Vraag
Wat beteken dit as ons sê God is liefde?
Antwoord
Kom ons kyk hoe die Bybel liefde beskryf en of ons God in hierdie beskrywing kan sien. “Die liefde is geduldig en vriendelik, die liefde is nie jaloers nie, die liefde blaas nie sy eie beuel nie, is nie vol van homself nie. Dit tree nie onwaardig op nie, is nie kort van draad nie, hou nie boek van die kwaad wat jou aangedoen word nie. Dit treur oor die onreg wat plaasvind en juig as die waarheid seëvier. Die liefde bly stil oor ander se foute, dit bly steeds vertrou, dit hou aan met hoop, dit verduur alles. Die liefde sal nooit vergaan nie” (1 Korintiërs 13:4 – 8a). Hierdie is God se beskrywing van liefde en omdat God liefde is (1 Johannes 4:8) is dit ook wie Hy is.
Liefde (God) forseer (dwing) Homself nooit op enige iemand nie, deur Sy liefde vir ons, roep Hy ons tot onsself. Liefde (God) wys goedheid aan almal. Liefde (Jesus) doen altyd goed sonder om partydig te wees. Liefde (Jesus) begeer nie wat ander het nie en lei ‘n eenvoudige lewe sonder om te kla. Liefde (Jesus) praat nooit groot nie en blaas nie Sy eie beuel oor wie Hy is nie tenspyte van Sy krag en mag. Liefde (God) dwing nie gehoorsaamheid af nie. God het nie eens gehoorsaamheid van Sy eie Seun vereis nie, in teendeel, Jesus toon Sy gehoorsaamheid gewillig aan Sy Vader. “Die wereld moet weet dat Ek die Vader liefhet en daarom nougeset doen wat die Vader aan My opdra” (Johannes 14:31). Liefde (Jesus) het (en sal) altyd na die belange van ander omsien.
Die beste voorbeeld van God se liefde word gevind in Johannes 3:16, “God het die mensdom so liefgehad dat Hy sy enigste Seun gegee het sodat elkeen wat in Hom glo, nie verlore sal gaan nie, maar die ewige lewe sal hê”. Romeine 5:8 gee ons dieselfde boodskap: “God laat blyk Sy liefde vir ons egter daarin dat Christus vir ons kom sterf het ten spyte daarvan dat ons nog sondaars was”. Ons kan deur hierdie verse sien dat dit God se grootste wil is om ons met Hom te verenig en ons na Hom te bring waar Hy in die hemel is, Sy ewige blyplek. God maak hierdie vir ons moontlik deur die prys wat Jesus vir ons sondes betaal het. God is lief vir ons en kies ons om volgens Sy wil te lewe. Liefde vergewe: “As ons egter ons sondes bely, Hy is betroubaar en regverdig om ons sondes te vergewe en ons skoon te maak van elke verkeerde optrede” (1 Johannes 1:9).
So wat beteken dit dan eintlik dat God liefde is? Liefde is ‘n eienskap van God. Liefde is die wesenlike aspek van God se karakter en staan vir wie Hy is. God se liefde staan nie in konflik met Sy heiligheid, of Sy reverdigheid, of selfs Sy wraak (teen sonde) nie. Al God se eienskappy is perfek en in harmonie met mekaar. Alles wat God doen is regverdig en verdiend. God is die perfekte voorbeeld van liefde. Deur God se krag en deur die Heilige Gees gee God ook hierdie liefde aan elkeen wat Jesus aanneem as Sy saligmaker en verlosser (Johannes 1:12; 1 Johannes 3:1, 23-24).
English
Wat beteken dit as ons sê God is liefde?
