Vraag
Wat beteken dit dat die Woord mens geword het?
Antwoord
Die term “woord” word op verskillende maniere in die Bybel gebruik. In die Nuwe Testament is daar twee Griekse woorde, vertaal as “woord”: rhema en logos. Hulle het kleinerige, maar tog verskillende betekenisse. Rhema beteken gewoonlik “’n uitgespreekte woord.” Byvoorbeeld in Lukas 1:38, toe die engel aan Maria gesê het dat sy die moeder van God se Seun sou wees, het Maria geantwoord, “Ek is tot beskikking van die Here. Laat met my gebeur wat u gesê het (rhema).”
Logos, egter, het ‘n breër, meer filosofiese betekenis. Dit is die term wat in Joh 1 gebruik word. Gewoonlik impliseer dit ‘n volledige boodskap en word meestal gebruik met verwysing na God se boodskap aan die mensdom. Byvoorbeeld, Luk 4:32 sê dat, toe Jesus die mense geleer het, was hulle verbaas oor Sy leer, “want Hy het met gesag gepraat” (logos – His words). Die mense was verbaas, nie slegs deur die spesifieke woorde wat Jesus gekies het nie, maar deur sy totale boodskap.
“Die Woord” (Logos) in Joh 1 verwys na Jesus. Jesus is die volledige Boodskap – alles wat God aan die mens wil kommunikeer. Die eerste hoofstuk van Johannes gee aan ons ‘n kykie in die Vader/Seun- verhouding voordat Jesus na die aarde gekom het in menslike vorm. Hy het vooraf bestaan saam met die Vader (vers 1), Hy was betrokke in die skepping van alles (vers 3), en Hy is “die lig vir die mense” (vers 4). Die Woord (Jesus) is die volle beliggaming van alles wat God is (Kol 1:19; 2:9; Joh 14:9). Maar God die Vader is Gees. Hy is onsigbaar vir die menslike oog. Die boodskap van liefde en redding wat God deur die profete gespreek het, was vir eeue in die wind geslaan (Eseg 22:26; Matt 23:37). Mense vind dit maklik om die onsienbare God se boodskap te minag en gaan voort in hul sonde en rebellie. So het die boodskap mens geword, menslike vorm aangeneem en gekom om tussen ons te woon (Matt 1:23; Rom 8:3; Fil 2:5-11).
Die Grieke het die woord logos gebruik om te verwys na iemand se “verstand” of “rede” of “wysheid.” Johannes het hierdie Griekse konsep gebruik om die feit te kommunikeer dat Jesus, die Tweede Persoon van die Drie-eenheid, die self-uitlewing van God teenoor die wêreld is. In die Ou Testament, het die woord van God die heelal in bestaan gespreek (Ps 33:6) en die hulpbehoewendes verlos van sonde (Ps 107:20. In hoofstuk 1 van die Johannes Evangelie, verskyn Johannes aan beide Jode en Heidene, om die ewige Christus aan te neem as Verlosser.
In Luk 20:9-16 het Jesus die gelykenis vertel om te verduidelik waarom die Woord moes mens word. “Daar was ‘n man wat ‘n wingerd aangeplant en dit aan boere verhuur het. Daarna was hy ‘n hele ruk weg van die huis af. Toe dit tyd was daarvoor, stuur hy ‘n slaaf na die boere toe om sy deel van die wingerd se opbrengs te gaan haal. Maar die boere het die slaaf geslaan en met leë hande weggejaag. Die eienaar het weer geprobeer en ‘n ander slaaf gestuur. Maar hulle het hierdie een ook geslaan en uitgeskel en met leë hande weggejaag. Die eienaar het nog ‘n keer geprobeer en ‘n derde slaaf gestuur. Hulle het hom geslaan dat die bloed loop en hom uit die wingerd uitgegooi. Toe sê die eienaar van die wingerd: ‘Wat moet ek nou doen? Ek sal my geliefde seun stuur. Miskien sal hulle hom ontsien.’ Maar toe die boere hom sien, het hulle onder mekaar geredeneer: ‘Dit is die erfgenaam dié. Kom ons slaan hom dood, dan is die erfenis ons s’n.’ Toe gooi hulle hom uit die wingerd uit en slaan hom dood. Wat sal die eienaar van die wingerd dan met hulle doen? Hy sal kom en daardie boere om die lewe bring en die wingerd vir ander mense gee.”
In hierdie gelykenis het Jesus die Joodse leiers herinner dat hulle die profete verwerp het en dat hulle toe besig was om die Seun ook te verwerp. Die Logos, die Woord van God, sal van toe af aan almal aangebied word, nie net aan die Jode nie (Joh 10:16; Gal 2:28; Kol 3:11). Omdat die Woord mens geword het, het ons ‘n Hoëpriester wat in staat is om medelye met ons swakhede te kan hê, Een wat in elke opsig netsoos ons versoek is – “maar Hy het nie gesondig nie” (Hebr 4:15).
English
Wat beteken dit dat die Woord mens geword het?
