Ano ba ang Tribulation? Papaano natin malalaman na ang Tribulation ay magtatagal ng pitong taon?

Tanong: "Ano ba ang Tribulation? Papaano natin malalaman na ang Tribulation ay magtatagal ng pitong taon?"

Sagot: Ang Tribulation ay ang paparating na pitong taon na kung saan tatapusin na ng Diyos ang disiplina sa Israel at isasapinal ang kanyang hatol sa mga hindi mananampalataya sa mundo. Ang simbahan, na binubuo ng lahat ng mga nananampalataya sa pagkatao at ginawa ni Hesu Kristo na iligtas sila mula sa kaparusahan ng kanilang mga kasalanan, ay hindi na makakaranas ng Tribulation. Ang mga mananampalataya ay aalisin na sa mundo sa pamamagitan ng pangyayaring kung tawagin ay Rapture (1 Thessalonica 4:13-18; 1 Corinto 15:51-53). Ang mga mananampalataya ay ligtas na sa paparating pang poot ng Panginoon (1 Thessalonica 5:9). Sa kabuuan ng Kasulatan, ang Tribulation ay tinukoy sa iba’t-ibang pangalan tulad ng:

1) Ang araw ng Panginoon(Isaias 2:12; 13:6, 9; Joel 1:15, 2:1, 11, 31, 3:14; 1 Thessalonica 5:2)

2) suliranin o Tribulation (Deuteronomio 4:30; Zephaniah 1:1)

3) Pinaka-matinding Tribulation na tumutukoy sa pinaka-masidhing ikalawang bahagi ng pitong taong yugto ng Tribulation (Mateo 24:21)

4) oras o araw ng suliranin (Daniel 12:1; Zephaniah 1:15)

5) oras ng suliranin ni Jacob (Jeremias 30:7)

Ang pagkaunawa sa aklat ng Daniel 9: 24-27 ay kinakailangan upang maunawaan ang layunin at panahon ng Tribulation. Ang ganitong talata sa aklat ng Daniel ay tumutukoy sa pitumpung linggong idineklarang laban sa “inyong mga tao.” Ang mga tao ni Daniel ay ang mga hudyo, ang bansa ng Israel, at ang sinasabi ng Daniel 9:24 ay ang yugto ng panahon na binigay ng Diyos para sa: tatapusin na ang mga paglabag sa alituntuning moral, bibigyan na ng katapusan ang kasalanan, bigyan ng katubusan ang mga kasalanan, at magdadala ng walang hanggang kabutihan, upang I-selyo na ang mga pangitain at propesiya, at piliin ang pinaka-banal na lugar. Idineklara ng Diyos na sa “pitumpung linggong” yaon, matutupad ang lahat ng mga bagay na ito. Napaka-importanteng maunawaan na kung nababanggit ang “pitumpung linggo,” hindi ito tumutukoy sa linggong alam natin (Pitong araw). Ang Hebreong salita na (Heptad) na isinalin bilang linggo sa aklat ng Daniel 9:24-27 ay literal na nagangahulugang pito at pitumpung linggo o (70 times 7). Ang ganitong yugto ng panahon na tinutukoy ng Diyos ay pitong pitumpung taon o apatnaraan at siyamnapung taon. Ito’y kinumpirma ng isa pang parte ng talatang ito sa aklat ng Daniel. Sa talata 25 at 26, sinabihan si Daniel na ang Mesias ay mahihiwalay ng “pitong linggo at animnapu’t dalawang linggo” (kabuuang animnapu’t siyam na linggo) na magsisimula sa utos na muling itayo ang Jerusalem. Sa ibang salita, pitong animnapu’t siyam na taon (483 taon) matapos ang utos na itayong muli ang Jerusalem, ang Mesias ay mahihiwalay. Kinumpirma ng mga Biblikal historians na apatnaraan walumpu’t tatlong taon ang nakalipas mula sa panahon ng paglabas ng utos na itayong muli ang Jerusalem patungo sa panahon ng pagpako kay Kristo sa krus. Karamihan sa mga Kristiyanong Iskolar, sa kabila ng kanilang mga pananaw sa darating na mga pangyayari, ay mayroong mataas na pang-unawa sa pitumpung linggong sinasabi sa aklat ng Daniel.

Sa paglipas ng apatnaraan at walumpu’t tatlong taon simula ng ilabas ang utos na itayong muli ang Jerusalem patungo sa pagkahiwalay sa Mesias, ito’y nag-iiwan ng pitong taon na matupad ang kayarian ng Daniel 9: 24 “layuan ang kasamaan at pagsisihan ang kasalanan. Pagkatapos, iiral na ang katarungan at magaganap na ang kahulugan ng pangitain. Itatalaga na ang Dakong Kabanal-banalan.” Ang Pinal na pitong taong yugto ay kilala bilang yugto ng Tribulation-ito ay ang panahong matatapos na ang Diyos sa paghatol sa Israel dahil sa kanilang mga kasalanan.

Nagbibigay ang Daniel 9: 27 ng ilang mga mahahalagang pangyayari sa pitong taong yugto ng Tribulation. Sinasabi sa aklat ng Daniel 9: 27 ang, “ Ang pinunong ito'y gagawa ng isang matibay na pakikipagkasundo sa makapal na tao sa loob ng pitong taon. Pagkaraan ng tatlong taon at kalahati, pipigilin niya ang paghahandog. Itataas niya sa templo ang Kalapastanganang Walang Kapantay at mananatili siya roon hanggang sa ang naglagay sa kanya ay parusahan ng Diyos ayon sa itinakda sa kanya." Ang taong tinutukoy ng talatang ito ay ang taong tinawag ni Hesus na "abomination that makes desolate" (Mateo 24:15) at tinawag na halimaw sa aklat ng Pahayag 13. Sinasabi sa Daniel 9:27 na ang halimaw ay gagawa ng kasunduan sa loob ng isang linggo (7 taon), subalit sa kalagitnaan ng linggong ito (3 ½ taon sa loob ng Tribulation), susuwayin niya ang nasabing kasunduan, na magpapatigil sa pag aalay ng sakripisyo at butil. Ipinapaliwanag ng Pahayag 13 na maglalagay ang halimaw ng kanyang imahe sa mga templo at ipag-uutos niya sa mundo na sambahin siya. Sinasabi sa Pahayag 13:5 na magpapatuloy ito sa loob ng apatnapu’t dalawang buwan, o 3 ½ taon. Dahil ang Daniel 9:27 ay nagsasabing mangyayri sa kalagitnaan ng linggo, at sinasabi naman ng Pahayag 13:5 na gagawin ito ng halimaw sa loob ng 42 buwan, madaling makitang ang kabuuan ng haba ng panahong ito ay 84 na buwan o pitong taon. Tingnan din sa Daniel 7:25 kung saan ang “time, times at ang kalahati ng time” (time=1 taon; times=2 taon; kalahati ng time=1/2 taon; kabuuan 3 1/2 taon) ay tumutukoy din sa Tribulation, ang kalahati ng pitong taong yugto ng Tribulation na kung saan maghahari ang halimaw.

Para sa iba pang mga mapagkukunan ng impormasyon tungkol sa Tribulation, tingnan ang aklat ng Pahayag 11:2-3 na bumabanggit ng 1,260 na araw at 42 na buwan, at ang Daniel 12:11-12 na bumabanggit ng 1,290 na araw at 1,335 na araw, ang lahat ng ito ay may kinalaman sa kalagitnaan ng Tribulation. Ang karagdagang araw sa Daniel 12 ay maaaring naglalakip ng panahon ng katapusan sa paghatol sa mga bansa (Mateo 25: 31-46) at ang panahon ng pagtatatag ng Millennial na kaharian ni Kristo (Pahayag 20:4-6).

Balik sa Tagalog Home Page