba na ang ating panalangin ay isang beses lamang? Ito bang Panalanging ulit ay mas makapangyarihan o mabisa kaysa sa pananalangin ng isang tao na nag-iisa?